Հայտնի երգչուհին «պոռնիկ» Քիմ Քարդաշյանին մեղադրել է «երաժշտությունը սպանելու» համար

Իռլանդանցի հանրահայտ երգչուհի Շինեյդ Օ՜Քոնորը իր վրդովմունքն է հայտնել Rolling Stone-ի նոր համարի կազմով, որին հայազգի հեռուստաաստղ Քիմ Քարդաշյանն է:

ԶԼՄ-ների փոխանցմամբ` երգչուհին  Facebook-ի իր էջում կոշտ քննադատության է ենթարկել հեղինակավոր ամսագրին և կոչ արել բոյկոտել դա: Օ՜Քոնորը նույնիսկ համապատասխան հեշթեգ է առաջարկել`  #BoycottRollingStone:

Քիմին նա անվանել է «պոռնիկ» և հարցադրում արել. ինչո՞ւ է այդ «պոռնիկը» հայտնվել շապիկին, և հիմա երաժշտությունը արդեն պաշտոնապես մեռա՞ծ է:  

«Ո՞վ կմտածեր, որ երաժշտությունը կսպանի Rolling Stone-ը»,-նկատել է երգչուհին:

Նախկինում Օ'Քոնորը սկանդալների կիզակետում էր հայտնվել 2013-ին, երբ Մայլի Սայրուսին բաց նամակ էր գրել` կոչ անելով «չբացվել», իսկ 1992-ին` ուղիղ եթերում պատռել Հռոմի պապի նկարը:

Շինեյդ Օ'Քոնորը 10-ից ավելի ալբոմ է թողարկել, ունի 30 սինգլ, համաշխարհային ճանաչման է հասել Փրինսի Nothing Compares 2 U-ի իր մատուցմամբ:

Քարդաշանը զարդարել է  նշված հանդեսի հուլիսի համարը: