Եղանակն՝ այսօր
Էրդողանը պաշտոնական այցով մեկնել է Ադրբեջան
Թուրքիայի նախագահ Ռեջեփ Թայիփ Էրդողանը պաշտոնական այցով մեկնել է Ադրբեջան, հայտնում է «Անադոլու» գործակալությունը:
Սպասվում է, որ այցի ընթացքում կկայանան ոչ միայն Թուրքիայի և Ադրբեջանի նախագահներ Ռեջեփ Թայիփ Էրդողանի և Իլհամ Ալիևի բանակցությունները, այլև հանդիպումներ կանցկացվեն պատվիրակությունների միջև, որոնց կմասնակցի կառավարության նոր կազմը:
Ադրբեջան այցի ավարտից հետո Թուրքիայի նախագահը կուղղվի ինքնահռչակ Հյուսիսային Կիպրոսի Թուրքական Հանրապետություն:
Ավելի վաղ հաղորդվել է, որ Թուրքիայի նախագահ Ռեջեփ Թայիփ Էրդողանը երկուշաբթի Անկարայում նախագահական պալատում մամուլի ասուլիսի ժամանակ ներկայացրել է կառավարության նոր կազմը:
Երեկ՝ հուլիսի 9-ին, վերընտրված Ռեջեփ Թայիփ Էրդողանը պաշտոնապես ստանձնել է Թուրքիայի նախագահի պաշտոնը: Երդմնակալության արարողությունը կայացել է Թուրքիայի խորհրդարանում՝ կառավարության անդամների և պատգամավորների ներկայությամբ:
Studio One