Time-ը հրապարակել է պատմության ընթացքում ամենաժլատ հարուստների ցուցակը. այն գլխավորել է Չարլի Չապլինը (լուսանկարներ)

Ամերիկյան Time ամսագիրը կազմել է պատմության մեջ ամենաժլատ և խնայող հարուստների ցուցակը։ Հոլիվուդյան դերասան Չարլի Չապլինը գլխավորել է այդ ցուցակը՝ որպես աշխարհի «ամենագլխավոր ժլատ», փոխանցում է Обозреватель-ը։

Արտիստը ժամանակին վաստակել է շաբաթական 10.000 դոլար, սակայն ռեստորանում ընթրելիս նա անում էր ամեն ինչ, որպեսզի իր հաշիվը փակեին ընկերները։ Իսկ Բևերլի Հիլզում իր տան շինարարության համար դերասանը հրավիրել է «անվճար» ատաղձագործների։

Ցուցակում է հայտնվել նաև ամերիկացի նախագահ Ջոն Քենեդին։ Time-ը վստահեցնում է, որ նա չէր օգտագործում հորից ժառանգած 170 մլն դոլարը և խնայում էր մթերքի և հագուստի գնման հարցում։

Միլիարդատեր Ուորեն Բաֆետը ներառվել է ժլատների ցուցակում, քանի որ ապրում է սովորական տանը և վարում է հասարակ մեքենա, որի համարանիշների վրա գրված է՝ «Խնայող»։

1970-ականներին Ջոն Գեթին համարվում էր մոլորակի ամենահարուստ մարդը, նրա կարողությունը գնահատվում էր 4 մլրդ դոլար։ Սակայն իր առանձնատանը նա հյուրերի համար տաքսաֆոններ էր տեղադրել, որպեսզի նրանց փոխարեն չվճարի։ 1973-ին Գեթին հրաժարվել է վճարել առևանգված թոռան համար։

1948-ին աշխարհի ամենահարուստ մարդ է հայտարարվել նավթային մագնատ Հարոլդ Հանթը, սակայն նա այնքան ժլատ էր, որ ինքն էր իր մազերը կտրում, իսկ հագուստը կրում էր մինչև ծակվելը։

Նախորդ դարասկզբին ֆինանսիստուհի Հենրիետա Գրինի կարողությունը գնահատվում էր 100 մլն դոլար (ներկայիս՝ 20 մլրդ դոլար)։ Ինչևէ, կինը խնայում էր էլեկտրաէներգիայի հարցում և վարսակը տաքացնում մարտկոցի վրա, ապրում էր վարձակալած էժան բնակարաններում։