Միայնակ հայրիկը վարսահարդարի դասընթացների է հաճախել դստեր վարսերը գեղեցիկ հարդարելու համար (լուսանկարներ)

Կոլորադոյում բնակվող միայնակ հայրիկը հզոր հայտ է ներկայացրել «Տարվա հայրիկ» կոչմանն արժանանալու համար:

Ինչպես հայտնում է Daily Mail-ը` Գրեգ Ուիքհերսթը հանդիստանում է 3-ամյա դստեր հիմնական խնամակալը նրա մորից բաժանվելուց ի վեր: Փոքրիկ աղջկա խնամքն ու հոգատարությունն ամբողջությամբ իր վրա վերցնելով` ամերիկացի հայրիկը մի խնդրի առաջ է կանգնել` ինչպես հարդարել դստեր մազերը:

IntelliTec College-ի  ներկայացուցչի հետ խորհրդակցելուց հետո նա որոշել էր դիմել կոսմետոլոգիական բաժանմունք: Ուսանողների հետ պայմանավորվելով` ամերիկացին իր բոլոր ընդմիջումներն անցկացնում էր այնտեղ` կոսմետոլոգից և վարսահարդարից դասեր վերցնելով:

Ամերիկացին ո'չ միայն հաջողությամբ յուրացրել է վարսահարդարման արվեստը, այլև՝ դարձել է ֆեյսբուքի հայտնություն` իր իսկ ստեղծած սանրվածքների լուսանկարները տեղադրելով սոցցանցում: