Եղանակն՝ այսօր
Խոշոր ավտովթար Թուրքիայում. երկու ավտոբուսների վթարի հետևանքով զոհվել է 6, վիրավորվել 40 մարդ
11:36 • 15.07.15
Թուրքիայի Բոլու շրջանում վաղ առավոտյան երկու ավտոբուսներ վթարի են ենթարկվել, ինչի հետևանքով զոհվել է 6, վիրավորվել է 40 մարդ։
Ինչպես տեղեկացնում է «Միլլիյեթ» թերթի կայքը, միջադեպի հետևանքով ժամանակավորապես փակվել է դեպի Ստամբուլ տանող ճանապարհը։
Ըստ նախնական վարկածի՝ դեպի Ստամբուլ մեկնող ավտոբուսի վարորդը սահուն ճանապարհի պատճառով կորցրել է վերահսկողությունը, և, բախվելով արգելապատնեշին, շրջվել է։
Նրա հետևից ընթացող մեկ այլ ավտոբուս, տեսնելով վթարը, կտրուկ արգելակել է և նույնպես կորցրել է վերահսկողությունն ու բախվել արգելապատնեշին։
Տարբեր հիվանդանոցներ տեղափոխված վիրավորներից 15-ի վիճակը ծայրահեղ ծանր է։
Placeholder
Studio One