Եղանակն՝ այսօր
Գերմանական զորակազմը հնարավոր է հետ կանչվի թուրքական ռազմաբազայից. Գերմանիայի փոխկանցլեր
Եթե գերմանացի պատգամավորները չեն կարող այցելել Թուրքիայի «Ինջիրլիք» ռազմաբազա, ապա Գերմանիայի զորակազմը հետ կկանչվի։ Այդ մասին հայտարարել է Գերմանիայի փոխկանցլեր Զիգմար Գաբրիելը՝ Mitteldeutsche Zeitung պարբերականին տված հարցազրույցում:
«Եթե խորհրդարանը չի կարող այցելել իր բանակին, ապա բանակը չի կարող այնտեղ մնալ: Դա հստակ է»,-ասել է Գաբրիելը:
Ավելի վաղ Գերմանիայի պաշտպանության նախարարությունը հաստատել էր տեղեկատվությունն այն մասին, որ թուրքական կողմը մերժել է պատվիրակությանն ավիաբազա այցելելու հարցում:
Պատվիրակության կազմում եղել էին Բունդեսթագի պատգամավորներ, իսկ այցը պետք է կայանար հուլիսի սկզբին:
Գերմանական խորհրդարանի խոսնակ Նորբերտ Լամերտը հայտարարել էր, որ եթե Թուրքիան գերմանացի պատգամավորներին թույլ չտա այցելել «Ինջիրլիք», ապա Գերմանիան կարող է իր զինված ուժերը հետ կանչել երկրից:
Studio One