Եղանակն՝ այսօր
Միջազգային կոալիցիայի ավիահարվածի հետևանքով 20 խաղաղ բնակիչ է զոհվել Սիրիայում
21:54 • 28.05.17
Սիրիայի Ռաքքա քաղաքի շրջանում ԱՄՆ-ի գլխավորած միջազգային ռազմական կոալիցիայի իրականացրած ավիահարվածի հետևանքով 20 խաղաղ բնակիչ է զոհվել:
Ինչպես հաղորդում է Корреспондент-ը` վկայակոչելով սիրիական աղբյուրը, նախօրեին ավիահարված է հասցվել Ռաքքայից քաղաքացիական անձանց տեղափոխող ավտոմեքենայի ուղղությամբ:
Միջազգային կոալիցիան` Վաշինգտոնի ղեկավարությամբ, դեռևս չի մեկնաբանել տվյալ հաղորդագրությունը:
Նշվում է, որ միջազգային կոալիցիան ավիահարվածներ է հասցնում Ռաքքայի շրջանում` աջակցելով «Սիրիայի դեմոկրատական ուժեր» ընդդիմադիր քուրդ-արաբական զորամիավորման գործողություններին:
Օրեր առաջ հաղորդվում էր, որ Սիրիայում հարյուրավոր խաղաղ բնակիչներ են զոհվել միջազգային կոալիցիայի իրականացրած ավիահարվածների հետևանքով:
Placeholder
Studio One