«Աստղային պատերազմները» նոր ռեկորդ է սահմանել. $ 1 մլրդ` 9 օրում

«Աստղային պատերազմներ. ուժի արթնացում» ֆիլմը տոմսարկղերում վաճառքի արագության ռեկորդ է սահմանել: Ինչպես հայտնում է Associated Press-ը`  ֆիլմաշարի նոր մասը 1 մլրդ դոլար է հավաքել ԱՄՆ-ում էկրան բարձրանալուց հետո 9 օրվա ընթացքում:

Այս տվյալները հաստատում է  Box Office Mojo պորտալը:  Ընթացիկ տվյալների համաձայն` «Աստղային պատերազմների»  7-րդ մասը 1.090 մլրդ դոլար եկամուտ է գրանցել, այդ թվում` 544 մլն դոլարը ԱՄՆ-ում, 546 մլն դոլարը` այլ երկրներում:

Նույն պորտալի  մոնիթորինգի տվյալներով` «Ուժի արթնացումը» արդեն 15-րդ տեղն է զբաղեցնում  բոլոր ժամանակների ամենամեծ կոմերցիոն հաջողություն ունեցած  ֆիլմերի շարքում: