Սրանից հետո պանթուրքիզմն է գրոհելու Եվրոպայի վրա. Լևոն Շիրինյանը Ֆրանսիայի ահաբեկչության մասին

Սա առաջին մեծ ալիքն է, ես երկրորդ ալիքն եմ նախատեսում: Սրանից հետո պանթուրքիզմն է գրոհելու ամբողջ Եվրոպայի վրա: Այս մասին  Tert.am-ի հետ զրույցում ասաց քաղաքագետ Լևոն Շիրինյանը` անդրադառնալով Ֆրանսիայում տեղի ունեցած ահաբեկչություններին:

«Ֆրանսիայում 5-6 միլիոն և ավելի մահմեդականներ կան, որոնց մեջ զգալի քանակությամբ թուրքեր կան, հիմա  պետք է գնալ կոմպրոմիսի, ինչը նշանակում  է իսլամի քաղաքականությանը տեղ տալ»,- ասաց նա:

Քաղաքագետը նշեց, որ Արևմուտքը վայելում է Աբդուլ  Համիդի շրջանում` Հայաստանը ծախելու պտուղները, և  իրենց խրախուսանքը` իսլամիստներին: «Պետք է ստեղծել հակակշիռներ` ոչ միայն իրենց երկրներում: Հայաստանը կարող է լինել իսլամի ճանապարհը փակող երկիր»,- ասաց նա և նշեց, որ Արևմուտքը պետք է պատրաստվի քաղաքակրթությունների պատերազմի:

Լևոն Շիրինյանը նշեց, որ ահաբեկիչները գաղափարական կռիվ են տալիս   և եթե Եվրոպան վերականգնի իսկական եվրոպական քաղաքակրթական արժեքային համակարգը, հնարավոր է դիմակայի դրան:

Ըստ նրա` իսկական ժամանակն է, որ Հայոց ցեղասպանության ժխտողականության օրենքը Ֆրանսիան ընդունի: