Ռոնալդոն կարծում է, որ Ոսկե գնդակը պետք է ստանա Կրիշտիանու Ռոնալդուն

18:37 • 28.05.17

Բրազիլիայի հավաքականի լեգենդար ֆուտբոլիստ Ռոնալդոն կարծում է, որ 2017 թվականին «Ոսկե գնդակը» պետք է բաժին հասնի Մադրիդի «Ռեալի» պորտուգալացի հարձակվող Կրիշտիանու Ռոնալդուին:

 

«Այս տարի կընտրեի Կրիշտիանու Ռոնալդուին: Վերջին երկու տարիներին նա վճռորոշ դեր ունի: Պորտուգալացին առանցքային դերակատարություն է ունեցել Չեմպիոնների լիգայի բազմաթիվ խաղերում, իսկ այժմ նա եզրափակչում է:

 

Մեսսին և Ռոնալդուն ֆանտաստիկ ֆուտբոլիստներ են: Ինձ դուր է գալիս, թե ինչպես է Լեոն վարվում գնդակի հետ: Սակայն չի կարելի անտեսել Կրիշտիանուի վիճակագրությունը: Դա կոշտ համեմատություն է: Նրանք երկուսն էլ արժանի են հարգանքի»,- Ռոնալդոյի խոսքը մեջբերում է «Fox Sports»-ը:

 

Հիշեցնենք, որ 2016 թվականի աշխարհի լավագույն ֆուտբոլիստ է ճանաչվել հենց Ռոնալդուն: