Լաս Վեգասում անհայտ անձը կրակ է բացել երաժշտական փառատոնի այցելուների ուղղությամբ (տեսանյութ)

Ամերիկյան Լաս Վեգաս քաղաքի խաղատներից մեկի մոտակայքում անհայտ անձը կրակ է բացել երաժշտական փառատոնի այցելուների ուղղությամբ, հայտնում է The New York Times-ը:

Հաղորդվում է, որ առնվազն մեկ զինված անձ կրակ է բացել քանթրի ոճի երաժշտության փառատոնի ժամանակ: Փառատոնն անց է կացվում քաղաքի Լաս Վեգաս Սթրիփ փողոցում, որտեղ կենտրոնացած են հյուրանոցներն ու խաղատները:

«Մենք հետաքննում ենք Mandalay Bay Casino խաղատան շրջակայքում կրակոցների մասին հաղորդագրությունը: Խնդրում ենք բոլորին խուսափել այդ տարածքից»,- ասված է ոստիկանության Twitter-յան հաղորդագրությունում:

Հաղորդվում է, որ հատուկ նշանակության ջոկատներ են ուղարկվել Mandalay Bay հյուրանոց:

Իրավապահները նաև հայտնել են, որ փակել են հարակից ճանապարհները:

Սոցիալական մեդիաներում հայտնված տեսանյութերում երևում է՝ ինչպես են հարյուրավոր մարդիկ փախչում տարածքից: Որոշ տեսանյութերում նաև լսվում է կրակոցների ձայնը:

Չհաստատված տեղեկություններով՝ կան բազմաթիվ վիրավորներ:

BREAKING: Reports of an active shooter shooting at the Mandalay Bay in Las Vegas. Police scanners say there are "multiple casualties." pic.twitter.com/jwsoD6P199

— ABC World News Now (@abcWNN) October 2, 2017