Եղանակն՝ այսօր
ԱՄՆ-ն մոտ օրերս կկողմնորոշվի Երուսաղեմն Իսրայելի մայրաքաղաք ճանաչելու հարցում. Սպիտակ տուն
ԱՄՆ-ն մոտ օրերս կհայտարարի, թե արդյոք Երուսաղեմը ճանաչում է Իսրայելի մայրաքաղաք: Այդ մասին հայտարարել է Սպիտակ տան ներկայացուցիչը:
«ԱՄՆ նախագահն ամենասկզբից հստակ հասկացրել է, որ դա «արդյոք»-ի հարց չէ, այլ «երբ»-ի: Այնուամենայնիվ, ոչ մի գործողություն հրաժարվելու վերաբերյալ այսօր չի լինի, մենք կհայտնենք ձեզ հրաժարվելու վերաբերյալ որոշման մասին»,- լրագրողներին հայտարարել է մամուլի քարտուղարի տեղակալ Հոգան Գիդլին:
Ավելի վաղ հայտնի է դարձել, որ Թրամփը կարող է Երուսաղեմն Իսրայելի մայրաքաղաք ճանաչելու մասին հայտարարել: Պաղեստինյան կողմը, ինչպես նաև Մերձավոր Արևելքում մի շարք երկրներ արդեն հայտարարել են, որ Երուսաղեմի ճանաչումը կբերի արաբա-իսրայելական հակամարտության սրման և տարածաշրջանում իրավիճակի ապակայունացման:
ԱՄՆ Կոնգրեսը դեռ 1995 թվականին ընդունել է Թել Ավիվից Երուսաղեմ դեսպանատան տեղափոխման մասին օրենքը: Բայց քաղաքի վիճահարույց կարգավիճակի և արաբա-մուսուլմանական աշխարհի հետ այդ խնդրի զգայունության պատճառով բոլոր ամերիկացի նախագահները, այդ թվում՝ Թրամփը, յուրաքանչյուր կես տարին մեկ ստորագրում են փաստաթուղթ, որը հետաձգում է այդ որոշման իրագործումը: Թրամփը պետք է երկրորդ անգամ ստորագրեր փաստաթուղթը երկուշաբթի:
Studio One