Հայաստանին ոչ ոք բարեկամ չի՞ համարում

Ռուսաստանի քաղաքացիների գրեթե կեսը (48%) բարեկամ պետություն է համարում է Բելառուսը: Նման տվյալներ է հրապարակել Հասարակական կարծիքի ուսումնասիրման համառուսական կենտրոնը, որը հարցում է անցկացրել` նախկին Խորհրդային Միության հանրապետությունների քաղաքացիների վերաբերմունքը միմյանց նկատմամբ պարզելու համար: Այդ մասին տեղեկացնում է RBC գործակալությունը։

Հարցման համաձայն՝ Ռուսաստանի քաղաքացիները լավ են վերաբերվում Ղազախստանին (33%), ինչպես նաև Ուկրաինային (22%): Բացի այդ, հարցման մասնակիցների 37%-ը կողմ է Ռուսաստանի և Բելառուսի միջպետական միությանը, 29%-ը`Ուրկաինայի հետ, իսկ 24%-ը` Ղազախստանի:

Ըստ Հասարակության կարծիքի ուսումնասիրման համառուսական կենտրոնի տվյալների` Ռուսաստանի քաղաքացիները նվազագույն սեր են տածում Բալթյան երկրների նկատմամբ (4%):

«Եվրասիական մոնիտոր» միջազգային հետազոտական գործակալության տվյալների համաձայն` Բելառուսի քաղաքացիներն իրենց համար ամենաբարեկամ երկիրն են համարում Ռուսաստանը (74%): Բելառուսների 39%-ը նշել է Ուկրաինան, իսկ 23%-ը` Ղազախստանը: Ոչ բարեկամ երկրների շարքերի երկրներին են նրանք դասել Տաջիկստանը (5%) և Էստոնիան (4%): Հարցման մասնակիցների կեսից շատը (56%) ցանկանում է դաշինք կնքել Ռուսաստանի, իսկ յուրաքանչյուր չորրորդը (25%)` ԵՄ-ի հետ:

Ուկրաինայի քաղաքացիների կեսից ավելին (58%) իրենց ընկերն են համարում Ռուսաստանը. հարցման մասնակիցների մեկ երրորդը նշել է Բելառուսին: Ուկրաինացիների համար, իրենց կարծիքի համաձայն, ոչ բարեկամ երկրներն են Ղրղզստանը, Տաջիկստանը, Ուզբեկստանը, Թուրքմենստանը (յուրաքանչյուրը 6%), իսկ ուկրաինացիները միություն կնքել կցանկանային Ռուսաստանի (47%), Բելառուսի (29%) և ԵՄ-ի (21%) հետ:
Հայաստանում քաղաքացիների ճնշող մեծամասնությունը (82%) իրենց բարեկամ երկիրն են համարում Ռուսաստանը, 16%-ը` Վրաստանը, նվազագույն տոկոսներ է հավաքել Ադրբեջանը (1%): Հայաստանի քաղաքացիները առավել շատ ցանկանում են դաշինք կնքել Ռուսաստանի հետ (67%), և 24%-ը նշել է, որ որևիցե երկրի հետ միանալու անհրաժեշտություն չկա:

Հարցումների համաձայն` Վրաստանի բնակչության ավելի քան երկու երրորդն իրենց բարեկամ երկիր են համարում Ուկրաինան: Երկրորդ տեղում է վրացիների համար Ադրբեջանը (41%): Ամեն հինգերորդը բարեկամ երկրներ է համարում Լատվիան և Լիտվան (22%): Վրացիները բարեկամական երկրների շարքին հակված են դասել Ղրղզստանը և Տաջիկստանը (յուրաքանչյուրը 1%): Իսկ ինչ վերաբերում է պոտենցիալ դաշնության հնարավորությանը, ապա Վրաստանի բնակչությունը առավել շատ ցանկանում է անդամագրվել ԵՄ-ին (37%):

Ադրբեջանում հարցման մասնակիցների 39%-ը նշել է, որ ԱՊՀ և Բալթյան երկրներից թվարկված և ոչ մեկը բարեկամական երկիր չէ: Ադրբեջանցիները հանրապետության բարեկամ երկրների շարքերին են առավել դասում Վրաստանը (21%) և Ուկրաինան (20%): Առավել քիչ նշել են Մոլդավիան, Ղրղզստանը, Թուրքմենստանը, Լատվիան և Լիտվան (յուրաքանչյուրը 4%): Հանրապետության քաղաքացիները ամենից շատ կցանկանային դաշինք կնքել Թուրքիայի հետ (31%), առավել քիչ` ԵՄ-ի (24%):

Ըստ տվյալ հարցման արդյունքների՝ ստացվում է, որ Հայաստանին ոչ ոք չի դասել բարեկամների կամ թշնամիների թվին։