Victoria's Secret-ի «հրեշտակ» Քենդիս Սվեյնփոուլն ամուսնանում է (լուսանկարներ)

Կանացի ներքնազգեստի, ինչպես նաև մարմնի խնամքի համար նախատեսված պարագաների արտադրությամբ զբաղվող Victoria's Secret ընկերության «հրեշտակ» Քենդիս Սվեյնփոուլն ամուսնանում է, հայտնում է tatler.ru-ն։

Թոփ մոդելի սիրավեպը մոդել Գերման Նիկոլիի հետ շարունակվում է արդեն 10 տարի։

«Ես 17 տարեկան էի, երբ մենք ծանոթացանք։ Մենք հանդիպել ենք Միլանում երեկույթներից մեկի ժամանակ։ Իսկ մեկ տարի անց հանդիպեցինք Փարիզում՝ Տղամարդկանց նորաձևության շաբաթվա շրջանակում, և այդպես սկսվեց...»,- պատմել է «հրեշտակը»։

Օգոստոսի սկզբին Նիկոլին ամուսնության առաջարկ է արել Սվեյնփոուլին, վերջինս էլ դրական պատասխան է տվել։ Թե երբ է արարողությունը՝ հայտնի չէ։