Ինչպիսին է լինելու նոր iPhone 7-ը (լուսանկարներ)

Ամերիկյան Apple տեխնոլոգիական ընկերության ներկայացվելիք նոր սմարթֆոնի`7-րդ սերնդի iPhone-ի մասին դեռևս որևէ ստույգ տեղեկություն չկա: Սակայն համացանցը հեղեղված է երկար սպասված նորույթի արտաքին դիզայներական լուծումների ու տեխնիկական բնութագրի առանձնահատկությունների և նորամուծությունների մասին արտահոսած տեղեկություններով:

Techinsider կայքն ուսումնասիրել է մեծ քանակով արտահոսած տեղեկություններ ու մի նյութում ամփոփել ամենից շատ հավատ ներշնչող կանխատեսումները:

1. Նախևառաջ նշվում է, որ նորույթը կարող է չկրել iPhone 7 անվանումը` փոխարենը հանդիսանալով iPhone 6 դասի նոր հեռախոսը:

2. Այն կներկայացվի 2 մոդելով` մեծ ու փոքր էկրաններով: 

3. Սմարթֆոնը ներկայացվելու է այլընտրանքային կապույտ գույնով: 

4. Այն iPhone 6S-ից ավելի բարակ է լինելու: 

5. Ի տարբերություն նախորդ iPhone 5, 5s, 6 և 6s մոդելների` նորույթը պատրաստված չի լինելու ալյումինից:

6. Այն ջրակայուն է լինելու և չի փչանա անգամ ջրով լի տարայի մեջ ընկնելու դեպքում: 

7. Դրա վրա կբացակայի ականջակալների միացման համար նախատեսված անցքը: 

8. Այն կարող է զրկված լինել սմարթֆոնի առաջնային հատվածի ներքևի մասում տեղակայված հիմնական կառավարման կոճակից: 

 
9. Սմարթֆոնը գործելու է նոր A10 չիպով: 

10. Այն կունենա ավելի մեծ մարտկոց: 

11. Նորույթը ներկայացվելու է սեպտեմբերին: 

12. iPhone 7-ը կարժենա առնվազն 650 դոլար: