Հայտնի է դարձել՝ որ եվրոպական երկրներում է վաճառվում ամենաթանկ հագուստը

Եվրոպական միության «Եվրոստատ» վիճակագրական գործակալությունը բացահայտել է՝ որ եվրոպական երկրներում է վաճառվում ամենաթանկ հագուստը:

Այսպես, հագուստի և կոշիկի ամենաբարձր գները Շվեդիայում են. այնտեղ գնումների համար կպահանջվի 36 տոկոսով ավելի շատ գումար, քան միջինում՝ այլ եվրոպական երկրներում:

«Եվրոստատի» տվյալների համաձայն՝ հագուստն ու կոշիկը թանկ է նաև Դանիայում (գինը միջին եվրոպականից բարձր է 33 տոկոսով) և Ֆինլանդիայում (24 տոկոս):

Գործակալությունը պարզել է, որ Եվրոպական Միությունում ամենանացածր գները Բուլղարիայում են, որտեղ հագուստը և կոշիկը 21 տոկոսով էժան են, քան ԵՄ մյուս երկրներում:

Հաշվարկների համաձայն՝ Հունգարիայում և Լեհաստանում նույնպես հնարավոր է մատչելի հագուստ և կոշիկ ձեռք բերել (մյուս եվրոպական երկրներից, համապատասխանաբար, 15 և 12 տոկոսով էժան ):