Համացանցում հայտնվել ա երեք մասանոց մի տեսանյութ, որտեղ Արմեն Դավթյանը բացատրում ա, որ շումերները հայերս ենք (նայել ստեղ, ստեղ ու ստեղ): Արմեն Դավթյանը իմ հին բանաստեղծ ընկերն ա: Աչքերս փակում եմ` հիշում եմ անցած դարի վերջին տեսնամյակի կեսերը, երբ որ մի խումբ գրողներով ցուրտ ու մութ Երեւանից փախել էինք Ծաղկաձոր, ու Գրողների ստեղծագործական տան պահակը զարմացած աչքերը հառել էր պարսպի վրա բարձրացած Դվթոյին, որ երկու ձեռքերը վեր պարզած`արտասանում էր իրա բանաստեղծությունները: Հետո Արմենը հայտնվեց հայոց երկրորդ նախագահի աշխատակազմում, նաեւ սկսեց զբաղվել շումերագիտությամբ եւ գիտական ուսումնասիրություն գրեց էն մասին, թե շումերերենը հայերենն ա, շումերներն էլ հայերս ենք: Արմենի ուսումնասիրությունը չեմ կարդացել, բայց տեսանյութից դուրս ա գալիս` մեր թվարկությունից առաջ արդեն չեմ հիշում որ հազարամյակի շումերերենն ու էսօրվա մեր հայերենը բառացիորեն նույնն են: Ես մասնագետ չեմ, ինչքան էլ որ Արմենի բացատրությունները համակարգված ու տրամաբանված լինեն, ինձ պետք ա նաեւ ուրիշ մասնագետների կարծիքը: Տեսանյութը նկարված ա 2007-ին, դրա սկզբում խոսվում ա էն մասին, որ պետք ա աշխատությունը շուտով առանձին գրքով հրատարակվեր, էտ թվում` անգլերեն, անկեղծ ասած տեղյակ չեմ` դրանք հրատարակվե՞լ են թե չէ, գիտական շրջանակներից արձագանքներ եղե՞լ են թե չէ: Բայց մի պահ պատկերացնենք` արձագանքները եղել են, դրական են եղել, ու վերջնականորեն ու հաստատ իմացել ենք, որ շումերները` աշխարհի ամենահին ու զարգացած քաղաքակրթություններից մեկի կրողները, հայերս ենք եղել: Ի՞նչ կնշանակի դա ձեր համար, դուք կոգեւորվե՞ք: Ես, անկեղծ ասած, չեմ ոգեւորվի, ճիշտ հակառակը` դա իմ համար կլինի բավական վհատեցնող նորություն:
Կատակ չեմ անում, բնավ, հիմա ասածս բացատրեմ:
Շումերներն իսկապես հնագույն ու զարգացած քաղաքակրթություն են: Եթե մենք շումերներն ենք, եթե մեր թվարկությունից առաջ մի քանի հազարամյակ մենք հզոր, զարգացած երկիր ենք եղել, հետո կորցրել ենք ամեն ինչ ու Տիգրան Մեծի մեկ ակնթարթ տեւած կայսրությունից բացի ուրիշ հզոր բան չենք կարողացել ստեղծել էսքան ժամանակ, ուրեմն մեր պատմությունը հանգող ազգի պատմություն ա, մի մեծ սլաք ա` վերեւից ներքեւ, եւ Տիգրան Մեծն էլ հենց վերեւներին ա ավելի մոտ, իսկ մենք` անհույս ներքեւում ենք:
Դրա համար էլ, անկեղծ ասած, ես գերադասում եմ մտածել, որ մենք ոչ շումերներն ենք, ոչ էլ ուրարտացիները, մենք հայկական լեռնաշխարհի էն ազգն ենք, որ դեռ չենք ունեցել մեր աստեղային ժամը, բայց դեռ կունենանք:
August 11th, 2012 at 3:19 pm
Հարգելի Մարինե,Արմենը միակը չէ,որ կատարել է հայ-շումերական կապի մասին ուսումնասիրություններ,իսկ դուք գրել եք որ ուրիշ գիտնականներ չկան, որ համոզվեք ,,ինձ պետք ա նաեւ ուրիշ մասնագետների կարծիքը,,:Երկրորդ, անգլերենով,բայց մեկ այլ գիտնականի, և մոտավորապես նույն թեմայով աշխատություն կա, ուղղակի մի քիչ ավելի փնտրեք:Երրրորդ,ձեր գրածը Տիգրան Մեծի մասին, հանգող պատմություն շումերներից հետո անկում,ոչ մի հզոր բան նրանցից հետո, ցույց է տալիս որ պատկերացում չունեք հայոց պատմության վերաբերյալ, Արմենի արածը հենց այն է, որ նաև դուք պատկերացում ունենաք մեր պատմության վերաբերյալ:Իսկ թե պատմությունը կարևոր է թե ոչ, սա այլ հարց է,որին չեմ ուզում անդրադառնամ ձեր կաղապարված մտքերի և մտածելակերպի պատճառով:
August 11th, 2012 at 3:25 pm
ոչ հարգելի եւ ծիծաղելի Աշոտ, խորհուրդ կտամ` ձեր բոյից վեր բաներից մի խոսեք: կոշկակար, կոշիկիցդ խոսի (հին հունական ասույթ) ☺☺
August 12th, 2012 at 1:26 am
Տիգրան Մեծի մեկ ակնթարթ տեւած կայսրությունից բացի ուրիշ հզոր բան չենք կարողացել ստեղծել էսքան ժամանակ…
Bacardzak &shmartutyun
August 12th, 2012 at 1:52 pm
Օգտագործեմ քո բառերը. Ոչ հարգելի և ծիծաղելի Մարինե կարծեմ Դուք այդքան բոյ չունեք, որ անընդհատ գրում կամ խոսում եք այնպիսի բաների մասին, որոնցից ոչինչ չեք հասկանում: Հայերը աշխարհի հնագույն ժողովուրդներից են: Անկախ նրանից թե պետություն ունեցել են թե ոչ, աշխարհին տվել են գիտության, մշակույթի, արվեստի և այլ բնագավառներին վերաբերվող բազմաթիվ արժեքներ: Մարինե ջան բավական է քո վատ խոսքով տարածես մտքեր, գաղափարներ, որոնք անհասկանալի են, որոնք հակահայկան են: Մեկ անգամ արդեն ասել եմ, որ դու քեզ համարում ես գրող և հրապարակախոս և իրավունք չունես այդպես շարունակել:
August 12th, 2012 at 3:12 pm
Կարինե ջանիկս, նախ գնա մանկապարտեզ, հետո մտի իմ բլոգ
August 12th, 2012 at 3:58 pm
Ավելի լավ է լինեմ մանկապարտեզում , քան քո նման հոգեկանի բլոգում: Եթե կարողանայիր կպատասխանեիր, այլ ոչ թե ինձ կուղարկեիր մանկապարտեզ:Ողբամ քեզ Հայաստան, որ այս աղջկա նման բանաստեղծ ունես:
August 12th, 2012 at 4:48 pm
Ախմախներին պատասխանելը ամենամեծ ախմախությունն ա, Կարինե ջանիկ
August 12th, 2012 at 8:50 pm
Դավթյան Արմենը կարգին տղա յա, եթե մի բան ասել ա, ուրեմն ճիշտ ա ասել, մենք իրար հետ ժամանակին Շավիղում ենք եղել, լավ եմ ճանաչում. չնայած, որ ես իրա հետ հեչ էլ համամիտ չեմ շումերների ու հայկական լեզուների ընդհանրության մասին: Մեր լեզվի մեջ բնիկ հայկական բառերն էնքան քիչ են էսօր օգտագործվում, որ դժվար է գտնել այն հիմնարար բառերը, որոնցից ստեղծել են մնացած բառերը: Մենք, դուք, Դավթյան Արմենը, մյուսները շատ երկար ճանապարհ պիտի անցնենք, որ կարողանան մյուս ազգերին էլ ապացուցել դա:
August 12th, 2012 at 9:23 pm
տրամաբանության աստվածը Օլիմպոսից ցած գահավիժեց մանթրաշից ☻☻
August 12th, 2012 at 9:32 pm
Կարինե ես ճիշտ հասկացա Դուք Մարինեին համարում էք բանաստեղծ? և դրա համար էլ ողբում?: Ասեմ Ձեզ ողբալու կարիք չունեք: Բանաստեղծ :ՃՃՃՃՃ:
August 12th, 2012 at 10:36 pm
artursargsyan ջան, էս ինչ խորը դարդ ա դառել քո համար Մարինեի բանաստեղծ լինել չլինելը ☻
August 12th, 2012 at 11:51 pm
Արթուր ջան ես չեմ ողբում, որ Մարինեն բանաստեղծ է, այլ ողբում եմ մեր երիտասարդության համար, հայ ժողովրդի համար, Մարինեի այս խոսքերի համար:
August 13th, 2012 at 12:32 am
erexeq jan , es inch anhandurjoxakanutyun a ~ . neroxutyun em xndrum hayeren tarers korcnelu hamar , bayc shutov klini .karine jan , du mi ban stexcel es ? kam stexcum es ? ,vor marinein el grox kam banastexc ches hamarum .vercru nra “karmir afishe “. na zrucum a en mardu het , um sirte hayastani hamar voch te cavum a , ayl mxktum .erani cher ? hayastane sha~t marinener unenar .ed nshanakum a , vor mer erexanere kargin krtutyun kstanayin , kargin hayoc patmutyun kimanayin , mer eritasard mayrere – kargin dastiarakutyun , vorpeszi kargin serund mecacnein . u erb vor tget meke ed kargin erexi glxin tar , na voch te handurjer , ayl ir iravunqnere pashtpaner , vorpeszi mer erkrum orenqn u giteliqe ishxer , voch te tgitutyune , “hracane” , gazane …
August 13th, 2012 at 1:31 am
Հասմիկ ջան ես էլ չեմ հնդուրժում այսօրվա իշխանությունների սխալները, ժողովրդի վիճակը և այլն: Բայց չեմ կարողանում տանել, որ խոսում և գրում եք <>-ով: Ազատ խոսքը կամ ազատությունը շփոթում եք անարխիայի հետ, վիրավորում եք ժողովրդին: Միթե կարելի է այսօրվա վիճակի և իշխանությունների պատճառով ասել հետևյալ միտքը. <>; Մեր ազգը չի հանգել և չի էլ հանգի: Կգա ժամանակ, որ մեր ազգը ոտքի կկանգնի և կունենա իրեն համապատասխան իշխանություն:
August 13th, 2012 at 2:03 am
(14)
մեջբերումները ես չեմ հանել: տեխնիկական խնդիր ա` մեջբերումը չի երեւում: կարծեմ պետք ա գրել հայկական չակերտներով` որ երեւա
August 13th, 2012 at 2:43 am
Մարինե, կարծում եմ Արմեն Դավթյանի վարկածի անհեթեթությունը հասկանալու համար երկրորդ գիտնականի կարծիք պետգք չի, եթե իհարկե սխալմամբ Արմեն Դավթյանին համարենք գիտնական առանց չակերտների… տարրական 10-ամյա կրթությունը բավարար է հասկանալու համար նրա գրածի աբսուրդ լինելը…
Մենք, և ոչ միայն մենք, ունենք թերարժեքության բարդույթ որը փորձում ենք լրացնել հին մշակույթ ունենալու հաշվին… սա բացարձակ սխալ մոտեցում է… անգամ գնում ենք ամենաբարձր մակարդակով պատմության կեղծման… սա աններելի է և մեզ իջեցնում է մեր հարևան ադրբեջանցի բարդույթավորված ու անգրագետ մասսայի մակարդակին որը այսօր իշխում է նրանց երկրում… հին մշակույթ լինելը մեզ ոչնչով չի օգնում ու որևէ ազդեցություն չի կարող ունենալ մեր այսօրվա վիճակի վրա եթե մենք այդ քաղաքակրթության ու մշակույթի կրողը չենք… իսկ այսօր մենք ՉԵՆՔ… Տիգրան Մեծով էլ հրճվել առանձնապես չարժե քանի որ եթե նրա կայսրությունը լիներ ժողովրդահաճո (այո, այդպիսիններ եղել են), ապա այն նրա մահից հետո չէր վերանա…
եթե մենք ցանկանում ենք մեր արժապատվությունը կառուցել անցյալի ձեռքբերումների հաշվին, ապա կարևոր չի թե ինչքան հարուստ է այն, մենք միանշանակ դատապարտված ենք ոչնչացման… ոչ մի աստեղային ժամ էլ չի լինելու… մեր անցյալի շուրջ մենք դեռ “կոնսենսուսի” չենք եկել, որովհետև պատմությունը մեր հասարակության մեջ դեռ գիտություն չի, այլ հայրենասիրական-գրական-ստեղծագործական բնագավառ է… սա ամոթ է… Արմեն Դավթյանը պետք ա գետինը մտնի իրա արածի համար, այլ ոչ թե անգլերեն տպի իրա “բանաստեղծությունների ժողովածուն” որին ինքը գիտական աշխատանք ա համարում ու մեզ էլ ծաղրի առարկա սարքի…
August 13th, 2012 at 2:57 am
ՄԵֆ ջան, լավ չհասկացա ինչի՞ ես իմ հետ վիճում, եթե ըստ էության իմ ասածն ու քո ասածը նույնն են
Մենակ` այ էս մեկը ոնց որ շաաատ չափազանցրիր` «Տիգրան Մեծով էլ հրճվել առանձնապես չարժե քանի որ եթե նրա կայսրությունը լիներ ժողովրդահաճո (այո, այդպիսիններ եղել են), ապա այն նրա մահից հետո չէր վերանա…»: Դու լուրջ մտածում ես որ Իրանի կայսրությունները ավելի երկար էին տեւում, որովհետեւ «ժողովրդահաճո» էի՞ն: Մի քիչ տարօրինակ պատկերացում ա (էլ Օսմանյան ու ռուսական կայսրությունների մասին չեմ ասում, որովհետեւ մի քիչ ուրիշ ժամանակի մեջ են)
August 13th, 2012 at 3:52 am
Մարինե ջան, եթե կոպիտ ա ստացվել ներողություն եմ խնդրում…
իսկ Իրանական կայսերության համար ասեմ… պատկերացրու որ Իրանի կայսերական “մոդելը”, բավականին ժողովրդահաճո է եղել… և ընդհանրապես անգամ կայսրությունները եղել են ժողովրդի կամքին ու շահին համահունչ… առաջին հայացքից սա կարող է թվալ անհնարին, բայց ոչ մի հսկա կայսրություն չի կարող գոյատևել եթե նա իր հպատակների ինքնուրույնությունն ու աջակցությունը չի վայելում… ոչ մի հասարակություն իր կյանքի գնով չի պաշտպանի մի կայսրություն որտեղ նրան “նվաստացնում” են…
Hi Marine,
պատկերացրու որ այն ժամանակվա ստանդարտներով Իրանական մոդելը առաջադեմներից է եղել…
August 13th, 2012 at 9:52 am
դե օդի մեջ հայտարարում ես: Իրանի կայսրությունների ժաղովրդահաճո լինելուն մի պուճուր կոնկրետություն կտաս՞: Ինչո՞վ էին դրանք ժողովրդահաճո, իսկ Տիգրանինը` ոչ
(ի դեպ` չգիտես ինչու էս վերջերս շատերը սկսել են գրել «կայսԵրություն», երեւի` սեռական կայսեր ձեւը որպես ուղիղ ձեւ են հասկանում, բայց «բայց կայսեր, կայսերականը» թեքված ձեւերն են, ուղիղ ձեւն ա` կայսր, կայսրություն)
August 13th, 2012 at 9:58 am
իսկ որ քո գրառումները երբեմն չեն երեւում` չգիտեմ ինչ ասեմ, Մեֆ ջան: Ֆեյսբուքը երբեմն տենց բաներ անում ա` եթե ծանրաբեռվնում ա: Գուցե ստեղ էլ տենց խնդիր կա:
Ժողովուրդ, Մեֆիստոֆելեսից բացի ուրիշ մարդ կա՞ որ քոմենթ ուղարկելու խնդիր ա ունենում` փորձում ա, բայց չի կարողանում քոմենթ դնել: Եթե կա` ձեն հանեք:
August 13th, 2012 at 10:50 am
Բա էս գլուխգործոցը լատինատառ կընթերցվեր?
երեխեք ջան , էս ինչ անհանդուրժողականություն է ~ . ներողություն եմ խնդրում հայերեն տառերս կորցնելու համար , բայց շուտով կլինի .կարինե ջան , դու մի բան ստեղծել ես ? կամ ստեղծում ես ? ,որ մարինեին էլ գրող կամ բանաստեղծ չես համարում .վերցրու նրա “կարմիր աֆիշը “. նա զրուցում է են մարդու հետ , ում սիրտը հայաստանի համար ոչ թե ցավում է , այլ մղկտում .երանի չէր ? հայաստանը շա~տ մարինեներ ունենար .էդ նշանակում է , որ մեր երեխաները կարգին կրտություն կստանային , կարգին հայոց պատմություն կիմանային , մեր երիտասարդ մայրերը – կարգին դաստիարակություն , որպեսզի կարգին սերունդ մեծացնեին . ու երբ որ տգետ մեկը էդ կարգին երեխի գլխին տար , նա ոչ թե հանդուրժեր , այլ իր իրավունքներե պաշտպաներ , որպեսզի մեր երկրում օրենքն ու գիտելիքը իշխեր , ոչ թե տգիտությունը , “հրացանը” , գազանը …
ԴԵ ՀԱՅԵՐԵՆ ՏԱՌԵՐԸ ՄԻ ԿՈՐՑՐԵՔ ԷԼԻ…
August 13th, 2012 at 11:08 am
Բայց ամենաթույնը սա է. “…ու երբ որ տգետ մեկը էդ կարգին երեխի գլխին տար…”
August 13th, 2012 at 12:24 pm
ստորագրում եմ Mephistophel-ի բոլոր խոսքերի տակ
August 14th, 2012 at 3:57 am
Hi Marine
Մարինե,
Կայսրություններն այնպիսին չեն եղել ինչպես շատերն են մտածում… կայսրերը անխելք մարդիկ չեն եղել ու կայսրության երկարակեցության գրավականը հիմնականում եղել է քաղաքական ճկունությունը, այլ ոչ այնքան զենքի ուժը… գերտերությունները լավ էլ հասկացել են որ երբեք չի կարելի պարտված պետությանը անվերապահորեն կապիտուլացնել, նվաստացնել ու ձեռքից վերցնել ամեն ինչ… և նրանք միշտ էլ գնացել են կոմպրոմիսի չնայած (ես կասեի որովհետև) եղել են ուժեղ և հաղթող… միշտ էլ պարտված, կամ հանձնված երկրին տրվել է ինքնիշխանության աստիճան, ղեկավարը եղել է տեղական իշխան ու շատ այլ փոխզիջումներ…
նրանք նաև հասկացել են որ ինչքան էլ ուժեղ լինես ռազմական առումով, անվերջ պատերազմել հնարավոր չի… հնարավոր չի անվերջ ճնշված պահել ժողովուրդներին…
նրանք գտել են մի մոդել որտեղ պարտված ժողովրդի ինքնասիրությունն ու պատիվն այնուամենայնիվ պահպանվել է… վերջիվերջո, վախի և արյան վրա հիմնված կայսրությունները երկարակյաց չեն լինում, այնտեղ տնտեսությունն ու մշակույթը երբեք չեն զարգանում…
սա ասելով ես ինկատի չունեմ որ դաժանություններ չեն եղել… բայց սկզբմունքը միանշանակ ուժը չի եղել
Մեզ մոտ, սակայն այս մոտեցումը կատարյալ բացակայում է հատկապես երբ խոսքը գնում է Ղարաբաղի մասին… չեմ ուզում բանավեճը տեղափոխել ղարաբաղյան “ճակատ”, բայց եթե մենք չհասկանանք վերը նշվածը, մեզ համար շատ դժվար է լինելու երկիր կառուցել… շատ…
August 14th, 2012 at 9:29 am
ՄԵֆ ջան, էս իիիիինչ տարօրինակ ու անձնազոհ ☺ ցատկ կատարեցիր հազարամյակների վրայով: պրիչյոմ տուտ Ղարաբաղ ☺
ես քեզ շատ պարզ ու համեստ հարց էի տվել` ելնելով քո իսկ ասածներից: Նորից կրկնեմ հարցս` Իրանի կայսրությունների ժաղովրդահաճո լինելուն մի պուճուր կոնկրետություն կտաս՞: Ինչո՞վ էին դրանք ժողովրդահաճո, իսկ Տիգրանինը` ոչ
August 15th, 2012 at 12:40 am
Hi Marine,
Մարինե ջան, հազարամյակների թռիչք չկա… էն ինչ որ գրել եմ վաղուց արդեն պարզված և ապացուցված ճշմարտություն ա… չեմ հորինել… ու դա հենցապացույց էր հանդիսանում… ուրիշ բան որ դու դա չես ընդունում… բայց քո թանկագին խաթեր համար ես էլի բերեմ օրինակ… մենակ խնդրում եմ ականատես, կամ վկա չպահանջես, բոլորը մեռել են…
համեստ հարցիդ՝համեստ պատասխան… Իրանական կայսրությունը (Աքեմենյանը) առաջինն էր որ օգտագործեց, այսօրվա տերմիններով ասած “տեղական ինքնակառավարման մարմիններին” սիստեմը որտեղ մարմինները նշանակվում էին տեղի ազգաբնակչությունից… ստեղ երկու պատմաբանական ենթադրություն կա. մեկը որ սա էր պատճառը կայսրության քանդվելու Ալեքսանդրի հարձակումից, որ օգտագործեց այդ համգամանքը, իսկ մյուսը որ սա է եղել կայսրության հաջողությունը, իսկ փլուզումը եղել է ներքին ընտանեկան խոշոր անհամաձայնությունը…
կայսրության ժամանակ մեծ թափով զարգացել է ինֆրաստրուկտուրաների կառուցումն ու ներմուծումն ամբողջ կայսրության տարածքով մեկ…
մշակույթի՝ քաղաքակրթության զարգացումը որի ազդեցության տակ ընկան անգամ հույները՝ հատկապես Մակեդոնացին որը գրավեց կայսրությունը իսկ հունական քաղաքակրթությունը մեծ փոխառումներ արեց պարսիկներից…
երկարակեցությունը… արդեն նշել էի…
կարծում եմ սա քո համեստ հարցին համեստ պատասխան պիտի լինի…
ինչ վերաբերվում ա խարաբաղի առնչությանը ապա ասեմ… նրանց առաջարկած կառավարման սիստեմը ժխտում ա the winner takes all սկզբմունքը. այնպիսի հզոր կայսրություն ինչպիսին էր Աքեմենյանը դա հասկացավ, մինչդեռ այսօր մեր քաղաքական և հասարակական մտքի մեջ “հաղթել ենք ուրեմն մեր ասածով պտի լինի” սկզբմունքն անգամ կասկածի տակ չի առնվում… փոխզիջումը դարձել ա զիջման հոմանիշ… սա ա կապը Մարինե, և եթե մենք սա չհասկանանք, ապա կզգանք մեր մաշկի վրա the winner does not take all…
August 15th, 2012 at 1:12 am
Իրանի պահով` լրիվ հասկացա: Ականատես չեմ պահանջում, քեզ էլ վստահում եմ: Տիգրանի կայսրության մասով բան չասեցիր, բայց հավատում եմ որ քըխ ա եղել ☻
Իսկ այ Ղարաբաղի պահով բացարձակ չհասկացա: նրանց առաջարկած կառավարման սիստեմը ժխտում ա the winner takes all սկզբմունքը</em>: Հազար ներողություն` նրանք ովքե՞ր են: Եւ ի՞նչ կապ ունի Ղարաբաղի օրինակը կայսրության հետ:
August 15th, 2012 at 2:06 am
Hi Marine,
Տիգրանի մասով շատ բան չեմ կարող ասել… տևել ա ընդամենը 60-65 տարի կարծեմ… ու իրա մահից հետո փլուզվել ա… մենակ սրանից արդեն շատ լավ բաներ հնարավոր չի ասել…
նարնք ասելով ինկատի ունեմ պարսիկներին Աքեմենյաններին… այսինքն դու որքան էլ որ լինես ուժեղ և հաղթող մի բան պիտի հետ տաս… մի կոմպրոմիսի պիտի գնաս… պարտված թշնամու արժանապատվությունը նաև քեզ ա պետք… սա, իմ կարծիքով մեծ կապ ա… կարողանալ լինել հաղթող…
Hi
չեմ ասում պարսիկներն են ներմուծել կոմպրոմիսի գաղափարը, բայց նրանք դա գլոբալ իմաստով օգտագործեցին… օգտագործեցին նաև նրանցից հետո… մինչ օրս
August 15th, 2012 at 2:14 am
դու գոնե ջոկո՞ւմ ես ինչը ինչի հետ ես համեմատում
Մենք Արդբեջանը հայկական կայսրության մեջ չենք մտցրել, Մեֆ ջան: Չնայած` վատ միտք չէր ☺☺
August 15th, 2012 at 11:59 pm
Ջոկում եմ Մարինե, ու ոչ թե համեմատում եմ այլ զուգահեռներ եմ անցկացնում հիմնականում հաղթող-պարտվող-կոմպրոմիս շրջանակներում… հաղթող պարսիկների և հաղթող Հայաստանի կոմպրոմիսային լուծումները… ընդ որում պարսիկները լինելով շատ ավելի ուժեղ և շահեկան դիրքերում, կոմպրոմիսն այնուամենայնիվ գլխավորել ա նրանց քաղաքական տեխնոլոգիաների “մենյուն”
Hi
August 16th, 2012 at 1:43 am
դու լուրջ մտածում ես որ խնդիրը մեր կոմպրոմիսի չգնա՞լն ա: երանի քեզ: էտ Սերժը չի ուզում կոմպրոմիսի գնա հա՞: իիիինչ անզիջող դեմք ա է: անդրդվելի ☺☻
August 16th, 2012 at 9:59 am
Մեր պրոբլեմը միայն կոմպրոմիսի չգնալը չի այլ նաև կոմպրոմիսի մասին ունեցած մեր պատկերացումն է… սա ես ինկատի ունեմ հասարակության մեջ ունեցած պատկերացումը և կոմպրոմիսի գնալու անհրաժեշտության գիտակցումը…
Դրա վկայությունը Սերժի տվչությունը կոմպրոմիսի հետ նույնացնելն է…
Սերժի արածը տվչություն է, իսկ կոմպրոմիսը լուրջ քաղաքական գործիք…
Եթե ուզես կարող եմ ավելի մանրամասնել…
Hi
August 16th, 2012 at 10:51 am
չէ, շատ շնորհակալ եմ, մենք սրա մասին ժամանակին շատ ենք խոսել, էլ չեմ ուզում ☺
August 16th, 2012 at 11:08 pm
Peace…