Կատալոնիայի խորհրդարանը հայտարարել է Իսպանիայից անկախանալու մասին (տեսանյութ)

Կատալոնիայի խորհրդարանը հոկտեմբերի 27-ին քվեարկել է Իսպանիայից անկախանալու օգտին, հայտնում է BBC-ն: Բանաձևի օգտին է քվեարկել 72 պատգամավոր, դեմ է հանդես եկել 10 պատգամավոր, ձեռնպահ են մնացել 2-ը:

Նախօրեին շրջանի ղեկավար Կառլես Պուչդեմոնը հրաժարվել էր արտահերթ ընտրություններ անցկացնելու վերաբերյալ Մադրիդի ներկայացրած պահանջից:

Ի պատասխան անկախության հռչակման՝ Մադրիդը պատրաստվում է շրջանում սահմանել անմիջական կառավարում: Հոկտեմբերի 21-ին Իսպանիայի վարչապետ Մարիանո Ռախոյը հայտարարել էր, որ գործարկում է Սահմանադրության 155-րդ հոդվածը, որը թույլ է տալիս ինքնավար համայնքում սահմանափակել ինքնիշխանությունը:

Սպասվում է, որ Իսպանիայի սենատը հոկտեմբերի 27-ին հավանության կարժանացնի համապատասխան բանաձևը, որն ուժի մեջ կմտնի հաջորդ օրը:

The moment the Catalan parliament votes to declare independence from Spain https://t.co/SsFrYwEEtk pic.twitter.com/MFAr93UDau

— BBC Breaking News (@BBCBreaking) October 27, 2017