Դինքի գործով ձերբակալված ոստիկաններից մեկը դատարանի որոշմամբ ազատ է արձակվել

Ստամբուլում լույս տեսնող «Ակօս» շաբաթաթերթի խմբագրապետ Հրանտ Դինքի սպանության գործով պետական ծառայողների դեմ մեկնարկած դատավարության 3-րդ նիստի ընթացքում նախկին ոստիկան Էրջան Դեմիրն ազատ է արձակվել:

Գործով անցնող նախկին պաշտոնյաներից Ալի Ֆուաթ Յըլմազերն ու Ռամազան Աքյուրեքը շարունակում են կալանավորված մնալ, հաղորդում է «Ակօս»-ը:

Դատական հաջորդ նիստը տեղի է ունենալու օգոստոսի 8-12-ը:

Դատական երրորդ նիստի ընթացքում դատարանը լսել է Տրապիզոնի հետախուզության ծառայության աշխատակից Մուհիթթին Զենիթին: Նրա ցուցմունքից հետո ելույթով է հանդես եկել Էրջան Դեմիրի պաշտպանական կողմը: Դրանից հետո դատարանը վճռել է բավարարել միջնորդությունն ու ազատ արձակել:

Դատական հաջորդ նիստի ընթացքում, սակայն, դատարանը կշարունակի լսել Էրջան Դեմիրի պաշտպաններին: