Tert.am

Օդնոկալսնիկիից կոմպյուտերային վիրուս գուցե չէ` բայց  տռիպեռ հնարավոր է կպցնել, իսկ մարդակեր Կարինեն էլ ադրբեջանցու մսի կոնսերվաներ է ուզում ուղարկել  Բաքու: Տռիպեռը ռեալ, իսկ Կարինեն ադրբեջանական համացանցերի լեգենդ-արտադրանք: էս տեղեկությունները Barcamp չկոնֆերանսի պրեզենտացիաներից են: 

Ապրիլի 18-19-ին Ամերկյան համալսարանում չկոնֆերանսը մինի անարխիզմի օրինակ: Ինտերնետում էրկու- իրեք քլիքով գրանցվելու շնորհիվ հենց մտա չկոնֆերանս ինձ տվին մայկա ու բլոկնոտ: Մայկեն տեղում սվիտրիս վրա հագա ու դարձա նույն ֆորմեն հագած չկոնֆերանսիստ` geek: Ի՞նչ ա geek-ը` Ինտերնյուսի Գեղամը խելոքների էս հավաքում տգետիս(չկոնվֆերանսի կոնտեքստին ավելի բռնում ա` չգետիս) բացատրում է` անգլերեն geek նշանակել ա կամ նշանակում ա բուսաբան(թե կենսաբան, կարևոր չի), բայց հիմա նոր իմաստ ա ստացել` պորտալարով ինտերնետին կպած: Ես հիմա էլեկտրոնային բառարանիս մեջ եմ գցում geek-ը, բացում ա Компьютерщик: Չէ ախպեր, Գեղամի թարգմանությունը ինձ ավելի ա դզում, Գեղամինով ես էլ եմ ձգում geek-ին, լրիվ պորտալարս կպած չի ինտերնետին, բայց գնալով կպնում ա, ինչպես փնթի տան մեջ լինոլյումը գետնին ա կպնում կեղտերից ու էլ պոկ չի գալիս: Ես էլ արդեն էլ կանտրոլ չեմ անում վրես, որ ստերիլիզացնեմ, կամ մաքրեմ ուղեղս, այսինքն ավելի լուրջ բաներով զբաղվեմ` ծիպը գիրք կարդամ ու լռվում եմ կոպին: Գեղամ, բա  Barca՞mb,-ցույց եմ տալիս աֆիշի վրա: Barcamp բառը առաջացել է բար`անգլիական պառլամենտում ինչ-որ անկյուն, որտեղ լորդերը զրուցել են ու ճամբար բառերից: Իսկ ինչի՞ չկոնֆերաս:  Որովհետև մասնակիցները հենց կազմակերպիչներն են: Գեղամը արդեն լիքը Barcampների էղել ա ու ինքն էլ կազմակերպիչներից ա հայկական առաջին բարքեմփի: Իսկականն ա, ինչպես կուզեին անարխիզմի գաղափարախոսները, բայց չէ, Նեգրին վստահ ա որ անարխիզմը հնարավոր ա լյուբոյ տեղ ու օրինակ ա բերում կարծեմ Նեապոլի մի թաղամաս որտեղ ինչ-որ ժամանակ, 20-րդ դարում առանց ղեկավարության համայնքը ինքնակառավարվել ա, այսինքն անարխիային խանգարող վլաստները վերացնում ես անարխիան լինում ա: Չէ, չէղավ, մի քիչ երկար թողեին կամ մուսոլինի կառաջանար կամ բերլուզկոնի: Իսկ կարո՞ղ ա անարխիան առաջացնեն կամ վլաստը վերացնեն տեխնոլոգիաները:

Բայց մեկ ա, մեր geek-ները դեռ էնքան էլ անարխիստ չեն, դեռ մեջները ինչ որ ցենզուրա նստած ա, աֆիշներին ու մայկեքին իրենց թույլ չէին տվել գրել barcamp-ի գլխավոր իդեան` չկոնֆերանս, գրել էին առանց չ, կոնֆերանս: Որ պիտի չ-ով լիներ,  իմացա Գարիկի պրեզենտացիայից, ասում էր թե չ-ի տեղ ճիշտ կլինի ան ժխտողական նախածանցը` անկոնֆերանս, որ կարող ա նշանակել նաև այլ կոնֆերանս: Չէ, Գարիկն էլ ա քաքմեջ անում չ-ի չկոնֆերանսի գաղափարը` ան ու այլ-ով, որտև այլ կոնֆերասնը էլի կոնֆերասն ա, իսկ չ-ով չէ, ինչպես անպետություն ու չպետություն, ասենք այսպիսի նախադասություն կարա լինի պատմության դասագրքում «հայ ժողովուրդը դարեր շարունակ անպետություն  է մնացել», այսինքն մի ժողովուրդ որ ուզում է ուենալ պետություն, իսկ չպետությունը ուրիշ, ընտրության հարց ա, մեկը պետություն ա ուզում ուենա, մեկը չպետություն:

Ներքին խոհանոցը չգիտեմ, կոմպյուտերշչիկներից մեկն ինձ ասեց, որ ներսում ինտրիգներ կան ու սպայկա, բայց արտաքինից անարխիան աշխատում էր`գրատախտակին կարաս գրես քո պրեզենտացիայի թեման, ժամը ու սենյակը` ֆսյո, ու մարդիկ կընտրեն թե որ պրեզենտացիային գնան: Քանի՞ պրեզենտացիա էղավ, չէ, չեմ հաշվել, էնտեղ ես ժուռնալիստ չէի, կամ էի կիսով, բայց կասեմ, որ գրատախտակը լցվել էր, իրեք սենյակում մինչև իրիկուն վեցը կես ժամը մեկ մի պրեզենտացիա` առաջին օրը, ու տասնհինգ րոպեն մեկ` երկրորդ օրը: 

Geek-ներից մեկը ինձ ասեց` կարաս դու էլ պրեզենտացիա անես: Բայց թեմաները տեսա, հասկացա որ էստեղ ես մենակ լսելու ունեմ, ասելու բան չունեմ, ի՞նչ ասեմ, թե ո՞նց են լևոն-սպամերը հարձակում սկսում, հենց ես բլոգումս պրովոկացիա եմ անում լևոնի թեմայո՞վ: Չէ, ես չեմ ներկայացնի ոչինչ, բայց` լսել, լսել, ու զարմանալ: Ամանալավ պրեզենտացիաներին կեսից էի հասնում ու ուզում էի ժամանակը հետ ֆռցնել, մի տասը րոպե, որ չլասածս լսեմ. Գասպար Չիլինգարովը բացատրում ա թե ինչ անես, որ բլոգդ շատ մարդ լցվի, կարդա`տուպոյ կարմիր շատ դնես(ես էլ ասում եմ 7or.am-ի կարմիրներն խի՞ են շատ), բայց տուպոյ կապուտն էլ չի խանգարի: Զարմանալիորեն բոլդ տեքստը չի կարդացվում, բայց տեքստի մեջ բոլդ նախադասությունը հետաքրքրությամբ նկատվում ա (կարմիր ու կապուտ բլոգումս չեմ կարա մտցնեմ, գույները ակտիվացված չեն ադմինում, բայց բոլդ գցելը հենց հիմիկվանից անում եմ): Տեսնես 7or.am-ում Անդրանիկը գիտե՞ր էս մեթոդը, որ իր խմբագրականներում մի քանի նախադասություն բոլդացնում ա: Գասպարը ասում ա` չգիտեմ խի լավ կարդացվում են PS-ները: Չգիտեմ 7or.am-ում Անդրանիկն ու Երվանդը էս է՞լ գիտեն, որ հա PS, այսինքն ՀԳ են դնում տեքստի վերջում: Չգիտեմ, բայց էս մի պրյոմը, չէ, իմ ճաշակով չի, հանուն ընթերցողների ավելացման չեմ ուզում դավաճանեմ տեքստ կառուցելու սկզբունքս: Դե ուստանովկեք կան , որ չեմ կարում հաղթահարեմ, տեղ-տեղ տեքստս ավելի եմ սիրում քան ընթերցող ունենալը: Եթե գրելուց հետո PS-ի ա առաջանում, հեն ա կտեղադրեմ տեքստում ու տեղադրելու պրոցեսի կայֆն էն ա, որ պիտի էնպես մոնտաժ անես, որ չզգացվի խցկել ես: Քյասար` ոչ  մի PS: Չէ մի րոպե, կարելի ա անվերջանալի PS-ներով տեքստ գրել, որպես գրական ֆորմա, այ դա արժի: Ու համ էլ տուպոյ կարմիրները կօգտագործեի: Գասպարը ասեց նաև, որ լավ աշխատում ա երբ վերնագրում սեքսի հետ կապված արտահայտություն ա լինում ու հեչ կարևոր չի, որ վերնագիրը լրիվ բռնի տեքստիդ, կարան հեռավոր առնչություն ունենան: Այ դա էլ արժի օգտագործել: Ի՞նչ դնեմ էս տեքստի վերնագիրը: 

Չկոնֆերանսի չհասկանելի մասն էլ կար, ասենք նստում եմ մի պրեզենտացիայի ու լսում այլմոլորակային լեզու: Դե ռուսախոսները, դե խի մենակ ռուսախոսները, հայախոսներն էլ, ավելի շատ սովետի վախտով հայերեն խոսում էին կեսը ռուսերեն բառեր ու ախպարները ասում էին` մենք ձեր լեզուն չենք հասկանում, գիտեին թե էդ ռուսերենները հայերենի արևելահայ ճյուղերից են: Հիմա, էս չկոնֆերանսում ուրիշ, ինձ համար թազա բան հայտնաբերեցի, զգացի ինձ ախպար սեփական երկրում, հիմա հայ geek-երը խոսում են հայերեն կեսը անգլերեն բառերով, այ քեզի պատմություն, ու օգտագործում են իմ չիմացած անգլերենի ամենաանհասկանալի բառերը, երբեմն եթե սըփորթ են ասում, էլի ոչինչ, տանելի ա բայց մեկ էլ կոխցնում են բառեր, որ մենակ զապիս անելուց հետո կարամ բերեմ գցեմ թարգմանիչի մեջ, ու հետո, թարգմանվելուց հետո էլ չհասկանամ թե ինչ ա նշանակում: Բայց էս էլ հեչ, հայերից շատերը անգլերեն էին ներկայցնում, ու ես մանրից ցվրվում էի լսարանից: 

Մեզ խնդրեցին, որ եթե barcamp-ի մասին գրենք, tag-երում  գրենք #barcampevn09: Բայց քանի, որ մեր tag-ն ֆրոնտում չի երևում, հետևաբար էս խնդրանքը գրեցի էստեղ post-ի մեջ: 

Չկոնֆերանսի (չ)փարթին բաց թողի, ծնունդի էի, բայց արժեր տեսնել, geek-երի փարթին էլ ա՞ անարխիստական, թե՞ էլի չ-ն թաքցրել են:

Բառեր կան, երևի մեծ մասը, որ մոդեռնիզացվելու, այսինքն սկզբից չ ստանալու կարիք ունեն: Բայց բառեր էլ կան որ կարելի ա չ-ն հանած էլ օգտագործել, ասենք չաթլախի չ-ն հանես ու լինի աթլախ: Չկպա՞վ: