Թուրքիայում կալանավորված գերմանական պարբերականի թղթակցի փաստաբանները դիմել են երկրի ՍԴ

Թուրքիայում կալանավորված գերմանական Die Welt պարբերականի թղթակից Դենիզ Յուջելի փաստաբանները դիմել են երկրի սահմանադրական դատարան՝ Յուջելի կալանքը չեղարկելու պահանջով, այս մասին հայտնում է «Ակօսը»:

Փաստաբաններ Վեյսի Օքը և Ֆերաթ Չաղըլը մեկ ամիս առաջ նույն պահանջով դիմել էին Անկարայի դատարան, սակայն մերժվել էին:

Հիշեցնենք, որ Գերմանիայի կանցլեր Անգելա Մերկելը Յուջելի կալանավորման լուրն անվանել է ցավալի ու հիասթափեցնող, իսկ թուրքական դատարանի որոշումը՝ չափից դուրս կոշտ՝ հիշեցնելով, որ Յուջելն ինքնակամ էր ներկայացել ոստիկանություն:

Ինչպես ավելի վաղ հայտնել է Tert.am-ը՝ գերմանական Die Welt-ի թուրք թղթակցին Թուրքիայում մեղադրում են ահաբեկչամետ քարոզչություն իրականացնելու և ահաբեկչական խմբավորումների հետ կապ ունենալու համար: