Թե ինչ փուլերով է պատրաստվում ամերիկյան դոլարը. լուսանկարներ

Վերջերս գնի տատանումներով տնտեսական աշխարհը ցնցած դոլարի փոխարժեքի բարձրացումների ֆոնին Bigpicture.ru-ն որոշել է ներկայացնել ամերիկյան արժույթի ստեղծման, պատրաստման ու բաշխման փուլերը:

1. Դոլարները ծնվում են ԱՄՆ-ի Փորագրության և տպագրության բյուրոյում, որը մտնում է ԱՄՆ ֆիննախարարության կազմի մեջ: Այն հիմնադրվել է 1862-ին՝ Վաշինգտոնում: Բյուրոյում աշխատում է 2000-ից ավելի աշխատակից: Մետաղադրամները պատրաստվում է դրամահատարանում, որի գլխավոր գրասենյակը ևս տեղակայված է ամերիկյան մայրաքաղաքում: Ի դեպ, բյուրոյում էքսկուրսիաներ են անցկացնում ցանկացողների համար:

2. Առաջին քայլը պողպատե սկավառակների վրա փորագրությունն է, որով զբաղվում են մասնագիտությունը 10 տարվա ընթացքում յուրացրած վարպետները: Փորագրության որակից է կախված պաշտպանվածությունը և կեղծումներից խուսափելու հնարավորությունը:

 

 

3. Փորագրությունից հետո հատուկ թուղթ է պատրաստվում: Դոլարը չի տպվում փայտից պատրաստված թղթի վրա, որպեսզի այն ժամանակի հետ չդեղնի: Հատուկ թուղթը պատրաստվում է 25 տոկոսով սպիտակեղենի թելից և 75 տոկոսով բամբակաթելից կազմված զանգվածից:

 

4. Թղթի պատրաստումը 8 փուլով է իրականացվում: Սկզբում զանգվածը եփում են, ապա մաքրում, լուսավորում, ապա սեղմում` ճնշում գործադրելով, որից հետո այն հայտնվում է սարքում, որտեղ փափկեցվում է որոշակի ջերմաստիճանի ներքո:

 

5. Այս թղթով պատրաստվող թղթադրամները ներքին շերտ են ունենում, որը գրեթե անհնար է կեղծել: Թղթի պատրաստման ժամանակ դրանում հատուկ պաշտպանիչ գծեր են կարվում, որոնք արդեն հայտնվել են թղթադրամի վերջին օրինակներում:

 

 

6. Այս ամենից հետո թուղթը չորացվում է` հատուկ ճնշման տակ, որից հետո փաթաթվում է հսկայական գլանակներով` 2.5 մետր լայնությամբ և 4 տոննա քաշով: Ամեն մի գլանակից 3.5 մլրդ 100 դոլարանոց թղթադրամ են տպում:

 

 

7.  Թղթադրամների պատրաստումը 6 փուլով է իրականացվում, որոնցից յուրաքանչյուրն ուղղված է պաշտպանիչ շերտերին:  Տպագրությունը կատարվում է հատուկ սարքով, որը միաժամանակ տպագրում է թղթի երկու երեսին: Սարքը թղթադրամին նաև տարբեր գույներ է հաղորդում:

 

8. Գույնը ևս արտադրվում է հատուկ Փորագրության և տպագրության բյուրոյի համար:

 

9. Տպագրությունից հետո ներկը չորանում է 72 ժամում, որին հետևում է խոր տպագրության փուլը: Հատուկը ճնշման շնորհիվ թուղթը վերածվում է ֆակտուրայի, որը դժվար է կրկնօրինակել:

 

10. Թանաքի չորանալուց հետո, երբ արդե պատրաստ են նկարներով թղթադրամների թերթերը, գալիս է սկանավորման փուլը` թերությունները հայտնաբերելու համար: Համակարգիչը միաժամանակ 37 թերթ է ստուգում: Թերություններով թղթադրամները ոչնչացվում են, սակայն երբեմն դրանք ընկնում են հազվագյուտ իրերի կոլեկցիոներների ձեռքը, իհարկե՝ հարյուր անգամ թանկ գնով: Հաջորդ փուլով կտրատում են թերթերը, ապա հաշվում և փաթեթավորում: