Mobile Centre-ում մեկնարկել է Samsung Galaxy Note 8 սմարթֆոնի վաճառքը, գինը՝ 579,900 դրամ

Այսօր Mobile Centre-ը՝ Հայաստանում բջջային հեռախոսների և աքսեսուարների խանութների ամենամեծ ցանցը, ինչպես նաև մի շարք աշխարհահռչակ բրենդների պաշտոնական ներկրողն ու գործընկերը, հայտարարեց նոր Samsung Galaxy Note 8 երկքարտանի սմարթֆոնի վաճառքի մեկնարկը:

Mobile Centre–ի բիզնեսի զարգացման տնօրեն Հրաչյա Ղազարյանը ներկայացրեց, որ Galaxy Note 8-y  հանդիսանում է կրկնակի հիմնական տեսախցիկով առաջին Samsung սմարթֆոնը, որի անկյունագիծը 6,3 դյույմ է, քաշը՝ 190 գրամ, օժտված է երկու կողմից կորացված 3D–ապակյա և մետաղյա իրանով, 64 ԳԲ  հիշողությամբ, 12 ՄՊ լայնաֆորմատ օբյեկտիվով: 

«Հաճախորդները սմարթֆոնը կարող են ձեռք բերել 579,900 դրամով: Բացի այդ առաջակում ենք ապառիկի շատ ճկուն և լավ համակարգ՝ այսպես ասած 0-0-0 ակցիան, այսինքն՝ 0 տոկոս կանխավճար, 0 տոկոս տոկոսադրույք, և 0 տոկոս սպասարկման վճար, որի շրջանակներում մանրածախ գինը ուղղակի բաժանվում է 24 հավասարաչափ մասերի, առանց որևէ հավելավճարի՝ կազմելով ամսական 24,170 դրամ»,-ասաց նա:

Հրաչյա Ղազարյանը հայտնեց, որ բարի ավանդույթ են ձևավորել Samsung ընկերության հետ և այն հաճախորդները, ովքեր նախնական պատվերներ են կատարել, կստանան Samsung Dex դոկ կայանները նվեր:

Որպես Mobile Centre-ի մրցակցային առավելություն, բիզնեսի զարգացման տնօրենը համարեց այն, որ իրենք Samsung-ի պաշտոնական ներկրողն ու գործընկերն են և հաճախորդն ստանում է պաշտոնական երաշխիք: Ինչ վերաբերում է առաջիկա ծրագրերին, ապա նա ասաց. «Իհարկե շատ փակագծեր չեմ կարող բացել, սակայն մեզ մոտ նորություններ սպասվում են և մենք շարունակելու ենք մեր ռազմավարությունը այն առումով, որ հնարավորինս սեղմ ժամկետում սպառողին ներկայացնել միջազգային շուկայի նորույթները»,-ասաց նա:

Ի դեպ Samsung Galaxy Note 8 հեռախոսը պաշտպանված է ջրից  և փոշուց՝  համապատասխանելով միջազգային IP68 ստանդարտներին: Samsung Galaxy Note 8 սմարթֆոնի վաճառքի մեկնարկի կապակցությամբ Հյուսիսային պողոտա 6 հասցեում գտնվող Mobile Centre խանութ-սրահում տեղի ունեցավ հանդիսավոր արարողություն, որի ժամանակ անցկացվեցին մրցույթներ, խաղեր, իսկ հաղթողները ստացան մի շարք նվերներ:

Բացի այդ, Samsung Galaxy Note 8-ի մարտկոցը շուկայի ամենաանվտանգ և պաշտպանված մարտկոցներից, որը արագ և անլար լիցքավորման հնարավորություն է տալիս: