Քիմ Քարդաշյանը Հայաստան այցի կապակցությամբ կրկին սևահեր կդառնա. լրատվամիջոցներ

Շեկ մազեր պահելը մեծ աշխատանք է պահանջում: Հայազգի մոդել, իրապատում շոուների աստղ Քիմ Քարդաշյանը, ընդամենը մի քանի շաբաթ առաջ Փարիզում իր նոր տեսքը ցուցադրելուց հետո, արդեն հասցրել է բազմիցս այցելել գեղեցկության սրահ՝ իր կատարյալ տեսքը վերականգնելու համար: Բայց թվում է, որ նա մոտ ապագայում կհրաժարվի ջրածնի պերօքսիդից, գրում է Yahoo Style-ը:

Երբ E! News-ի թղթակից Քեն Բեյքերը հարցրել է Քարդաշյանին, թե որքան երկար է մնալու նա իր այդ նոր տեսքով, 34-ամյա աստղը պատասխանել է, որ մեծ ուղևորությամբ ոգեշնչված՝ փոփոխությունն անխուսափելի է:

«Չգիտեմ, ես զգում եմ, որ երբ ես գնամ Հայաստան, պետք է մուգ մազերով լինեմ: Չգիտեմ»,- ասել է նա:

Հաղորդավար Ջուլիանա Ռանչիչը նշել է, որ իր աղբյուրը հաստատել է՝ Քարդաշյանը պատրաստվում է իր նախնիների երկիր մեկնել հաջորդ ամիս: Այնպես որ, եթե ամեն ինչ ընթանա ըստ պլանի՝ Քարդաշյանը շատ շուտով կրկին սևահեր կդառնա:

Քարդաշյանի մազերի գույնի փոփոխությունից առավել հետաքրքիր է այն փաստը, որ աստղը կարիք է զգում վերադառնալ իր արմատներին և մազերի բնական գույնին: Կնոջ համար, ով այնքան համարձակ քայլերի է դիմել իր արտաքին տեսքի հետ կապված, դա զարմանալի է, գրում է լրատվամիջոցը։