Դոնալդ Թրամփն ունկնդրել է հայկական երգչախմբի կատարումը Երուսաղեմի Սուրբ Հարության տաճարում (լուսանկարներ, տեսանյութ)

19:32 • 22.05.17

ԱՄՆ նախագահ Դոնալդ Թրամփն ու նրա կին Մելանյան այցելել են Երուսաղեմի Սուրբ Հայտնության տաճար, որտեղ ունկնդրել են հայկական երգչախմբի կատարումը: Այս մասին հայտնում է «Արմենպրես»-ը՝ հղում անելով Երուսաղեմի Հայոց պատրիարքության դիվանապետ Կորյուն Վարդապետ Բաղդասարյանին:

Հայտնի է, որ Սուրբ Հայտնության տաճարում ելույթ է ունեցել Երուսաղեմի հայոց պատրիարքության Ժառանգավորաց վարժարանի երգչախումբը:

Հիշեցնենք, որ Երուսաղեմի Հայոց Պատրիարք Նուրհան արքեպիսկոպոս Մանուկյանը մայիսի 22-ին Բեն Գուրիոն օդանավակայանում մասնակցել է Միացյալ Նահանգների նախագահ Դոնալդ Թրամփի դիմավորման արարողությանը: