Թրամփի նկարած նկարն աճուրդի կհանվի 9.000 դոլարով

Միացյալ Նահանգներում Nate D. Sanders Auctions աճուրդի տան կողմից վաճառքի կհանվի նախագահ Դոնալդ Թրամփի նկարած նկարը, որում պատկերված են Նյու Յորքի երկնաքերերը՝ այդ թվում նաև նախագահին պատկանող հանրահայտ «Թրամփ Թաուեր»-ը, հայտնում է Washington Examiner-ը:

Աղբյուրը մանրամասնում է, որ այս պատկերը 71-ամյա ղեկավարը նկարել էր 2005թ.՝ բարեգործական կազմակերպության համար:

Նմուշն աճուրդի է հանվելու հուլիսի 27-ին: Այն դրված է շրջանակի մեջ, ինչպես նաև կրում է Թրամփի ստորագրությունը: Նկարի մեկնարկային գինը 9.000 դոլար է: