Ավստրալիայի՝ «հարսանեկան տորթ» հիշեցնող ժայռն ամեն պահ կարող է տապալվել օվկիանոսը (լուսանկարներ, տեսանյութ)

Նոր Հարավային Ուելսում (Ավստրալիա) գտնվող Wedding Cake Rock ժայռը հայտնի է դարձել Instagram սոցիալական ցանցում իր ուշագրավ արտաքին տեսքի շնորհիվ։ Այժմ այն հայտնվել է վտանգի առաջ. ժայռն ամեն պահ կարող է տապալվել օվկիանոսը, գրում է Daily Mail-ը։

Ժայռը բնակիչները նմանեցնում են հարսանեկան տորթի, որից էլ գալիս է դրա անվանումը։

Այն հիմնականում հայտնի է դարձել, երբ սոցցանցի օգտատերերից շատերը սկսել են գեղեցիկ լուսանկարներ անել և ներբեռնել Instagram։

Ավստրալիայի ազգային պարկերի և վայրի բնության պահպանման ծառայությունն այժմ ուսումնասիրում է տեղանքը և փորձում այն ավելի ապահով դարձնել։