Այսօր հարգանքի տուրք ենք մատուցում այն տղաներին, ովքեր ցույց տվեցին, որ հայի ողնաշարը ժամանակակից դարում դեռ ուղիղ է. Րաֆֆի Հովհաննիսյան

Այսօր հարգանքի տուրք ենք մատուցում այն տղաներին, ովքեր ցույց տվեցին, որ հայոց գենը, ողնաշարը ժամանակակից դարում դեռ ուղիղ է. Եռաբլուրում Tert.am-ի հետ զրույցում այս մասին ասաց «OՐՕ» դաշինքի անդամ, «Ժառանգություն» կուսակցության նախագահ Րաֆֆի Հովհաննիսյանը:

«Մեր տղաները ցույց տվեցին, որ մենք կարող ենք պաշտպանել մեր հայրենիքը՝ ի հեճուկս ներքին խնդիրների»,- ասաց «Ժառանգություն» կուսակցության նախագահը՝ նշելով, որ շատ է ցանկանում ունենալ իրավական, սահմանադրական երկիր, որը թույլ կտա, որ զինվորը լինի պաշտպանված, և տղաները հերոսանան իրենց ծառայությամբ, իրենց սխրանքներով:

«Հուշարձանն իրենց կանգուն պետք է լինի, ամուր հայրենիքը, որին դեռ չենք հասել»,- ասաց «OՐՕ» դաշինքի անդամը: