Հայկական «լիբերալիզմն»` ընդդեմ ղարաբաղցիների

«Ղարաբաղցիներին կուղարկենք Ղարաբաղ»,- ահա Ղարաբաղի հարցի լուծման տարբերակներից մեկը, որ հնչեց ամսի 14-ի «Ուրվագիծ» հաղորդման ժամանակ` Պետրոսի համառ հարցապնդումներից հետո, թե ՀԱԿ-ը ինչպե՛ս է պատկերացնում լուծումը: Պատասխանողը «Լիբերալ» կուսակցության նախագահ Հովհաննես Հովհաննիսյանն էր, որի խոսքի ամենակարեւոր մասը հենց այս նախադասությունն էր, քանի որ նրա մնացած ասածները տարբեր քաղաքական վերլուծաբաններից էնքան ենք լսել, որ անգիր ենք արել, թե Ղարաբաղի հարցի լուծման համար անհրաժեշտ է գերտերությունների հավասարակշռված մասնակցությունը, եւ ոչ թե նրանցից մեկի իշխող դերակատարումը, եւ այլն, եւ այլն:

Իսկ երբ Պետրոսը հարցրեց` ապարանցիներին էլ Ապարա՞ն կուղարկեք, ես մտածեցի` տեսնես, պարսկահայերիս հերթը երբ ա գալու, մի հատ էլ ոտս ծննդավայրս գցեմ ու դառնամ չադրայով խանում: Յա իսլամ ընդունեմ ու մոլլայի կնիկ դառնամ, ապահով ապրեմ, յա էլ պարսկերեն մի երկու ազատատենչ բանաստեղծություն գրեմ, թռնեմ արեւմտյան պուպուշ մի երկիր, ապաստան ստանամ ու էլի ապահով ապրեմ: Հերիք ինչքան էս երկրում քարից հաց քամեցի, քարից հաց քամելու համար ոչ մի տեղ էլ ապաստան չեն տալիս, թեկուզ սաղ ատամներդ ջարդես քարի հացի վրա ու անցնես ավազ ուտելուն:

«Լիբերալ» կոչվող կուսակցության նախագահի էս հակալիբերալիզմը ինձ բոլորովին չզարմացրեց, ինձ զարմացրեց ուրիշ բան: Հաջորդ առավոտ ֆեյսբուքում դրված լինքով յութուբում նայեցի նույն հաղորդումը, ու, այ քեզ բան, հենց էդ` ղարաբաղցիներին Ղարաբաղ ուղարկելու նախադասությունը չկար էնտեղ: Հեռուստացույցը միացրեցի ու նորից նայեցի «Ուրվագծի» կրկնությունը, Հովհաննիսյանն էլի ասեց` ղարաբաղցիներին կուղարկենք Ղարաբաղ, Պետրոսն էլի հեգնեց` ապարանցիներին էլ Ապարա՞ն: Բա ինչի՞ յութուբի տարբերակում էդ փոքր հատվածը չկա: Հաղորդումը դրված ա երկու մասով (http://www.youtube.com/watch?v=bY5kSc3N-Os&feature=related, http://www.youtube.com/watch?v=E272zlISUwU), երկրորդ մասը լսելուց ջոկեցի, որ էդ նախադասությունն առաջին մասի վերջին րոպեներին պիտի լիներ, բայց չկա: Կարո՞ղ ա` հենց էդ հատվածը հանելու համար ա հաղորդումը երկու մասով դրվել, եսի՞մ, ուրիշ հաղորդումներ էլ կային, որ երկու մասով էին դրված: Համենայն դեպս, էնքան միամիտ չեմ, որ հավատամ պատահականությանը, հակալիբերալիզմը «լիբերալի» խոսքից սրբագրելու հոգատարությունը չափից դուրս ակնհայտ ա: Ո՞վ ա նյութը «խմբագրել» ու դրել յութուբ` չգիտեմ, բայց որ խմբագրողը «Լիբերալ» կուսակցության նախագահից ավելի շատ ա հասկանում լիբերալիզմի մասին, պարզ ա:

Հիմա բացատրեմ, թե ինչի մարդկանց ազատ տեղաշարժման, բնակության վայր ընտրելու պարզագույն իրավունքը չգիտակցող, բայց իրեն «Լիբերալ» կոչող կուսակցության նախագահի էդ խոսքը ինձ չզարմացրեց: Նախ` Հայաստանում ոչ միայն «լիբերալ», այլեւ շատ ուրիշ նման բառեր օգտագործվում են ամենակամայական ձեւերով, հաճախ` տրամագծորեն հակառակ բովանդակությունը ներկայացնելով: Հիշեցի Զահրատի «Մայմուն» բանաստեղծությունը.

Մայմուն որ կ’ըսեմ կապիկ չկարծեք

Տան սեւ փիսիկին անունն է

Փիսիկ որ կ’ըսեմ աղվոր չկարծեք

Աշխարհիս ամենեն տգեղ կատուն է

Սեւ է որ կ’ըսեմ սեփսեւ չկարծեք

Սեւությանը մեջ աչքերը դեղին են

Դեղին որ կ’ըսեմ արեւ չկարծեք

Արեւը մեկ է – աչքերն երկու են

Երկու որ կ’ըսեմ զատ զատ չկարծեք

Երկուքին խորն ալ երազը մեկ է

Երազ որ կ’ըսեմ մեծ բան չկարծեք

Մարդու մը կողմե սիրվիլն է

Հիմա մեր քաղաքական դաշտում շրջանառվող բոլոր բառերի վրա էլ կարելի ա սենց բանաստեղծություն գրել, օրինակ` լիբերալ որ կըսեմ, ազատական չկարծեք, ինժեներ բալին գյուղ ղրկող Սովետն է, Սովետ որ կըսեմ սոցիալիզմ չկարծեք, Սիբիր քշող էն փիս բեղավորն է, բեղավոր որ կըսեմ, Հիտլեր չկարծեք, Հիտլերը մեկ է, ֆաշիզմը բյուր է…

Բանաստեղծության ֆինալը մտածելու առիթ ա տալիս. եթե մեր քաղաքական գործիչները Մայմուն անունով սեւ կատվի երազն ունենային` մարդու կողմից սիրվելը, երեւի կկարենային պարզ հաշվարկ անել, որ էս երկրում կարող ա ղարաբաղցիներն ու նրանց Ղարաբաղ հետ քշել չուզողներն ավելի շատ լինեն, քան քշել ուզողները: Բայց դե նրանց երազը ոչ էնքան մարդկանց, որքան ուրիշ բաների կողմից սիրվելն է, օրինակ` Ամերիկայի կամ Ռուսաստանի կառավարությունների:

Բայց ես «Ուրվագծին» հյուրընկալված «լիբերալ» ըսվածին ազատական չկարծեցի ոչ միայն էս բանաստեղծության շնորհիվ, այլ որովհետեւ շատ լավ եմ հիշում, թե էսօր եթերից արդար ընտրությունների մասին խոսողն ինչպես էր տարիներ առաջ ԱԺ դեպուտատ ընտրվում Աբովյանում: Մեր շենքի Լիդան դռնեդուռ 5000 դրամ էր բաժանում, որ Հովհաննես Հովհաննիսյանին ընտրենք: Մեր տուն որ եկել էր, հերնումերս լավ ջղայանցել էին, չնայած 5000 որ կըսեմ, էսօրվա 5000-ը չկարծեք, մի շաբաթ ապրելու գումար էր: Ու չնայած մենք էլ վատ էինք ապրում, բայց հերս իրա քաղաքական դավանանք մարքսիզմը էն երկրում էր ընտրել` Իրանում, ուր դրա համար բանտերն էին գցում ու տանջամահ անում, վատ ապրելն ի՞նչ էր, որ դրա համար ձայնը ծախեր: Մերս էլ, երեւի հորս դրդմամբ, սկսել էր էդ գումարը վերցնող հարեւաններին ամոթանք տալ ու սաղ օրը հեռախոսի վրա նստած հորս թելադրած քաղաքական ճառերն էր սրա-նրա գլխին կարդում: Մորս ինքնուրույն քաղաքականությունն էլ էն եղավ, որ Լիդայի հետ կռվեց ու խռովեց:

Հովհաննիսյանի դեպուտատ ընտրվելուց մի առ ժամանակ հետո հորնումորիցս խուսափող հարեւաններն սկսեցին հերթով մեր տուն գալ ու Լիդայից բողոքել, դե 5000-ը վաղուց էր պրծել: Էդ շիրա տալն էր պատճառը, թե հորս համառ քաղաքական գիծը, բայց մերս Լիդայից երկար ժամանակ խռով մնաց: Մենակ երեք տարի առաջ, հենց էս նույն հունվարյան օրերին, երբ հայրս մահացավ, Լիդան ոչ միայն թաղմանն եկավ, այլեւ մնացած օրերին էլ հաճախ գալիս ու երկար նստում էր: Նախկին գեղեցկուհի, ամուսնացած-բաժանված կին, միշտ ինչ-որ միլիցա սիրեկանների շահած-պահած, ինչի պատճառով մեր շենքի առաջ հաճախ ոստիկանական մեքենա էր լինում կանգնած: Լիդան դեռ սիրուն ա, բայց սկսել ա կաղալ, կոնքազդրային երկու հոդերն էլ վիրահատության կարիք ունեն, ու մեր տուն գալու էդ օրերին ու հիմա էլ ինձ անընդհատ ինչ-որ հարուստների կամ պաշտոնյաների մասին ա հարցուփորձ անում, որոնցից կարելի ա էդ երկու հոդերի վիրահատության համար, որ տասը հազար դոլար արժի, օգնություն խնդրել: Դե արդեն միլիցա սիրեկանները չկան, ո՞վ ա կաղ նախկին գեղեցկուհի յար պահելու, երբ ջահել նանարները վխտում են ամենուրեք: Ինձ որ տելեւիզըրով ճտպտալուց տեսել ա, կարծում ա` թուրս նենց ա կտրում, որ կարամ իրա համար օգնություն ճարեմ: Ես էլ գնացի մորս ձեռնափայտը բերեցի ցույց տվեցի, ասեցի` որ կարենամ, մորս համար կճարեմ, ինքն էլ նույն վիրահատության կարիքն ունի ու քեզանից էլ շատ: Ասեցի` ես հանգանակություն եմ անում, բանկում հաշվի համար եմ բացել, որ կամեցողներն օգնեն, վիրահատենք, ու էդ կամեցողների մեջ ոչ մի հարուստ պաշտոնյա չկա, կամ արվեստագետներ են, կամ պարսկահայ ծանոթներ: Ես էլ, մերս էլ էնքան խղճում ենք, որ չենք հիշացնում-ասում` գնա էն Հովհաննիսյանից օգնություն ուզի, ում ընտրության համար փող էիր բաժանում, բայց հերս որ լիներ, կաղությանը չէր նայի, կասեր:

Որ Լիդայի էդ համառ խնդրանքներից խուսափելս չլիներ, կզանգեի, կհարցնեի` տեսե՞լ ա հաղորդումը, թե ոնց էն Հովհաննիսյանը, ում անունից ինքը ժամանակին 5000 տալիս ու 10000-ի էլ ճտպտում էր նրա օգտին, հիմա անձամբ ա ճտպտում տելեւիզըրով: Կհարցնեի` եթե իրա տասը հազար դոլարանոց վիրահատության համար պետք լիներ Աբովյանի մեր շենքից հետ իրանց Ղարաբաղ ուղարկել Լյովային ու Անոյին, Հակոբին ու Սվետին, Էլմիրային ու Արտեմին (էրեխեքին չեմ հաշվում, էստեղ են ծնվել, ու հլը հինգից բարձր հարկերի բնակիչներից էլ տեղյակ չեմ), համաձայն կլինե՞ր: Ու հասկացա, որ վստահ չեմ` ընտրակաշառք բաժանելու էդ դասից հետո, երբ տեսավ` միլիցա յարերն ու դեպուտատների 5000-ներն անցողիկ են, գոնե էս անգամ էնքան կմտածի, որ ասի` բայց էդ ի՞նչ կապ ունի, խի Լյովայենց ու Արտեմենց որ Ղարաբաղ ուղարկենք, վիրահատությունս կէժանանա՞, ես ու Սերգո ջանը լա՞վ կապրենք: Չէ, վայ թե նույնիսկ ասի` հա, թող դրանց հետ Ղարաբաղ ուղարկեն, քանի որ Լյովայի աղջիկն` Ամերիկայից, իսկ Արտեմի տղեն էլ Սոչիից իրանց փող են ուղարկում, Հակոբ բիձու մասին` էլ չասած, սաղ երեխեքը տարբեր երկրներից էնքան լավ են նայում պառավներին, որ շենքում սաղ օրը նրանց մասին են չարախոսում: Ոնց որ մեզ` պարսկահայերիս էին Սովետի ժամանակ նախանձում ու կոպտում` սպեկուլյա՛նտ, քանի որ ջինս էինք հագնում ու ծախում, փոխարեն մտածեին` Սովետն էս ինչ երկիր ա, որ ջինսը պիտի յա հայրենադարձների տներից առնես մի ամսվա ռոճիկովդ, յա էլ նրանց լվացքի պարանից գողանաս, ոնց որ Լիդայի երկու հարկ տակի պատշգամբից գողացան էն օրերին, երբ բեղավորի փոխարեն հաստ ունքավորն էր գահին:

Վիոլետ

Վիոլետ Գրիգորյան

42 Responses

  1. Ուստա Says:

    Կեցցես, Վիոլետ։ Շատ համով-հոտով լեզու էր։

  2. Hovhannes Says:

    Inchou im gratze chi tpvoum?- pordz.

  3. Hovhannes Says:

    Հաջողվեց…
    Կեցցես տիկին Վիոլետ, ձեր ձայնը անսպառ, թող բացահայտվեն նրանք:
    Իսկ չադրայով խանումի պահը շատ հաճելի էր:

  4. Վիոլետ Գրիգորյան Says:

    Ուստա, շնորհակալ եմ, լեզվիցս չեմ դժգոհում:) Բայց տեքստս լեզվից բացի ուրիշ արժանիքներ էլ ունի, օրինակ` ինֆորմացիա:

  5. Վիոլետ Գրիգորյան Says:

    Հովհաննես, քոմենթները երեւում են իմ թույլտվությունից հետո, իսկ ես ամեն օր չեմ նայում էջը, կաշխատեմ չուշացնել: Շնորհակալություն, որ հավանել եք, իսկ չադրայով խանումի պահը հաճելի է եղել երեւի էն պատճառով, որ զվարճալի եք համարել ինձ այդպես պատկերացնելը: Չադրա` չէ, բայց լաչակ կապել եմ 94-ին, երբ տուրիստ էի գնացել Իրան:

  6. MG Says:

    Sireli Violet.Krkin u verstin hamozvum em,vor “Chka qizi nman”.Shat lav er.Misht mtacel em, meke chka dran qnnadati? Vonc vor nver liner.

  7. Ashot Says:

    Ha es amene lav,,bayts kzarmanayi vor mi angam el mi ishxanavori asatse es nuyn dzevov grer Violete (nranq el pakas darakazmik mtqer chen asum,,,) vorn iroq yurorinak voj uni, ches jxti..
    Inch verabervum a Kharabaxtsinerin,,,irants pahe mi poqr arandzzhatuk a ha erevi, vorovhetev Kharabaxi datarkvele (tekuz depi Hayastan) iroq vtangavor a u voch mi axers chem tesnum et hartsum orinak Parskahayeri het,,,petq chi erevi chapazantsnel,,,isk mets arumov HAK-i el,,Ishxanutyunneri el,,,

  8. Hovhannes Says:

    Հարգարժան Աշոտ,
    Քո պաշտպանականը տեղին չէր:
    Գուցե խնդրո առարկա անձն էլ իր ընտանիքի հետ պետք է վերադառնա ծննդավայր.-Երեւանը գերխճողվում է:
    (Քո տրամաբանությամբ)

  9. Վիոլետ Գրիգորյան Says:

    Աշոտ,
    Ղարաբաղի չդատարկվելու համար բոլորովին ուրիշ միջոցառումներ են ահրաժեշտ, ոչ թե ու ոչ միայն բարեգործական, այլ քաղաքական ու տնտեսական ծրագրեր` նախաձեռնությունները խթանող, աջակցող, արտոնություններ տվող եւ այլն, էնպիսիք, որոնց շնորհիվ տարբեր ծագումներով մարդիկ, եւ ոչ միայն ղարաբաղցիներ, նույնիսկ` ոչ միայն հայեր, կամավոր կգնան էնտեղ ապրելու եւ աշխատելու: Մարդկանց, էն էլ` ըստ ծագման, բռնի ուժով տեղահանելու մտայնություններից շատ փիս հոտ է գալիս, որի անունը հաստատ լիբերալիզմ չի:
    Ինչ վերաբերում է իմ անձին ու գրածներին, անտեղյակներին ներկայանալու կարիք չունեմ, բավարարվում եմ տեղյակներով: Եվ, առհասարակ, եթե բուն տեքստը ավելի կարեւոր է, քան գրողը, ուրեմն արժի տեքստին անդրադառնալ:

  10. Վիոլետ Գրիգորյան Says:

    Հովհաննես, շատ ճիշտ ցույց եք տվել «խնդրո առարկա անձի» եւ Աշոտի նույնանման տրամաբանության տակ թաքնված ռասիզմը, էս դեպքում ոչ թե էթնիկ, այլ ծննդավայրի ծագումնաբանությամբ: Հետաքրքիր է, ինչպե՞ս կարձագանքեն նրանք, եթե, օրինակ, Ամերիկան էլ ասի` բոլոր հայաստանցիներին պիտի հետ ուղարկել Հայաստան, Հայաստանը դատարկվում է:

  11. Davit Says:

    hargeliners shat kuzem masnakcel dzer ays qnnarkman@ uxxaki aystex urish xndir ka inchu en henc nuyn xarabaxciner@ galis u iranc burn u hajoxak gorcuneutyun@ cavalum Yerevanum kam ayl mec kaxakum ete etkan lav stexcox shenacnox en tox iranc hayreni bnorran@ shenacnen es erevanci em vor es kaxaki masin mtacoxner@ u stex hajoxutyunneri hasnoxne@ kap chuni vor marzic kam erkric chmoranan vor es kaxak@ ir yurorinak koloritn uni u miayn kare jungli chi ira bnakchutyamb ayl chem vaxena et barakapakutyunic kendani organizma u ete kendani organizm aryun es nerarkum petk e et aryun@ hamapatasxan xmbi lini vor et organizm@ chmahana dra hamar tox bari linen inch anum en tox nenc anen vor es organizmin hamapatasxanen isk ete voch tox gnan ur uzum en bayc tox stex chmnan pxcen es kaxak@ irenc chakertavor hajoxutyunnerov

  12. Ani Says:

    չնայած ֆեյսբուքի վրա դրել եմ , բայց ուզեցի էստեղ էլ գրեմ , ինձ դուր եկավ Զահրատի բանաստաղծության մեջբերումը..երկսայր սրի տեղ ես գործածել ..ապրես

  13. Ashot Says:

    Yes voch voqi chem pashtpanum, Aststo sirun, u voch mi rasizm el chka asatsis mej, ayo yes inqe Yerevanm em tsnvel u metstsel bayts Hayrs el Mayrs el gyuxits en ekel Yerevan u yes hpart em irents tsagmamb,,,xosqs hatuk Arstaxi datarkvelu masin er, vore ayo lurj xndir a, u voch mi xosq chka Amerikaneri kam Parskahayeri masin, Asttso sirun tox gan Parskaheyere iharke, Parskastanum Islamakan fundamental vijak a, u durs gnalu poxaren iharke Hayern etexi tox Hayastan gan,,bayts Artsaxe,,,u eli em asum, shat lav u hatuk voj unes Violet, bayts endimutyan handep koxmnaki atelutyund zgatsvum a,,isk ishxanutyunere anteri en che?,,iharke kases vor qo gortsn a, vor ete durs chi galis karox em yev chkardal,,iharke karox es asel,,,bayts,,,

  14. Armen Says:

    վատ չէր լինի,որ ղարաբաղցիք գնային ղարաբաղ,իդիոտն էլ գնար լեննական..Օդը կմաքրվեր..

  15. Վահան Իշխանյան Says:

    Արմեն, իսկ ինչ կասես որ Ռուսատանից էլ քեզ որպես կովկասցի չեռնոժոպի դանակահարեն կամ լավագույն դեպքում լարեն Հայաստան: Քո տրամաբանությամբ ՎԱՏ ՉԷՐ ԼԻՆԻ…

  16. Ashot Says:

    Vahan Ishkhanyan
    Kopit er iharke mi poqr, bayts texin,,ankexts asats,,

  17. Hovhannes Says:

    Արցախցիները Հայաստան չեն եկել: Արցախցիները մայրաքաղաք են եկել, ինչպէս բոլոր շրջաններից մայրաքաղաք են գալիս:
    «Ո՛ւր հաց, հոն կա՛ց» մտայնությունը նոյնինքն Հայաստանում էլ կա, եւ ոչ քաղաքացիների հանցանքով:
    Քաղաքացիները մեղք չունեն այն բանի համար, որ «հացը» կենտրոնացել է մայրաքաղաքում:
    Մայրաքաղաքը դարձրեք Շուշին, կամ Գորիսը, կամ Ճամբարակը, կամ Ամասիան, կտեսնեք հիսուն տարի հետո՝ կդառնա կես միլիոնանոց քաղաք:
    Իսկ թե ինչո՛ւ արցախցիների մասին է շատ խոսվում. բոլորս գիտենք, չնայած բոլոր տեղացիներն էլ գալիս ու աշխատում. տուն-տեղ լինում են մայրաքաղաքում:
    Արցախցիների մասին է խոսվում, քանի որ դրա մէջ ադրբեջանաթուրքական միտում կա:
    Արցախցիների մասին ասվածը ինձ անհանգստացնում է միմիայն մի բանի պատճառով. այն է՝ թե բոլորս գիտենք, թե ինչպես ոմանք իրենց քաղաքականությունը շինում են Արցախը զիջելու պատրաստակամությամբ, որով իբրեւ թե խնդիրները կլուծվեն:
    Ահա այստեղ եմ ես անհանգստանում, «ղարաբաղցին թող գնա Հայաստանից» արտայայտությունը լսելով:
    Արցախն էլ Հայաստան է, իսկ ղարաբաղցին ՄԵՐ հա՛յն է:
    Նորից եմ ասում, նա չի ասում օլիգարխներ (օրինակի համար), նա ասում է ղարաբաղցիներ, որոնք մեր ժողովրդի մի մասն են, հայ են: Ամոթ է` պարզապես:
    Կրկնեմ. արցախցին չի գալիս Աբովյան, Ստեփանավան, Սիսյան ապրելու, նա գալիս է երկրի ՄԱՅՐԱՔԱՂԱՔԸ:
    Խնդիր ունեք որոշակի ղարաբաղցու հանդեպ, խիզախ եղեք եւ անունը տվեք. մի ամբողջ հայկական համայնքի հանդեպ թշնամանք տածելը ես չեմ ընդունում:
    Լիբերալիզմ չասեմ, հայություն էլ չասեմ, սա մարդկություն չե:

  18. M. Says:

    shat teghin ditarkum er, xarabaxcineri dem tramadrutyunnern uxxaki amotali u hetamnac mentaliteti drsevorum en, bayc karevorn ayn e, vor dranq sermanvum en qaxaqakan uzheri kogmits, aveli konkret hhsh-aakanneri. u dranic heto xosel azatakan arjeqneri masin, mexm asac, cicaxeli e. Aystex grox at\yn mardik, vor hamadzayn en ayd xarabaxcinerin xarabax qshelu mtqi het, qaxaqakan propagandayi zoh en, vor chen haskanum, te aydtex che taxvac shan glux@.

  19. Nane Says:

    yes esel em ayd haghordume, uzum ei TV-n jardel, yerb asac xarabaxcinerin kuxarkenq xarabax… Xi du ov es? ay …. karogh a du es xarabaxcinerin stexcel, hima el nranc estex u entex es qshum. Sra nmannere paterazmi tarinerin charpakalum ein , hima aynqan en kerel, trzel, vor uzum en urishneri chakatagire tnorinel. Uxxaki xaytarakutyun e, sra nmannernen varkabekum liberalizme.

  20. Nane Says:

    ha, moraca asel, vor banastexcutyune shat havaneci, karces grvac liner hatuk ays depqi hamar.

  21. Էդգար Says:

    Վիոլետ ջան ողջույններս.Ասում եք ամերիկան էլ հայերին հանի հետ ուղղարկի,է թող հանի.ովա տուժելու?Հայաստանը? ոչ. կամ Ռուսաստանը հանի ուղղարկի հետ,ովա տուժելու? Հայաստանը? ոչ.բայց որ Ղարաբաղը դատարկվեց ՈՎԱ տուժելու? միանշանակ Հայաստանը ու էն մի քանի հազար մարդը ովքեր կմնան Արցախում….
    ես որ ասում եմ տուժվել,ինկատի չունեմ հարցի ֆինանսական կողմը…երբ ամերիկացին մեզ էնտեղից որոշի քշի,դրանից ամերիկան չի տուժի,իսկ մենք Արցախի դատարկվելը չենք մարսելու…
    ՊՍ.բնականաբար էտ ամեն ինչը չպետք է արվի առանց լարելու առանց բռի մեթոդների….թող ռազմավարություն մշակեն,թող աշխատատեղ բացեն,թող սոցիալական խնդիրները հասցնեն մինիմումի…հակառակ դեպքում խրախուսելով արտահոսքը ղարաբաղից անկախ նրանից Հայաստան թե եսիմ ուր մենք վաղը ունենաոլւ ենք անպաշտպան Ղարաբաղ,,,իսկ պատերազմը դեռ չի ավարտվել սիրելիներս.

  22. Էդգար Says:

    թեչե Վիոլետ ջան վաղը էս նոր սերունդին ոնց բացատրես որ ինքը ամեն րոպե պիտի պատրաստ լինի ձեռքը զենք վերցնի ւ պաշտպանի իրա երկու Հայկական պետությունները…բա չի ֆռռա ասի այ քու ցավը տանեմ Ռոբի տղեքն ուր են,Բաղդասարովի,Արկադիկի են մնացած շիշկեքի տղեքն ուր են? նրանք պիտի իրանց հողում ապրեն որ մարդիք չփախնեն էտ հողից…մարդը պիտի վաղվա օրվա նկատմամբ վստահություն ւնենա որ մնա Ղարաբաղում.Հայաստանի դատարկվելը ենքան վտանգավոր չի ինչքան արցախինը…Արցախը պիտի լուսի պես պահենք բայց դրա համար Արցախցին պիտի տեղում լինի.

  23. Վիոլետ Գրիգորյան Says:

    Էդգար, խոսքը լիբերալիզմի խեղաթյուրման ու շահարկման մասին է, պսեւդոլիբերալիզմի, որ այսօր գաղափարական հենք է դառնում հայաստանյան միջին ու բարձր բիզնեսի ախորժակը գրգռելու համար: Այդ գաղափարախոսության դիտանկյունից Ղարաբաղը խանգարում է, որ հայաստանցի բիզնեսմենը գործունեություն ծավալի, ազատ տնտեսա-առեւտրական հարաբերություններ հաստատի Թուրքիայի ու Ադրբեջանի հետ: Իսկ ձեր ասած «ռազմավարություն մշակելը, աշխատատեղեր բացելն ու սոցիալական խնդիրները մինիմումի հասցնելը» չի մտնում այդ ծրագրի մեջ, հայաստանյան «լիբերալները» տենց բաների զահլա չունեն, խնդրի լուծման մասին մտածելուց ավելի գերադասում են խնդիրն ուղղակի հանել, գորդյան հանգույցի պես` թրի մի հարվածով կտրել:

  24. Վիոլետ Գրիգորյան Says:

    Դավիթ, ըստ ձեզ` Երեւանը պիտի դառնա փակ քաղաք, եւ բոլոր եկողներից պիտի արյան անալիզ վերցվի, ու մենակ արյան խմբի համընկնման դեպքում կարելի է նրանց ներս թողնել: Նաեւ համոզված եք, որ ղարաբաղցիների «արյան խումբը» երբեք չի կարող համընկնել Երեւանի «կենդանի օրգանիզմին»… շարունակելն անիմաստ ա, տատս կասեր` չունենամ տենց Երեւանը:
    Հետաքրքիր ա, իսկ ի՞նչ կարծիք ունեք պարսկահայերի «արյան խմբի» մասին, կամ, օրինակ, այլազգիների` ֆրանսիացիների, պարսիկների, ամերիկացիների, վրացիների… նրանց «արյան խումբն» է՞լ չի համընկնում Երեւանի օրգանիզմի հետ, թե՞ մենակ ղարաբաղցիներինն ա էդպես անհամատեղելի: Մեկ էլ, կարո՞ղ ա` արյան անալիզով չբավարարվեք ու ցանկանաք նաեւ մեզի ու կղկղանքի անալիզ էլ վերցնել, դե Երեւանի, որպես կենդանի օրգանիզմի քաքը չի կարելի խառնել վայրի արջի ցեղերի` ղարաբաղցիների քաքի հետ, հա՞…

  25. Gago Says:

    լավ հարցնում ու լավ ել պատասխանում եք
    իրար :Հարգելի Վիոլետ Հովհաննես Ոսկեբերանը շատ դիպուկ գնահատած ունի
    խնդրո առարկան, պարզապես պետք ա տառացի մեջ բերել ,որը կանեմ բայց էքուց :

  26. Davit Says:

    hargeli Violet aryan xumb@ tvyal paragayum kap chuni stex kaxaki kolorito ev xaxi kanonneri masina lini parskahay lini uzbekistani hay te xarabaxci da karevor chi erevancin shat layn haskacoxutyuna ev menak rodoslovniov chi voroshvum ayl ayl mardu patrastakamutyamb es kaxakin ogut talov kam gone chvnaselov aryan analiz dzer tramabanutyamb petka vercnel boloric ov chi hamapatasxanum vorpes kista kam borbokvac kuyraxik ktrel u tapel zibil@ tox taxandavor aryun mtni es kaxak ayl voch te gexaci zbrod@ lcvi

  27. Վիոլետ Գրիգորյան Says:

    Դավիթ, ցավում եմ, որ չեք նկատում ձեր խոսքի մեջ եղած, էսպես ասենք, երեւանյան ֆաշիզմը, երբ գրում եք. «ով չի համապատասխանում որպես կիստա կամ բորբոքված կույրաղիք կտրել ու թափել զիբիլը, թող տաղանդավոր արյուն մտնի էս քաղաք, այլ ոչ թե գեղացի զբռոտը լցվի»: «Զբռոտը» չհասկացա, գուցե ուզում էիք ասել` «զբո՞տ»:
    Հետաքրքիր ա, իսկ ինչ կասեիք, եթե նույն ձեր տրամաբանությունն աշխատացնեին Ամերիկայում ու Եվրոպայում, ու իրանց երկրներ գնացած երեւանցիներին զիբիլը թափեին որպես կիստա, բորբոքված կույրաղիք կամ գեղացի զբռոտ: Քանի որ էնտեղ էլ երեւանցիներն են փչացնում արեւմտյան կոլորիտը, ես դա անձամբ եմ տեսել:

  28. Davit Says:

    hargeli violet hert@ dran el khasni ev da e @st is chshmartutyun@

  29. ռիմա Says:

    Վիոլետ, ամեն անգամ Ձեր գրածները կարդալուց մի բան շատ է հետաքրքրում զիս: Այդ ի՜՜՜՜նչ երկար շունչ ունես: Այդ ի՜՜՜նչ երկար շունչ ա պետք նստելու եւ էսպէս հանգամանալից գրելու: Ինձ հետաքրքրում է որտեղից է գալիս քո շունչը, ինչի՞ց ա սնվում: Ինչն ա քեզ սենց ուժ տալիս: Եթե գաղտնիք չէ, խնդրում եմ փոխանցես քո այդ երկար շնչառության գաղտնիքը

  30. հայուհի Says:

    Հարգելի Վիոլետ շաը գեղեցիկ եք գրում, դուք էլ շատ ղելացի անձնավորություն եք, բայց կուզենամ մի անգամ էլ քննադատական հոդված տեսնել ձեր կողմից ուղղված էս նողկալի իշխանավորներին` սկսած նախագահ կոչվածից: Վստահ եմ, որ այդպիսի բան չեմ տեսնի, հակառակ դեպքում դուք շանթում այլևս չեք ճտպտա:

  31. Shavami Says:

    Երևի բոլորդ էլ հասկանում եք, որ խոսքը միայն այն տարածաշրջանի բնիկներին է վերաբերում, որտեղ այսօր հարաբերական անդորր է, որի ազատագրման համար արյուն են թափել ոչ միայն ղարաբաղցիները, այլև երևի թե ավելի շատ հայաստանցիները, որտեղ հիմա էլ վիրավորվում ու զոհվում են հայաստանցի զինվորներ ու սպաներ: Իսկ ինչ է, Պետրոս, Ապարանում պատերազմի վտանգ կա, որ ապարանցիները վերադառնան: Թող երկիրն այն վիճակում լինի, որ ոչ ոքի մտքով չանցնի, թե տանից դուրս գա ու գնա այնտեղ, ուր հաց կա: Իսկ այդ պայմաննեռն ստեղծելն այսօր վստահված է հենց ղարաբաղցիներին, որոնք Երևանում էլ իրենց վատ չեն զգում, էլ ինչի մտածեն Հայաստանի գյուցղերի ու մյուս քաղաքների կենսամակարդակի բարձրացման մասին: Լավ գործ է պետք դնել` Երևան, պաշտոնի առաջքաշում է պետք` Երևան, երեխաներին բարձրագույն կրթություն է պետք` Երևան… Ու գալիս են ոչ թե մենակ, այլ ընտանիքներով, ծանոթ, բարեկամներով, սրանք էլ իրենց թայֆայով… Սրա հիմքերը նոր չէ, կոմունիստների ժամանակ է դրվել, բայց էն ժամանակ գոնե ամեն մի գյուղում, ամեն քաղաքում մեկ-երկու գործարան էին աշխատում: Բացի հող մշակելուց ուրիշ գործ էլ էին անում…

  32. Վիոլետ Գրիգորյան Says:

    Ռիմա, ճիշտն ասած, չգիտեմ ձեզ ինչպես պատասխանեմ, երկար շնչառությանս մասին չեմ մտածել:))) Միայն կարող եմ ասել, որ բանաստեղծություններս էլ վերջին տարիներին երկար ու ձեր ասածի պես «հանգամանալից» են: Ուժ էլ չգիտեմ` ինչից եմ ստանում, որ ասեմ` մի եսիմ ինչ լավ եմ սնվում, սուտ կլինի:)))
    Եթե ավելի կոնկրետ բացատրեք «երկար շնչառությանս» ձեր ընկալումը, կփորձեմ պատասխանել:

  33. Վիոլետ Գրիգորյան Says:

    Հայուհի,

    ձեր առաջին նախադասությամբ պատրանք եք ստեղծում, թե իսկապես ինձ ինչ-որ հարցադրում եք անում, բայց երկրոդ նախադասությամբ անմիջապես հերքում եք դա` ինքներդ պատասխանելով ու չդիմանալով ինձ վիրավորկան գնահատական տալու գայթակղությանը: Բայց ես կփորձեմ պատասխանել` հաշվի առնելով ուրիշ ընթերցողներին:

    Ձեր հարցը իրականում ոչ թե իշխանության թեման է շոշափում, այլ իմ անձը, իսկ ես չեմ պատրաստվում իմ անձը քննարկման թեմա դարձնել. անհեթեթ չի՞ լինի, եթե ես սկսեմ ձեզ ներկայացնել իմ գործունեությունն ու արդարանալ, եթե դա ձեզ իսկապես հետաքրքրեր, ինքներդ կփորձեիք տեղեկանալ: Հետո, մենք տարբեր հարթություններում ենք խոսում, դուք, ըստ երեւույթին, «իշխանություն» ու «իշխանավոր» բառերը նոր եք սովորել, դրանք ձեզ համար մի պարզ հասցե ունեն, որը գտնելու համար խելքին զոռ տալ պետք չի, ուղղակի կարելի է անգիր անել: Հիշեցնեմ հայտնի անեկդոտը. միլպետը, մատները պարզած, միլիցեքին հաշվել է սովորեցնում, բութ մատն է տնկում` էս մեկ, ցուցամատը` էս երկու, միջնամատը` էս երեք, ու էդպես մինչեւ հինգը: Հետո ափը փակում, թափահարում ու ասում է` խառնեցի, հիմա կարա՞ք հաշվեք: Անեկդոտս ցուցանե, որ որոշ մարդկանց համար մեկ թիվը բութ մատն է, երկու թիվը ցուցամատն է, ու որ ձեռքդ փակես, չեն կարողանա թվերը գտնել: Նրանք, ովքեր մտահոգված են իշխանությունն իսկապես բացահայտելով, բութ մատով կամ նախագահի աթոռով միայն չեն գտնում դրա տեղը, քանի որ իշխանությունն ամենուրեք է, ու եթե էդքան պարզ ու հեշտ լիներ դրա բացահայտումը, հարյուր հազարավոր գիտնականներ էդ թեմայով վերլուծություններ չէին գրի, այլ ընդամենը մատնացույց կանեին «բութ մատը»:
    Եվ քանի որ էսօր Հայաստանում չափազանց շատ են բութ մատով մեկ թիվը գտնողներն ու իշխանությունը մենակ նախագահի աթոռի վրա տեսնողներն ու քննադատողները, դուք կարող եք ձեր սրտի մխիթարանքը գտնել ամենուրեք: Ստացվում է, որ նման քննադատության առատության դեպքում, երբ դուք իմ հույսին չեք մնացել, ձեր հարցը ոչ թե իշխանության թեմայով մտահոգություն է, այլ ինձ կպնելու անզուսպ ցանկություն: Ուրեմն, դուք կարող եք ձեր ուզած քննադատությունը կարդալ տասնյակներով կայքէջերում ու թերթերում եւ հանդուրժեք, որ էդ ծով քննադատությունից բացի լինեն նաեւ այնպիսիք, որ փորձում են իշխանության դեմքը տեսնել այն բոլոր վայրերում, ուր դրանք գործում են թաքնված եւ, ուրեմն, ավելի վտանգավոր ձեւերով:

  34. Վիոլետ Գրիգորյան Says:

    Shavami,

    հետաքրքիր է, իսկ դուք ինչպե՞ս կարձագանքեք, եթե առաջակվի Ղարաբաղում էնպիսի պայմաններ ստեղծել, որ էնտեղ ուզենան գնալ չինացիներ, դանիացիներ, չեխեր, պարսիկներ եւ այլն:

  35. ռիմա Says:

    սիրելի Վիոլետ, շատ տարիներ է, ինչ երբ մամուլում կամ Համացանցում Ձեր անունն եմ տեսնում, անմիջապես կարդում եմ, մտածողությունը Ձեր շատ հետաքրքիր է, ոճը՝ նույնպես, բացառիկ տաղանդավոր եք, Աստված տաղանդը եւ շնորհը ուղղակի չի խնայել Ձեզ ողողել է դրանու: Բայց, ախր, աչքով չտամ, էլի, մի նյութ որ վերցնում եք, էնպես էք տաքով մտնում, վրայով դուրս գալիս, այնպիսի մեջբերումներով, համեմատություններով, երկար վերլուծելով, ճիշտ բնորոշումը գնտելով էնպես սահուն էք գրում, որ չգիտեմ էդ ինչքան ժամանակ եւ ինչքան հավես եվ ինչ ուժ պետք է ունենա մեկը, որ էդքան ժամանակ տրամադրի, էդպես կուռ ձեւով մտնի նյութի ներքին տրամաբանության մեջ, կարծես ձուլվում ես թեմային ու գրում: Գիտե՞ս քո ընթերցողն էլ քո պես երկար շնչառություն պիտի ունենա, որ կարդա: Ես որ ի տարբերություն քեզ, լավ եմ սնվում, լավ եմ ապրում, դայակ էլ ունեմ երկու ճստիկ աղջիկներիս խնամող, չափից դուրս էլ ընթերցասեր եմ հատկապես քո ոճի գրողների գործերը կարդալու համար խելքս գնում է, մեկ-մէկ զգում եմ՝ շունչս է’լ չի հերիքում, ասում եմ՝ էս աղջիհն էս ինչա անու՞մ: Իբրեւ ընթերցող մի տեսակ մրցապայքարի մեջ եմ մտնում քեզ հետ, ասում եմ՝ պիտի մինչեւ վերջ կարդամ, ուզում եմ բոլոր տողերդ ընկալեմ, բոլոր մտքերդ կլլեմ ու չեմ կարում հասնեմ տրամաբանությանդ հետեւից՝ պարտվում եմ: Դե երկար շունչը ոնց բացատրեմ, էսպես, էլի:
    Աստված քեզ ուժ դա: Դու բացառիկ կերպար ես հայ իրականության մեջ, թե Սփյուռքում, թե Հայաստանում:
    Սպասում ենք նոր գրվածքների, միշտ:

  36. Վիոլետ Գրիգորյան Says:

    Ռիմա, շատ շնորհակալ եմ ու ոչ միայն գնահատելու, այլ էդպես ուշադիր իմ նյութերը կարդալու համար: Որ աչքը չկպչի, փափուկ տեղս լավ կմճթեցի:))) չնայած բոլորովին սնահավատ չեմ, բայց դե կմճթելը վնաս չի:))

  37. Էդգար Says:

    Վիոլետ Գրիգորյան Says:
    January 23rd, 2011 at 7:13 pm
    Էդգար, խոսքը լիբերալիզմի խեղաթյուրման ու շահարկման մասին է, պսեւդոլիբերալիզմի, որ այսօր գաղափարական հենք է դառնում հայաստանյան միջին ու բարձր բիզնեսի ախորժակը գրգռելու համար: Այդ գաղափարախոսության դիտանկյունից Ղարաբաղը խանգարում է, որ հայաստանցի բիզնեսմենը գործունեություն ծավալի, ազատ տնտեսա-առեւտրական հարաբերություններ հաստատի Թուրքիայի ու Ադրբեջանի հետ:———————————————-Violet jan irakanutyunn e aydpisin…Ayo` ete chliner Arcaxyan himnaxndir@ arhasarak(i nkati chunem toxneinq nranc adrbejani kazmum)karcum em hayastani hamar aravel barenpast taracashrjanayin fon kapahovver qan unenq aysor…bayc aysor mer xndir@ voch miayn Arcaxi Ankaxutyan ev mijazgayin chanachman azganver gorc@ tex hascneln e….ayl naev ayd nuyn Arcaxi geraguyn Elitayi dem payqarel@,,,aysor joxovrdi mejq@ kotrum en mi 2 tasnyak Bozi vastakner voronc mec mas@ ayd nuyn Joxovrdi shnorhiv uni aysor AZAT U ANKAX XARABAX….ev petq chi porzel hamozel vor ayd Xarabaxci Hayastanci tekuz ev bakayin makardaki taranjatum@ chka…ka u ed shat cavalia…U ED SHAT VTANGAVORA….bayc mexavor@ liberalner@ chen ,mexavor@ komunistner@ chen…Mexavor@ iranc tunn u tex@ toxac Xarabaxi Elitan vor iranc qaylerov hayrenasirutyan u hayrenashinutyan orinak chen carayum………noric em krknum ete es vax@ erevanic toxnem mi 10 tarov gnam artasahman da urish hetevanqner kunena…ete inz nman milionavorner@ toxnen gnan eli urish hetevanq kunena,,eli cavali hetevanq bayc lriv urish..isk ete Arcaxi joxovurt@ nuyn mtacelakerpov qochi ir hoxeric,terevs ashxarhi koxmic chchanachvac hoxeric,ete chapri charari u chshenacni et hox@ vax@ aveli djvara linelu defakto ankaxutyun@ datark qaxaqnerov fiqsel@…haskanum eq?
    xosq@ orhac vastakelu hamar iren erevan gcac Mer xegch u krak shinarar xarabaxcu masin chi Violet jaaaaan u du da lav gites…Xosq@ en Pornikneri masina ovqer iranc mi aftoyi gnov mi amis mi qaxaq kpahen….u petq chi Hoktemberyann u Stepanakert@ hamematel,,,henc gone ayn patcharov Vor Hoktemberyani vra harevan petutyan Banak@ 4.5 miliard Vaenni byujeyov achq chuni…u ete hoktemberyancin ira hamar laaaaaaaaaav kayf,vax@ tena vor Xarabaxi hamar pti krvi u pti krvi noyemberyancu dilijancu gorisecu het isk Xarabaxcin ershit lini Hyusisayinnerum moskvanerum u Monakonerum,,,,et depqum mihat patasxan ka….es dzez shat em sirum bayc Q….m dzer antasib …..@….ev verj…

  38. հայուհի Says:

    Հարգելի Վիոլետ, ես ձեզ վիրավորելու բոլորովին ցանկություն չունեի, իսկ եթե այնուամենայնիվ գրածիս մեջ վիրավորական բան կա, ապա ներեղություն եմ խնդրում:Ես Ըդամենը ցանկություն էի հայտնել տեսնել ձեր կողմից գրված քննադատական հոդված` ուղղված ներկայիս թափթփուկներին: Հավատացնում եմ ձեզ,որ ես իշխանություն և իշխանավոր բառերը շատ վաղուցվանից գիտեմ: Քննադատական հոդվածներ սերժիկի, դոդի-մոդի, լֆիկ-մֆիկի և այլնի վերաբերյալ ես հաստատ այլ տեղեր կարդում եմ,ուղղակի ով տեղից վեր ա կենում որոշում ա ընդիմությանը կպռշկի: Հիմա իսկապես լիբերալ մարդիկ ոչ թե շանթերում են, այլ բանտերում: Ցավոք Հայաստանում էդպես է, ճիշտը գրես/ հայտարարես մի տհաս իշխանավորի մասին հաջորդ օրը ամեն ինչից կզրկվես,իսկ ընդիմության բախչեն ինչքան ուզում ես քար գցի, քեզ բան ասող չի լինի, հակառակը` կպարգևատրվես զանզան մեդալներով: Ինչևէ, ես սիրով շարունակում եմ կարդալ ձեր հոդվածները, ցանկացա պարզապես անկեղծ լինել ձեզ հետ:

  39. Վիոլետ Գրիգորյան Says:

    Shavami,

    փաստորեն ձեր արձագանքը հայերենի բայի ժամանակներն իրար խառնելն էր, ու ես ձեզանից տեղեկացա, որ «Ղարաբաղւմ արդեն այնպիսի պայմաններ են, որ դանիացին ու չինացին են գնում այնտեղ»: Հենց որ իմ հարցին պատասխանեք, հնարավոր կլինի զրույցը շարունակել, կրկին հիշեցնեմ հարցս. ինչպե՞ս կարձագանքեք, եթե առաջակվի Ղարաբաղում էնպիսի պայմաններ ստեղծել, որ էնտեղ ուզենան գնալ չինացիներ, դանիացիներ, չեխեր, պարսիկներ եւ այլն:

  40. Վիոլետ Գրիգորյան Says:

    Հայուհի,
    իսկ ինչո՞ւ եք ուզում, որ ես «քննադատական հոդված» գրեմ «ներկայիս թափթփուկների մասին»: Ես էլ հենց բացատրել եմ, որ ձեր այդ ցանկությունը նշանակում է իմ մասին մտածել, ոչ թե «թափթփուկների», որոնց մասին գրում են շատ շատերը ու թույլ չեն տալիս, որ դրա պակասն զգաք: Ինձ համար քննադատական չի կարող լինել մի հոդված, ուր գրված է «թափթփուկ» բառը, էդ բառով չեն քննադատում, հայհոյում են: Դուք տեսե՞լ եք, որ իմ էս գրածում ես նման բառ օգտագործեմ քննադատածս անձի մասին: Նաեւ լավ կլիներ, որ անկեղծությունից բացի, ինչը լավ հատկանիշ է, փորձեիք նաեւ ավելի շատ տեղեկացված լինել, եւ, օրինակ, իմանալ, որ ձեր ուզած «քննադատական հոդվածներ» գրողներից շատերն անհամեմատ բարձր աշխատավարձ են ստանում, քան «Շանթի» բազմաթիվ աշխատողներ: Ի՞նչ անեն «Շանթում» աշխատողները, որ դուք գոհանաք, չաշխատե՞ն, գործից դո՞ւրս գան, բայց ընդդիմադիր մամուլը էդքանին գործ տալու հնարավորություն չունի, այ եթե էդ բարձր աշխատավարձ ստացող ընդդիմադիրներից մի քանիսին համոզեք, որ իրանց ռոճիկները կիսեն ի սեր նոր «քննադատների», կարող ա «Շանթից» ոմանք դուրս գան ու «թափթփուկից» ավելի ուժեղ քֆուրներով քննադատեն: Բայց ես նախընտրում եմ ավելի ցածր աշխատավարձով, բայց իմ ուզած տեղն աշխատել, ցավոք, իմ ուզած աշխատատեղն ինձ չի առաջարկվում: Եթե դուք կարող եք լավ գործ առաջարկել, որ կարենամ ապրուստս հայթայթել, սիրով կհամաձայնեմ, բայց մեկ է, «թափթփուկ» բառը չեմ օգտագործի:
    Ինչ վերաբերում է «իշխանություն» բառին, կարող եք կարդալ մարդու իրավունքների մասին գրած նյութս, որպեսզի տեսնեք, թե ինչպես իշխանության կիրառումը քննադատվում է հենց մարդու իրավունքների պաշտպանության ոլորտում, որովհետեւ իշխանությունը կոնկրետ հասցե չունի, այլ ամենուրեք է եւ գործում է հազար ու մի դիմակի տակ: Բայց դուք մտահոգված եք միայն մի հասցեի վրա «թափթփուկ» շպրտելու մխիթարանք գտնելով: Եթե հետաքրքրվեք ասածս նյութով, տեղեկացնեմ, որ շուտով գրելու եմ շարունակությունը մարդու իրավունքների քննադատական դիրքորոշումների մասին:

  41. violet Says:

    Էդգար, ձեր լատինատառ հայերենը մի կերպ կարդացի: Կարծում եմ, որ արժե տարբերակել ձեր ասած «բակային մակարդակն» ու քաղաքական գործիչների ասածն ու հրահրածը: Անձամբ ես բամաթիվ անգամներ ականատես եմ եղել, թե ինչպես շարժման ընթացքում ու շարժմանը շատ սինխրոն ձայնակցող ավելացել է ղարաբաղցիների հանդեպ ահավոր ատելությունը: Ու ոչ թե ձեր ասած էլիտայի, այլ հենց իրանց հարեւան, բարեկամ ու աշխատակից ղարաբաղցիների հանդեպ, մի անգամ նույնիսկ տաքսուց իջել եմ, որովհետեւ վարորդն իրան կորցրած գոռգոռալով հայհոյում էր իրա հարեւան ղարաբաղցուն, որ տան համար կահույք էր առել, ու «ողջունում» էր շարժումը, որ պիտի ՍԱՂ ղարաբաղցիներին «սիկտիր» անի: Էսպիսի օրինակներ շատ եմ տեսել ու իմ տեսակետն եմ ասում դրա պատճառների մասին, որոնցից ամենակարեւորը քաղաքական հրահրումն է: Բայց եթե դուք կարծում եք պրոբլեմը ոչ թե հոկտեմբերյանցու` շքեղ ավտո ունենալն ա, այլ ղարաբաղցու, քանի որ նեյեմբերյանցին հանդուրժում ա հոկտեմբերյանցու «կայֆավատը», իսկ Ղարաբաղի համար կռվելը ղարաբաղցու գործն ա համարում, ձեր իրավունքն է, այդպես մտածեք: Ես նման մտածողության հետ բանավեճ չունեմ, դա լրիվ ուրիշ հարթություն ա ու ինձ չի հետաքրքրում:

  42. A. Says:

    yes anharmar em zgum im hayrenakicn u qaxaqaci hamarel nranc, vor es grutyun& kardaluc heto el sharunakum en xarabaxcinerin hayhoyel aystex. Minchder aranc kardalu piti haskanain, vor texakan hairenasirutjun& &ndamen& gexakan hairenasirutjun e.

Leave a Comment

Please note: Comment moderation is enabled and may delay your comment. There is no need to resubmit your comment.