Էջմիածնում ոստիկանությունը շրջապատել է Mercedes G 550 մեքենան՝ դրանում զենք-զինամթերք լինելու պատճառով (լուսանկարներ)

Էջմիածին քաղաքի կենտրոնական հրապարակից քիչ հեռու կայանված 01 ON 045 պետհամարանիշով Mercedes G 550 մեքենայում ոստիկանները զենքեր են հայտնաբերել։  Այս մասին Էջմիածնից տեղեկացնում է Tert.am-ի թղթակիցը:

Ոստիկանությունը ժապավենով փակել է մեքենայի շրջակայքը։ Տեղում հավաքված ոստիկանները չպատասխանեցին հարցերին՝ խնդրելով դիմել մամուլի ծառայությանը։

Իսկ ականատեսները նշում են, որ ոստիկանությունը մեքենան շրջապատել է՝ դրանում զենք-զինամթերք լինելու պատճառով։

Հիշեցնենք, որ ԱԱԾ–ն այսօր Էջմիածնում հատուկ գործողություններ է իրականացնում։ Իրավապահները գործողություններ են իրականցրել ԱԺ պատգամավոր Մանվել Գրիգորյանի առանձնատանը, ինչպես նաև բերման են ենթարկել Արթուր Ասատրյանին (հայտնի որպես «Դոն Պիպո»)։