Մոսկվայում տեղացած «դարի ձյունը»՝ ֆոտոշարքով

Ռուսաստանի Դաշնության մայրաքաղաքի օդերևութաբանական բյուրոյի փոխանցմամբ՝ Մոսկվայի շրջանում անցած հանգստյան օրերին գրանցվել են ձյան 44 մմ տեղումներ:

«Օդերևութաբանական դիտարկումների ամբողջ պատմության ընթացքում գրանցվել են ձյան ամենաառատ տեղումները: Երկու օրում Մոսկվայում գրանցվել է տեղումների ամսական նորմայի 122%-ը, որը փետրվար ամսին կազմում է 33 մմ»,-նշվում է բյուրոյի հաղորդագրությունում:

Ինչպես նշում է gazeta.ru-ն, մասնագետների փոխանցմամբ՝ փետրվարի 5-ին ձյան տեղումների քանակը կնվազի ու կկրի տեղային բնույթ:

Մինչդեռ Մոսկվայի քաղաքապետ Սերգեյ Սոբյանինն իր թվիթերյան էջում տեղեկացրել է, որ եղանակային անբարենպաստ պայմանների՝ մասնավորապես առատ տեղումների պատճառով աշակերտները կարող են դպրոց չհաճախել:

Նշվում է, որ քաղաքային իշխանությունները ձնամաքրման աշխատանքներում են ներգրավել նաև զինվորականներին:

Աղբյուրը մանրամասնում է, որ Մոսկվայում ձյան տեղումների նախկին ռեկորդը սահմանվել էր 1957թ.: Այն ժամանակ գրանցվել էր մեկ օրում 11.2 մմ տեղում: