Եղանակն՝ այսօր
Թուրքիան չի ողջունում Ռուսաստանի դեմ ԱՄՆ-ի տնտեսական պատժամիջոցները. Չավուշօղլու
Թուրքիայի արտաքին գործերի նախարար Մևլութ Չավուշօղլուն հայտարարել է, որ Թուրքիան չի ողջունում Ռուսաստանի Դաշնության դեմ սահմանված տնտեսական պատժամիջոցներն ու շարունակելու է համագործակցել ռուսական շուկայի հետ, այս մասին գրում է Sputnik-ի թուրքական ծառայությունը:
Թուրքիայի ԱԳՆ ղեկավարը նաև նկատել է, որ ՌԴ-ի դեմ տնտեսական պատժամիջոցներն իրենց բացասական ազդեցությունն են ունենում նաև Թուրքիայի տնտեսության վրա:
«Թուրքիան էլ է նախկինում շատ տուժել պատժամիջոցների պատճառով: Մեր գործընկերոջ ու հարևանի դեմ կիրառվող պատժամիջոցները վնաս են հասցնում մեր տնտեսությանը: Այդ իսկ պատճառով մենք չենք միանում դրանց և ընտրում ենք քաղաքական փոխգործակցության ուղին»,- ասել է Չավուշօղլուն:
Նշենք, որ ԱՄՆ Կոնգրեսի կողմից ընդունված և նախագահ Դոնալդ Թրամփի կողմից ստորագրված ՌԴ-ի դեմ պատժամիջոցների նոր փաթեթն ամենախոշորն է 2014թ.-ից ի վեր։
Studio One