Մերիլ Սթրիփը և Քեյթ Ուինսլեթը դեմ են հանդես եկել մարմնավաճառության օրինականացմանը

Հոլիվուդյան դերասաններ Մերիլ Սթրիփը, Քեյթ Ուինսլեթը, Էն Հեթուեյը, Քրիս Կուպերը, Էմմա Թոմփսոնը, Քևին Քլայնը  դեմ են հանդես եկել մարմնավաճառության օրինականացմանը` ստորագրելով  Amnesty International իրավապաշտպան կազմակերպության խնդրագիրը:

Ինչպես տեղեկացնում է Корреспондент-ը` The Guardian-ին հղումով,  կազմակերպության գլխավոր քարտուղար Սալիլ Շետտիին հասցեագրված խնդրագիրը հրապարակվել է change.org կայքում:

Ներկա պահին խնդրագիրն ստորագրել է 3500 մարդ, որոնց թվում են նաև այլ հայտնի դերասաններ:
«Amnesty International-ի հեղինակությունը` որպես ազգերի և յուրաքանչյուր մարդու իրավունքների համար պայքարողի, լրջորեն կարատավորվի, եթե այն ընդունի կավատների, սեքս-ծառայությունների գնորդների աջակցման քաղաքականությունը», - հայտարարել են Coalition Against Trafficking in Women իրավապաշտպան կազմակերպությունում: