Եղանակն՝ այսօր
Պատահական մտա «Քարֆուր» եւ տեսա այսպիսի վիճակ. ոչ մի թանկացում. Նիկոլ Փաշինյան (լուսանկար)
ՀՀ վարչապետ Նիկոլ Փաշինյանը ֆեյսբուքյան իր էջում լուսանկար է հրապարակել, որն արվել է «Քարֆուր» սուպերմարկետի մսամթերքի վաճառքի բաժնում:
«Պատահական մտա «Քարֆուր» եւ տեսա այսպիսի վիճակ. ոչ մի թանկացում»,-լուսանկարին կից գրել է Փաշինյանը:
Հիշեցնենք, որ Ազգային անվտանգության ծառայությունը կոռուպցիոն և տնտեսական բնույթի հանցագործությունների դեմ պայքարի շրջանակում օրերս բացահայտել էր, որ «Ալեքս Հոլդինգ» ՍՊ ընկերությունը խուսափել է խոշոր չափի հարկեր վճարելուց: «Երևան Սիթի» սուպերմարկետների ցանցում գործունեություն են ծավալել 461 ԱՁ-եր, դրանց մի մասը գրանցվել են առանց քաղաքացիների գիտության:
Այս գործողությունից հետո շատերը կանխատեսում էին, որ գյուղմթերքի մասով թանկացումներ կլինեն: Երեկվանից սուպերմարկետների մեծ մասում գյուղմթերքը՝ հատկապես մսամթերքը թանկացել է:
Հարցի առնչությամբ վարչապետին էին դիմել մի շարք սուպերմարկետների ղեկավարներ՝ նշելով, որ խոշոր առևտրային ցանցերի գործունեությունը, այդ թվում գյուղմթերքի գների կայունությունը, հայտնվել է ռիսկի տակ:
ՀՀ վարչապետ Նիկոլ Փաշինյանն էլ երեկ անդրադառնալով թանկացումներին՝ կոչ էր արել բոյկոտել «թալանչիներին և կոռուպցիոներներին»:
«Նրանք ովքեր ուզում են արհեստական թանկացումներով ապացուցել, թե ապօրինությունն ավելի լավ է, քան օրինականությունը, իրենց վրա կզգան օրինականության համոզիչ ուժը:
Բոյկոտեք թալանչիներին եւ կոռուպցիոներներներին»,-գրել էր Փաշինյանը:
Studio One