Ստամբուլի ահաբեկչությունն իրականացրած ուզբեկ գրոհայինը պատրաստություն է անցել Աֆղանստանի ճամբարներում (տեսանյութ)

Ամանորի գիշերը Ստամբուլում հայտնի «Ռեինա» ժամանցի վայրում ահաբեկչություն իրականացրած 34-ամյա ուզբեկ Աբդուլգադիր Մաշարիպովը պատրաստություն է անցել Աֆղանստանի ահաբեկչական ճամբարներում, տիրապետում է 4 լեզվի, իսկ Թուրքիա է ներթափանցել 2016թ.-ի հունվարին՝ անօրինական ճանապարհով: Այս մասին հայտարարել է Ստամբուլի նահանգապետ Վասիպ Շահինը, գրում է թուրքական «Ջումհուրիյեթ» պարբերականը:

Ահաբեկիչը Թուրքիայի տարածքում գործածել է Աբու Մուհամեդ Հորասանի ծածկանունը:

Ինչպես ավելի վաղ հայտնել է tert.am-ը՝ այս գիշեր թուրքական հատուկ ծառայությունները ձերբակալել են Ամանորի գիշերն ահաբեկչություն իրականացրած Աբդուլգադիր Մաշարիպովին:

Ստամբուլի Էսենուրթի շրջանում հայտնաբերված Մաշարիպովի հետ է եղել նաև նրա 4-ամյա տղան:

Ահաբեկչին գտնելու համար համատեղ հատուկ գործողություն է իրականացվել Ստամբուլի, Իզմիրի, Հաթայի և Կոնիայի հետախուզական գրասենյակների համատեղ ուժերով:

Նշվում է, որ ահաբեկիչը ոստիկանական գործողության ընթացքում դիմադրություն է ցույց տվել ոստիկանության հատուկջոկատայիններին:

Նրա հետ ձերբակալվել են նրա ղրղզ ընկեր Էբու Մուհամմեդ կոդավորված անվամբ ներկայացող ահաբեկիչը, ում տանը պատսպարվել էր Մաշարիպովը, և ևս 4 կասկածյալ, որոնցից 3-ը կանայք են:

Համացանցում է հայտնվել նաև խուզարկման ենթարկված տան տեսանյութը:

REİNA TERÖRİSTİNİN YAKALANDIĞI EVİN İÇERİDEN... by dikencomtr