Հայ իրավաբանների միությունը կոչ է արել դադարեցնել Թուրքիայում հայերի հանդեպ ատելության տարածումը

Սփյուռքում ապրող հայ փաստաբանների ստեղծած միության՝ Հայ իրավաբանական միության ներկայացուցիչները դատապարտել են Թուրքիայում վերջին շրջանում հայերի հանդեպ տարածվող ատելություն սերմանող խոսքերն ու «Արմեն» որբանոցի վրա իրականացված հարձակումները, գրում է «Ակօսը»։

Այդ մասին միության ներկայացուցիչները նամակ են հրապարակել: Թուրքիայի դեսպանատներին ու հյուպատոսարաններին ուղարկված նամակում նրանք կոչ են անում խստորեն դատապարտել նման երևույթները։

Սփյուռքում ապրող հայ փաստաբանների ստեղծած միությունը նամակներ է ուղարկել ԱՄՆ-ի, Կանադայի, Մեծ Բրիտանիայի, Ավստրալիայի, Ֆրանսիայի, Գերմանիայի, Բելգիայի, Հունաստանի, Իսպանիայի, Շվեդիայի, Ռուսաստանի, Լիբանանի, Եգիպտոսի, Կոլումբիայի դիվանագիտական ներկայացուցչություններին՝ խնդրելով հայերի հանդեպ սադրանքներ իրականացնել դրդողների հանդեպ կոչով հանդես գալ:

Միության ղեկավար Հարի Տիգրանյանի հեղինակած նամակում խոսվում է «Արմեն» որբանոցի քանդման դեմ պայքարողների հանդեպ իրականացված երկու հարձակումների, Ջիզրեի ոստիկանության՝ բարձրախոսով հնչեցրած կոչի, որում բոլորին «հայ լինելու» համար էին մեղադրում, ինչպես նաև Բուրհան Քուզուի «ահաբեկիչների՝ թլպատված չլինելու» մասին թվիթի մասին։