Մարտի 28-ին կլրանար ադրբեջանական վերջին դիվերսիայի զոհ Հակոբ Խաչատրյանի 19-ամյակը

Մարտի 19 –ին Լեռնային Ղարաբաղում Գյուլիստանի ուղղությամբ  ադրբեջանական դիրքերից դիվերսիոն գործողության զոհ դարձած Հակոբ Խաչատրյանի 19 –ամյակը կլրանար մարտի 28 –ին։ Նա սովորելիս է եղել մանկավարժական համալասարանի պատմության ֆակուլտետում:

Tert.am –ի հետ զրույցում Բերձորի «Մերան» թերթի գլխավոր խմբագիր Զոհրաբ Ռկոյանը հայտնեց, որ   Խաչատրյանների ընտանիքը Բորձորի շրջանի Աղաձոր գյուղում բնակվում է 2000-2001 թվականներից:
«Սովորական գյուղացի մարդիկ են ծնողները, զբաղվում են տնտեսությամբ, երկու քույր են , երկու եղբայր, քույրերը  մեծ էին, մի քույրը դպրոցում է աշխատում, որը ավարտել էր Հակոբը»,-մանրամասնեց Զոհրաբ Ռկոյանը:

Այսօր  տեղի է ունեցել Հակոբի հուղարկավորությունը, երեկ  հոգեհանգստի արարողությունը, կատարվել է նաև մոմավառություն նրա ավարտած դպրոցի մոտ: Արարողությանը մասնակցել են նույն դպրոցի աշակերտները և ուսուցիչները։