Ջրի վրա լողացող հյուրանոցի սենյակները կարող են ինքնուրույն առանձնանալ, լողալ, ապա ընթրիքի ժամին վերադառնալ (նկարներ, տեսանյութ)

Սերբական Salt & Water դիզայներական ստուդիան ներկայացրել է լողացող հյուրանոց, որի համարներն առանձնանում են հիմնական հարթակից և ազատ լողում հատկացված ջրային տարածքում, վերադառնում են միայն երեկոյան՝ հիմնական տախտակամածում ընթրելու համար, գրում է Daily Mail-ը։

Հյուրանոցն իր այցելուներին թույլ է տալիս վայելել հանգիստը, միևնույն ժամանակ տալիս է շքեղ հյուրանոցային համարների ընտրություն։

Ճարտարապետական յուրահատուկ դիզայնն արժանացել է Yacht Design Award մրցանակի, իսկ կոնցեպտի ապագա գնորդները կկարողանան այն փոփոխել՝ ըստ իրենց ցանկության։

Ըստ դիզայներների՝ նրանք փորձել են հնարավորություն ընձեռել ապագա այցելուներին մոտ զգալու բնությանը և վայելելու շրջակայքի գեղեցկությունը։ 

Տեսանյութում նմանատիպ հյուրանոցի կոնցեպտի եռաչափ մոդելավորումն է, որը նախագծվել է Քաթարում.