Եղանակն՝ այսօր
ԱԱԾ գործընկերները հավաստիացրին, որ Չեխիայում ՀՀ դեսպանի մասին հրապարակումը կեղծիք է. Տիգրան Բալայան
Ազգային անվտանգության ծառայության գործընկերները հավաստիացրին, որ «Ժամանակ» թերթի հրապարակումը կեղծիք է և բնականաբար իրականությանը չի համապատասխանում։
Tert.am-ի հետ զրույցում այսպես ասաց ՀՀ արտաքին գործերի նախարարության մամուլի խոսնակ Տիգրան Բալայանը:
«Կարծում եմ՝ հստակ է, թե այդ կեղծիքի պոչը որտեղից է գալիս»,- ասաց նա:
Հիշեցնենք, որ «Ժամանակ» թերթը գրել էր․ «Ինչպես հայտնի է, Չեխիայում ՀՀ դեսպան Տիգրան Սեյրանյանը տարիներ շարունակ զբաղված է եղել Հայաստանում ապօրինի հարստացած պաշտոնյաների՝ Չեխիայում և Ավստրիայում անշարժ գույքի ձեռքբերմամբ: Նա, լինելով դեսպան, ըստ էության, աշխատել է որպես բրոքեր և զբաղվել է նախկին պաշտոնյաների՝ Երվանդ Զախարյանի, Հովիկ Աբրահամյանի, ԱԻՆ վաղամեռիկ նախարար Արմեն Երիցյանի և այլ բարձրաստիճան պաշտոնյաների միլիոնավոր դոլարները Չեխիա տեղափոխելով և անշարժ գույք ու այլ ունեցվածք գնելով: Շատ շուտով նա պաշտոնանկ է արվելու, և ԱԱԾ-ն սիրով սպասում է վերջինիս պարզաբանումներին, թե նախկին պաշտոնյաներից ով որքան գումար է արտերկիր տեղափոխել և իր միջոցով ինչ գույք ձեռք բերել»:
Studio One