Վրաստանում ԻՊ-ի հետ կապ ունենալու կասկածանքով 4 մարդ է ձերբակալվել

Վրաստանում ձերբակալվել են երկրի չորս քաղաքացիներ, որոնք կասկածվում են «Իսլամական պետություն» ահաբեկչական խմբավորման հետ կապեր ունենալու համար:

Ինչպես տեղեկացնում է gazeta.ru-ն, այդ մասին տեղի հեռուստաընկերությունները հայտնել են իրավապահ մարմինների հղումով:

Վրացական լրատվամիջոցների տվյալներով՝ ձերբակալվածների մոտից առգրավվել են նռնակներ, զենքեր և ԻՊ-ի դրոշը: Իրավապահները դեռ պաշտոնապես չեն հաստատել տեղեկությունը:

Նախօրեին Վրաստանի պետական անվտանգության ծառայության ղեկավարի տեղակալ Լևան Իզորիան հայտարարել է, որ վերջին տվյալներով Սիրիայում Վրաստանի 50 քաղաքացի կա:

«Մեր ծառայությունը տեղեկություններ ունի այդ բոլոր 50 քաղաքացիների ու Սիրիայում նրանց գործունեության մասին, ավելին՝ այդ քաղաքացիների նկատմամբ, այն դեպքերում, երբ կան կոնկրետ վկայություններ նրանց գործունեության մասին, օրենքին համապատասխան քրեական գործ է հարուցվել»,-ասել է նա:

Սիրիայում ԻՊ-ի շարքերում կռվող Վրաստանի քաղաքացիները հիմնականում Պանկիսի կիրչի բնակիչներ են: