Անգամ Քենեդու սպանությունը կարող եք բարդել Աշոտյանի վրա. խորհրդավոր զրույց ԿԳ նախարարի աշխատասենյակում (2-րդ մաս)
Կրթության և գիտության նախարար Արմեն Աշոտյանի հետ ՎԱՐԴուհի Սիմոնյանի զրույցի առաջին մասը՝ այստեղ։ Իսկ ֆեյսբուքյան հարթակի հարցերի պատասխանները՝ հաջորդիվ։
-Պարո՛ն նախարար, մեր մարզպետների կարիերայի առաջխաղացման մեջ կրթությունը զրո ազդեցություն է ունեցել. նրանք, չնչին բացառությամբ, ցածր կրթական ցենզով մարդիկ են, նրանք ի վիճակի՞ են կրթությունը որպես արժեք դիտարկել։ Պարզ չէ՞, որ նրանց կալվածքներից օր առաջ պիտի դպրոցն ազատել։
-Դա այդպես չէ, և Դուք շատ ծայրահեղ գնահատական եք տալիս։ Բայց, որ դպրոցը պիտի լինի մեր նախարարության ենթակայության տակ, ես էլ եմ այդպես կարծում։
-Հիմա մեկ այլ հարց՝ ճիշտ չէ՞ ապակուսակցականացնել կրթական համակարգը. ամենուր հանրապետական տնօրեններ և ուսուցիչներ են։ Հանրապետականի անդամատոմսն ինչո՞ւ պետք է լինի ոլորտ մտնելու այցեքարտը։
-Արդյո՞ք այդպես է։ Յուրաքանչյուր քաղաքացի ունի սահմանադրական իրավունք ունենալ քաղաքական նախասիրություններ և դառնալ ինչ-որ կուսակցության անդամ։
-Բայց ինչպե՞ս է ստացվում, որ այս ոլորտի մասնագետները նախընտրում են միայն Հանրապետական կուսակցությունը։
-Ինձ համար գլխավորը սա է՝ հաստատության ներսում քաղաքական պրոպագանդա չարվի՝ ոչ ընտրական, ոչ նախընտրական քարոզչություն։ Ովքեր դրանով զբաղվել են, պատժվել են։ Եվ իմիջիայլոց, ԱՄՆ դեսպանն իր հրապարակային ելույթներից մեկում դա շեշտել էր, որ ուսումնական հաստատության ներսում որևէ քաղաքականություն չկա և չի կարող լինել։
-Լավ, բայց ի՞նչ ահռելի պոտենցիալ պետք է ունենա մեկ առանձին կուսակցություն, որ իր ծոցից այդքան կրթական մենեջերներ դուրս բերի։
-Բա դա լավ չէ՞։ Եթե այդ ուսուցիչների կամ աշակերտների քաղաքական ճաշակը ոմանց սրտով չէ, դա այդ մարդկանց պրոբլեմն է։
-Պարո՛ն նախարար, բայց սա ճաշակի հարց չէ։ Խոսքը ազգային անվտանգության ամենագլխավոր հենասյունը որևէ կուսակցությանն ի պահ տալու մասին է, մեկ կուսակցության գաղափարախոսության, նրա արժեհամակարգերի տակ պահելու մասին է։
-Այդպես չէ, Վարդուհի, էլի ծայրահեղացրիք։ Ինչո՞ւ են միայն Հանրապետական։ Դպրոցի, բուհի ներսում չկա քաղաքականություն։ Կան մարդիկ, որոնք քաղաքական կուսակցությունների անդամներ են։ Դպրոցի ներսում նրանք քաղաքականությամբ չեն զբաղվում։ Դա պրոբլե՞մ է։
-Իմ համեստ կարծիքով, կրթությունը տեղով մեկ ամենամեծ քաղաքականությունն է։Ես նույնիսկ աննորմալ եմ համարում, որ կրթություն կազմակերպող մարդը չհետաքրքրվի, չզբաղվի քաղաքականությամբ, որովհետև եթե նա չունի գաղափարներ, իրավիճակ փոխելու իդեալ, ապա նրա կազմակերպած կրթությունն ի՞նչ պիտի լինի։ Բայց հիմա կոնկրետ հարց. ասացեք խնդրեմ՝ քանի՞ դպրոցի տնօրեն կա, որ Հանրապետական չէ։
-Ես չեմ վարում այդ վիճակագրությունը։ Այդ վիճակագրության մասին ինձ պարբերաբար հիշեցնում է Արամ Մանուկյանը՝ որպես մեղադրանք, թե ինչքան շատ են հանրապետականները՝ ակամայից անելով մեր կուսակցական աշխատանքի գովքը, թեպետ, ես՝ որպես նախարար, դա չեմ համարում ապօրինի և սխալ։ Ես համարում եմ, որ մարդն ունի քաղաքական դիրքորոշում։ Դա նույնն է, եթե ասեք, թե ինչո՞ւ է պատգամավորների մեծ մասը հանրապետական։ Ընտրել են պատգամավորներին այնտեղ, խորհուրդը հանրապետական տնօրեններին ընտրել է այստեղ։ Երկուսն էլ ընտրական կարգով են անցնում, ո՞րն է պրոբլեմը: Մենք ԲՀԿ-ից 4 ռեկտորներ ունենք, դաշնակցականներ էլ կան։ Ահա այս 19 տարիների մեջ մի հանրապետական նախարար չկար։ Բոլորը կա՛մ ՀՅԴ-ից էին, կա՛մ՝ ՕԵԿ-ից, կա՛մ՝ ՀՀՇ-ից։ Ինչո՞ւ այդ ժամանակ այդ խնդիրը չէիք բարձրացնում։
-Իշխանությունը վերցրել, կոալիցիայով պաշտոնավարում էիք, սա ի՞նչ կապ ունի մեր բանավեճի առարկայի հետ. ես հարցնում եմ, եթե ոլորտի նախարարը հանրապետական է, ինչո՞ւ պիտի ոլորտը հանրապետականացվի։
-Ենթադրենք, Դուք ճիշտ եք ասում՝ ես հանրապետական եմ՝ ուստի, բոլորը հանրապետական են, հա՞, ա՞յդ տրամաբանությունն է։ Ես չեմ բացառում, որ այդ հանրապետական տնօրենների մեջ, միգուցե, կան պատեհապաշտներ, որոնք մտել են կուսակցություն ինձ հետ նույնական լինելու համար։ Բայց հանրապետականը ինդուլգենցիա չէ, այլ ավելի մեծ պարտավորություն, և, իմիջիայլոց, մեր պատժած տնօրենների մեծ մասը հենց հանրապետականներ են. մի քանի օր առաջվա իմ արձակած հրամանները տեսեք՝ խիստ նկատողությունների և նախազգուշացումների մասին։
-Պարո՛ն Աշոտյան, զավեշտալի բան է ստացվում. եթե համարյա բոլորը հանրապետական են, որտեղի՞ց պետք է գտնեիք ասենք մի հնչակի և խիստ նկատողություն տայիք։ Պարզ չէ՞, որ ձեռքի տակ եղածին պետք է պատժեիք։ (Ծիծաղում ենք Վ.Ս.)։ Լավ, շատ հանրապետականացրինք մեր զրույցի այս հատվածը, Ձեր դիրքորոշումը պարզ է, ասենք շնորհակալություն այն արտահայտելու համար և անցնենք մնացած դարդերին։ Մեր մեդիադաշտում նկատվում է պրոֆեսիոնալ լրագրողների պակաս։ Սա շատ մտահոգիչ փաստ է, որովհետև ես վստահ եմ, որ առանց գրագետ մասսմեդիայի մեր երկիրը դատապարտված է։ Դրա համար եկեք տեսնենք, թե մեր բուհերն այսօր ի վիճակի՞ են պրոֆեսիոնալ կադրեր արտադրել, հենց թեկուզ մայր բուհի օրինակով։ Ես այնտեղ դասավանդել եմ և հրաշալի գիտեմ, որ ներդրված ուսումնական ծրագրերը, կրթական ամբողջ ինդուստրիայի տրամաբանությունը թույլ չի տալիս, որ կարգին մասնագետ թողարկվի դրա արդյունքում։ Փաստորեն, մարդը 400 հազար դրամ է վճարում և առանց մասնագիտական գիտելիքի դուրս գալիս համալսարանի ժուռֆակից։
-Լրագրողական կրթության արդիականացման հարցը խիստ ակներև է, այն աստիճանի, որ մենք դեռևս 2012-ին Եվրոպայի խորհրդին առաջարկել ենք համատեղ կրթական ծրագիր իրականացնել, որը ենթադրում է լրագրողական կրթական ծրագրերի ամբողջական վերանայում։
-Պարո՛ն նախարար, ես խոսում եմ այս պահի մասին։ Այս պահին, պատկերավոր ասած, ԵՊՀ-ում կրթական ռեկետ է կատարվում ՝ մարդը գումարը տալիս է և չի գնում մասնագիտական գիտելիք։
-Գիտե՞ք, մենք ազգովի մեծարում ենք կրթությունը, բայց կրթությունը շփոթում ենք կրթական փաստաթղթի հետ։ Մեզ համար կարևորը դիպլոմն է, ոչ թե գիտելիքը։ Մենք նման ենք մարդկանց, ովքեր մտնում են սուպերմարկետ, տալիս են գումար, բայց ապրանքը թողնում և վերցնում միայն չեկը՝ անկախ այն կենացներից, որ շատ հաճախ հնչում է կրթության մասին։
-Սպասեք, պարոն Աշոտյան։ Այս փիլիսոփայությամբ հիմա աշխատում է ԵՊՀ ժուռնալիստիկայի ֆակուլտետը։ Ի՞նչ անել։
-Ես համաձայն եմ, որ այնտեղ և ոչ միայն այդ ֆակուլտետում կա ծրագրերի վերանայման խնդիր։ Կներեք, բայց ժամանակակից լրագրությունից ես մի քիչ ավելի շատ եմ սկսել հասկանալ, և դա լավ կյանքից չէ։ Բայց մեդիադաշտի պրոբլեմները միայն այդ ֆակուլտետից չեն գալիս։
-Չէ, հիմա մենք մեդիադաշտի խնդիրներից չենք խոսում։ Մենք խոսում ենք կրթության մասին։
-Հիմա ես ասեմ՝ մենք սպասում ենք դոնորի։ Առիթից օգտվելով դարձյալ ասեմ՝ սիրելի միջազգային կազմակերպություններ, գենդերի, թրաֆիքինգի, մնացած ինգ-երի կողքին կարևորեք նաև այս ծրագիրը և ֆինանսավորեք։
-Կարելի՞ է այս պահին մի առաջարկ անեմ, որ անկախ հավելյալ ֆինանսավորումից հիմնովին բարելավի իրավիճակը։
-Ասա ինձ, խնդրեմ, բա ինչո՞ւ ես դուրս եկել ֆակուլտետից։ Ես հիմա անուններ չեմ տալու, բայց ինձ համար քանի առաջատար, ընդունելի լրագրողների խնդրել եմ, որ գնան դասավանդեն, չեն գնում։ Ասում են՝ աշխատավարձը քիչ է։
-Գիտե՞ք, ես իմ անձնական խնդիրներով չեմ ուզում ծանրաբեռնել այս հարցազրույցը։ Մի բան կարող եմ ասել, որ դուրս եմ եկել ոչ իմ կամքով. ֆակուլտետի տերերը գերադասեցին նոր պայմանագիր չկնքել ինձ հետ։ Բայց վերադարձի ցանկություն էլ չկա, անկեղծ ասած։ Իսկ առաջարկս հետևյալն է՝ մեկ-երկու տարին լրիվ բավարար է, որ լրագրողը մասնագիտական գիտելիք ձեռք բերի, այսինքն՝ հասկանա, թե ինչ է լրագրությունը։ Դրանից հետո պետք է կատարվեն ուսանողների փոխատեղումներ։ Ուսանողը պետք է ստանա նեղ մասնագիտական գիտելիք։ Այսինքն՝ իրավական թեմայով գրող լրագրողը պետք է գիտելիք ստանա իրավաբանական ֆակուլտետների հետ փոխանակվող ծրագրերով, առողջապահական թեմայով գրողը չի կարող չլսել Բժշկական ինստիտուտի դասախոսություններ։ Պետք է մտածել այս մասին, ընդ որում՝ կա՛մ Բժշկականի ուսանողների մի մասին պետք է վարպետացնել լրագրողական ֆակուլտետներում, կա՛մ՝ հակառակը։ Աննորմալ է, որ ոլորտից անտեղյակ մարդը հավակնում է լուսաբանել ոլորտի որևէ խնդիր։
-Մենք, կարծես, տեղերով փոխվեցինք։ Դուք գիտե՞ք, որ դա ոչ թե Ձեր, այլ՝ իմ մուննաթն է։ Հիմա ես Ձեզ հարց եմ տալիս՝ առանձին լրագրողներ ինձ այնպիսի հարցերով են դիմում, որ, առհասարակ, լրագրողական կրթությունը չէ խնդիրը, այլ հենց կրթությունը։ Երիտասարդ աղջնակներ կան, որոնք ոչինչ չեն հասկանում լրագրությունից։
-Ես էլ հենց դա եմ ասում, որ Ձեր կրթական համակարգն է նրանց արտադրել։ Նրանք լրագրողի դիպլոմ են ստացել հենց Ձեր պատասխանատվության տակ գտնվող կրթական համակարգերից։ Ես հարցնում եմ՝ օրինակ, ինչո՞ւ եք լրագրողի դիպլոմ տվել նրանց։ Արդյո՞ք նրանք լրագրողներ են։ Դիպլոմը տվել եք և շպրտել մեդիադաշտ, և նրանք ապականում ու վարկաբեկում են լրագրողի մասնագիտական դաշտը։
-Հազար ներողություն, բազմաթիվ հրաշալի շրջանավարտներ ունենք, որոնց ճակատագրի մասին ահազանգում եք։ Բա ընդունեք նրանց մեդիադաշտ։ Ինչո՞ւ չեք ընդունում։
-Պարո՛ն Աշոտյան, երբ ինձ վստահել են որևէ մեդիահամակարգի կառավարում, ես հենց դրանով եմ զբաղված եղել։ Հիմա ես ուզում եմ մեր զրույցը լինի ոչ թե մուննաթային, այլ՝ կառուցողական ։Ի՞նչն է մեզ խանգարում իմ այս առաջարկը վաղն իսկ կյանքի կոչել։
-Փողը։
-Կներեք, մարդն արդեն վճարել է այդ 400 հազարը, որպեսզի մասնագիտություն գնի այդ բուհից, բայց չի կարողանում գնել։ Եվ ես հիմա Ձեզ հարց եմ տալիս՝ ասացեք խնդրեմ, ի՞նչ արժե ժուռնալիստ մասնագիտության պատրաստման ինքնարժեքը Հայաստանում։
-Ես չգիտեմ։
-Ինչպե՞ս չգիտեք։ Իսկ եթե այդ բուհերն աշխատում են, ասենք, 300 տոկոս գերշահույթով։ Բայց չէ՞ որ Դուք պետք է իմանաք։ Բա պետության կարգավորիչը, կամ պատասխանատվությունն ո՞ւր է։
-Գիտե՞ք, եթե դրա սպառումը կա, ապա բուհն առաջարկում է իր ծառայությունը։
-Արդյո՞ք նորմալ է, որ մայր բուհը լրագրության վարպետության դասախոսին ամիսը 30 հազար էլ չի տալիս, այն դեպքում, երբ հենց վարպետության դասախոսն է մասնագիտական կապիտալ ներդնում ուսանողի մեջ, կառուցում նրան որպես մասնագետ։
-Տեսեք, «Արմենիա» հեռուստաընկերությունը, Հանրայինը աշխատում են մեր բուհերի հետ լրագրողական լրացուցիչ դասընթացների համար, իսկ մնացածները չե՞ն կարող։ Աշխատաշուկայի հետ կապի մասին եք խոսում՝ որտեղ գործատուն շահագրգիռ է, այնտեղ քայլեր ձեռնարկվում են։
-Այսինքն, համալսարանը մարդուց գանձի գումարը, և մեկ այլ հաստատություն ձրի գիտելի՞ք տա նրան։ Բայց չէ՞ որ մարդն արդեն վճարել է այդ գիտելիքը գնելու համար, և ուրեմն, նա բավականին թանկ պրակտիկա պետք է անցնի , նաև Ձեր նշած հեռուստատեսություններում։
-Ի՞նչ է, Դուք կարծում եք, որ մեր լրագրության այսօրվա տերերին ձե՞ռք են տալիս բազմակողմանի զարգացած լրագրողնե՞րը։ Կա՞ նրանց պահանջարկն այսօրվա մեդիադաշտում։
-Պարո՛ն Աշոտյան, եթե լրագրողը պրոֆեսիոնալ է, նա պրոֆեսիոնալ լրագրություն և մեդիադաշտ է ձևավորում։ Այդ ծիտիկ լրագրողներին է հնարավոր խեղել և մանիպուլացնել, իսկ նա, ով ինքնություն է, այսինքն՝ պրոֆեսիոնալ լրագրող է, նրան չես կարող գլխատել։ Իսկ հիմա հարց՝ ո՞ւմ գրպանն է մտնում այդ կրթական ռեկետը, ո՞վ է վերցնում ապագա լրագրողի 400 հազարը, պատասխանեք, խնդրեմ։
-Դա կրթական ռեկետ չէ։
-Բա ի՞նչ է։ Դրա համար էլ հարցնում եմ՝ որքա՞ն է ինքնարժեքը, որպեսզի հասկանանք, թե դա ինչ շահույթ է, ո՞ւր են գնում այդ փողերը, որ պիտի ծախսվեին ուսանողի վրա։
-Դրա ինքնարժեքը կարող է լինել 10 դրամ։ Եթե դա սպառվում է, ապա նրանք կարող են դա վաճառել 400 հազար դրամով։ Բա շուկայից էինք խոսում։
-Այսինքն՝ պետությո՞ւնը չէ կրթության որակի պատասխանատուն, վերահսկողը։ Բուհն իր շահն ունի, բիզնես է անում, բա պետության շահն ո՞ւր է։
-Պետությունը թույլատրել է բուհին իրենց ինքնավարության շրջանակում սահմանել վարձավճարներ՝ ի դեպ, եվրոպական ինքնավարության շրջանակներում։ Ասեմ, որ մենք օրենք ընդունեցինք, որ պետությունը սահմանելու է ուսման վարձավճարների վերին շեմ։
-Հիմա մեր պետությունն ի՞նչ պատասխանատվություն է կրում սրա համար, որ մենք ունենք այսպիսի ոչ արդյունավետ, ոչ ադեկվատ կրթական համակարգ։
-Պատասխանատվություն բառի տակ կարելի է անգամ Քենեդու սպանությունը բարդել Աշոտյանի վրա։
-Գիտե՞ք, պարոն Աշոտյան, ես բացարձակ տրամադրված չեմ հումորի։ Հիմա ես ինչի մասին խոսում եմ, իմ մեծ անհանգստությունն է, իմ ցավն է։
-Իմ ցավն էլ է։ Դուք դեռ մեկ ֆակուլտետի մասով եք ցավում։ Իսկ ինչո՞ւ են գնում այդ ֆակուլտետ, ինչո՞ւ են ընդունվում։
-Ընդունվում են, որովհետև դա պետության պատասխանատվության ու երաշխավորության տակ գտնվող հաստատություն է. քչերը գիտեն, որ այնտեղ զբաղված են կրթական մանիպուլյացիայով։
-Նորից եմ հարցնում՝ իսկ ինչո՞ւ են ընդունվում։
-Որովհետև Դուք՝ որպես կրթության և գիտության նախարար, երբևէ չեք կանգնել ու չեք ասել, որ հարգելինե՛ր, այստեղ խաբեություն կա, մի՛ տարեք ձեր տունն ու հողամասը վարկի տակ դրեք, այնտեղ լրագրողներ չեն պատրաստում։
-Անարդար եք։ Վերցրեք վերջին 5 տարվա իմ ելույթներն ու տեսեք, թե քանի անգամ եմ նման բան խոսել։
-Կոնկրետ ԵՊՀ ժուռնալիստիկայի ֆակուլտետի մասին ի՞նչ եք ասել։ Սրա մասին խոսե՞լ եք։
-Ես խոսել եմ բազմաթիվ ֆակուլտետների մասին։ Ասել եմ՝ մի դարձեք տնտեսագետներ ու իրավաբաններ, որովհետև կարող է աշխատանք չգտնեք։ Ասել եմ, որ գնան ու դառնան, ասենք, ագրոնոմներ, որովհետև այնտեղ աշխատանք կա։
-Հիմա կխնդրեի հրապարակել այն մասնագիտությունների ցանկը, որոնք առաջիկա տասը տարիների ընթացքում Հայաստանում բարձր իրացվելիություն կունենան ու ռեյտինգային կլինեն մեր դեպքում։ Արդյո՞ք մենք ունենք կրթության զարգացման հայեցակարգ առաջիկա 10 տարիների համար։ Եթե այո, ապա այնտեղից հանգիստ կարելի է բխեցնել այդ մասնագիտությունները։ Մարդիկ ի՞նչ գնան դառնան։
-Տեսնո՞ւմ եք՝ ինչքան նոր մասնագիտություններ են առաջացել աշխարհում և դժվար է ասել, թե տասը տարի հետո որոնք կլինեն, այսպես կոչված, տրենդային մասնագիտությունները և՛ աշխարհում, և՛ Հայաստանում։
-Դժվար է, բայց՝ հնարավոր։ Առանձին երկրներ, օրինակ, արդեն կանխատեսել ու հրապարակել են այն մասնագիտությունները, որոնք առաջիկա տարիների համար իրացման լայն շուկաներ կգտնեն իրենց դաշտում։
-Ընդհանրապես, ռեյտինգային մասնագիտությունները շատ հեշտ է հասկանալ՝ նայելով դիմորդների նախասիրություններին։ Մեզ մոտ, հակառակի պես, ռեյտինգային են այն մասնագիտությունները, որոնք շուկայում պահանջված չեն։
-Այդ դեպքում, ինչո՞ւ չենք կողմնորոշում, ուղղորդում այդ ծնողներին, երեխաներին։ Բա ափսոս չե՞ն նրանց գումարները, այդ երեխաների ժամանակն ու էներգիան։
-Մեռանք ասելով, մեռանք կողմնորոշելով, մեռանք։ Ագրոհամալսարանում թափուր պետպատվերի տեղ է մնում, իսկ իրավաբանականում ամենաբարձր մրցույթն է։ Այն մասնագիտությունները, որտեղ գերհագեցած շուկա ունենք, մարդիկ գերադասում են հենց դրանք ընտրել։
-Հրապարակեմ մի քանի փաստեր՝ ուսանողների 43 տոկոսից ավելին անարդար, կողմնապահ է համարում քննական գնահատականները, 21 տոկոսը բուհական կրթության մակարդակը համարում է շատ ցածր, 40 տոկոսից ավելին չգիտի ինչ է բուլոնյան համակարգը...
-Պետք էլ չի, որ իմանա, թե ինչ է բոլոնյան համակարգը։
-Ինչո՞ւ։
-Որովհետև դա մասնագիտական բան է։ Ուսանողը պետք է իմանա, որ գնում է դասի, պետք է սովորի, ստանա իր կրեդիտն ու հանձնի քննությունը։
-Բայց փաստն այն է, որ ուսանողների 36 տոկոսից ավելին, փաստորեն, չգիտի, ինչ է կրեդիտավորման համակարգը։
-Կրեդիտ է ստանում և չգիտի՞, թե ինչ է կրեդիտը։
-Կրկնում եմ՝ այս թվերը ես քաղել եմ Ձեր գերատեսչության պաշտոնական կայքից։
-Այդ ուսումնասիրությունը մենք ենք պատվիրել։ Բայց Ձեզ թվում է՝ եվրոպացի ուսանողները նստած բոլոնիայի հռչակագրե՞րն են կարդում, կամ էլ նախարարական գագաթնաժողովի դեկլարացիանե՞ր։Նրանք զբաղված են սովորելով, որովհետև դա է իրենց գործը։
-Պարոն նախարար, բա ուսանողը չիմանա, թե ինքն ինչ պրոցեսի մեջ է, հո փորձարկվող ճագար չէ՞, կներեք։
-Հիմա ե՞ս պետք է 100 հազար ուսանողների համար պատասխան տամ։ Բա Ձեր ասած ուսանողը, որ դժգոհ է կրթության որակից ու պահանջատեր է, չի ուզո՞ւմ գնա նստի, կարդա և իմանա, թե այդ կրեդիտը ոնց է ձևավորվում։
-Դե հիմա եկեք մտածենք՝ ինչո՞ւ չի ուզում, ո՞նց է ստացվել, որ չի ուզում իմանալ այն խաղի կանոնները, որտեղ ներգրավված է ինքը։
-Դա սխալ հարց է։ Անգամ մասնագետների մեծ մասը տեղյակ չէ այդ համակարգից։ Դուրս արի և կրթության փորձագետներին տուր այդ հարցը։ Այս պարագայում ուսանողի գործը սովորելն է, կրկնում եմ։ Այդ մասին կարելի է տեղեկանալ ընդամենը 20 րոպեում։ Թող «Գուգլով» փնտրի և իմանա, եթե իրեն հետաքրքրում է։
-Ձեր կարծիքով ուսանողը կրթական պրոցեսում սուբյե՞կտ է, թե՞ օբյեկտ։
-Սուբյեկտ, միանշանակ սուբյեկտ։
-Իսկ պետք չէ՞, որ այդ սուբյեկտը հասկանա իր գլխի գալիքը։
-Հիմա 100 հազար ուսանողի մեջ 90 հազարի պետքը չէ, բայց 10 հազարի պետքն է։ Դա չի կարող զանգվածային բնույթ կրել։ Ում հետաքրքիր է՝ նա գիտի։ Ցանկացած օրենքի մասին հարցախույզ արա՝ բնակչության քանի՞ տոկոսը գիտի։
-Դե, դրանք մեզ մոտ այնքան արագ են փոխվում, որ անգամ ԱԺ-ի մեկ-երկու տոկոսը չգիտի։
-Նույն Սահմանադրությունը քանի՞ հոգի գիտի։ Էդ էլ հո 2005-ին ենք փոխել վերջին անգամ։ Ինֆորմացիան բաց է, նախագծերը դրվում են հրապարակային քննարկումների, ինստիտուցիոնալ ուսանողական կառույցներից ստանում ենք կարծիքներ, առաջարկներ։
-Տեսեք, պարոն Աշոտյան, մենք արդեն մտանք արժեհամակարգերի, կրթական արժեշղթայի խորքը...
-Ձեր վերջին հարցն է. հանդիպում կա։
-Երկու հարց էլ կտամ, իհարկե մի 100-ն էլ թողնելով մեր մյուս հանդիպմանը։
-Սերիա՞լ է, ինչ է...
-Կարևոր հարցադրումներ են։ Ուրեմն, ընտրեմ այն հարցերը, որոնք ամենաշատն են տվել մեր ընթերցողները։ Նրանք հարցնում են՝ ինչո՞ւ է պարոն Աշոտյանը ծափահարել այն աշակերտին, ով վարչապետին այդպիսի արտառոց ձոներգ հղեց։
-Շատ պարզ է, որ այդ, այդպես կոչված, ձոներգը ոչ իմ, ոչ էլ վարչապետի սրտով չէր։ Դա ակնհայտ էր։
-Բա ինչո՞ւ էիք ծափահարում։
-Մենք գնացել էինք տոնական միջոցառման և իրավունք չունեինք փչացնելու այդ միջոցառմանը պատրաստված կոլեկտիվի և շրջանավարտների տրամադրությունը։ Երբ Դուք տեղ եք գնում և մի բան Ձեր սրտով չի լինում՝ միանգամից քիթումռո՞ւթ եք անում, կներեք արտահայտությանս համար։
-Իհարկե, քիթ-մռութ չեմ անում, բայց երբևէ որևէ անորակ բանի ծափահարած չկամ։ Հիմա հարց՝ Դուք միգուցե այդ պահին շփոթվել եք, կուզե՞իք ծափահարած չլինել. արդյո՞ք հիմա էլ կծափահարեիք այդօրինակ քծնանքի ցույցին։
-Մենք էթիկետ ենք պահել։ Նախ՝ ոչ մեկի սրտով չէր բանաստեղծության բովանդակությունը, երկրորդ՝ կան էթիկայի կանոններ՝ միջոցառման ես մասնակցում, պետք է ծափահարես։ Երրորդը՝ ամոթ է որոշ մարդկանց համար ինքնադրսևորվել ու կայանալ մի անչափահաս երեխայի հաշվին, ինչ ասես՝ գրելով այդ երեխայի մասին։ Հավատացեք, դա է պրոբլեմը։ Եվ չորրորդը՝ արդյո՞ք այդ երեխան էր «Վերջին զանգի» սիմվոլը։ Հարյուրավոր դպրոցներում այդ օրը «Վերջին զանգ» էր։ Լավ, ինչո՞ւ չեք ուրախանում, սիրելի քննադատներ, մնացած երեխաների հաջողություններով։ Սա՞ է Ձեր կրթության մասին մտահոգությունը։ Այդ քննադատների քանի՞ տոկոսը դրա կողքին շարեց 10-15 ուրախալի լուր։ Ուրեմն, ես չեմ հավատում այդ քննադատների անկեղծությանը։
-Պարոն Աշոտյան, այն ամենն, ինչ արտառոց է, հենց դա էլ լուր է։ Թե չէ այն, ինչ գնում է բնականոն ընթացքով, չի կարող լուր լինելու հավակնություն ունենալ։
-Ոչ, լուրն արտառոցը չէ։ Լուրը կարող է լինել նաև արտառոց։ Ես չեմ կիսում Ձեր տեսակետը։ Դուք քիչ առաջ շատ ազատ արտահայտվում էիք կրթության պրոբլեմների մասին։ Թեպետ ես մի քիչ ավելի շատ գիտեմ այդ մասին։ Բայց ես քեզ լսում էի։ Հիմա էլ ես եմ արտահայտում լրագրության մասին իմ կարծիքը։ Իհարկե, լուրը կարող է լինել նաև արտառոց և այդ լուրն ավելի շատ է ընթերցվում։
-Մասնագիտական այդ բանավեճը դնենք մի կողմ. ես հիմա շատ կուզեի, որ Դուք ասեիք՝ «Շփոթվել եմ, կներեք, որ ծափահարել եմ...»։ Ես ուզում եմ, որ Դուք դա ասեք որպես իմ պետության ԿԳ նախարար, անկեղծ եմ ասում։
-Ո՛չ, ես դա չեմ ասի։ Ինչո՞ւ եք ինձ թելադրում մի բան, երբ ես ամենևին էլ այդ կարծիքին չեմ։ Ես դաստիարակված մարդ եմ, երբ գնում եմ միջոցառումների, անկախ նրանից՝ երգուպարը լավն էր, թե վատը, երեխաներին միշտ ծափահարում եմ։ Ես ընդհանրապես չեմ ափսոսում այդ օրվա համար։ Կրթությունից կիլոմետրերով հեռու մարդիկ փորձեցին փչացնել «Վերջին զանգի» տպավորությունները, բայց դա, կարծում եմ, չհաջողվեց։ Ես վստահ եմ, որ կային մարդիկ, ովքեր սպասում էին, որ այդ օրը մի վթար լինի, դժբախտ դեպքեր լինեն, որպեսզի դրանով նշանավորեն «Վերջին զանգը»։ Բայց փառք Աստծո, որ դրանք չեղան, և մնաց սևեռվել այդ երեխայի վրա, սկսեցին կայանալ այդ անչափահաս երեխայի վրա։ Սա հիվանդագին ներաշխարհի խնդիր է։
-Պարոն Աշոտյան, մեծ հաշվով, իմ գործընկերները գրում էին ոչ թե վարչապետի, Ձեր կամ այդ երեխայի մասին, այլ գրում էին դպրոցի այսօրվա արժեհամակարգի, ամենասարսափելի երևույթներից մեկի՝ քծնանքի մասին, որովհետև երբ կրթության և գիտության նախարարն է դրան ծափահարում, ես վախենում եմ։
-Ես ինքս չեմ սիրում և չեմ ողջունում քծնանքը։ Ինձ հետ աշխատող մարդիկ սա հրաշալի գիտեն՝ և՛ տնօրենները, և՛ իմ ամբողջ աշխատակազմը, և՛ քաղաքացիները։ Ես ատում եմ քծնանքը, և այն ատում է նաև վարչապետը, որի մասին նա վերջերս խոսել է «Արմենիա» հեռուստատեսությամբ։ Եվ խնդրում եմ, երեխայի վրա կայանալու փորձերը մի փաթեթավորեք քծնանքի դեմ պայքարելու տակ։
-Լավ, քիչ առաջ Դուք սահմանափակեցիք հարցեր տալու իմ հնարավորությունը, և ես փորձում եմ մարդկանց հուզող ևս մեկ հարց հասցնել Ձեզ։ Կապանի տարածաշրջանային քոլեջի մասին է մտահոգությունը։ Երեկվանից մարդիկ գրառումներով և նամակներով ուղղակի գնդակոծել են ֆեյսբուքյան իմ էջը։ Նրանք պնդում են, որ քոլեջի տնօրենի թոշակի անցնելուց հետո միանգամից երկու ժամանակավոր պաշտոնակատար է հայտնվել։ Սա այն դեպքում, երբ կոլեկտիվը ստորագրահավաք էր կազմակերպել ուսումնական մասով փոխտնօրենի օգտին։ Ինձ ուղարկեցին երեք թեկնածուների աշխատանքային կենսագրությունները, և ես զարմանքով հայտնաբերեցի, որ Ձեր նշանակած վերջին պաշտոնակատարն ամբողջ կյանքում դասվար է աշխատել ։ Իսկ ուսումնական գծով փոխտնօրենը խիստ պրոֆեսիոնալ մեկն է, որն իր ամբողջ կյանքը ներդրել է այդ հաստատությունում։ Ո՞ւր կհասնենք մենք պրոֆեսիոնալներին համակարգից քշելով։
- Այնտեղ կար մի ժամանակավոր պաշտոնակատար, որը փոխարինվել է նոր ժամանակավոր պաշտոնակատարով։ Մեկին հանեցինք, մյուսին դրեցինք։ Այս քոլեջի հետ կապված շահարկումներ թող չլինեն, որովհետև ստիպված կլինեմ անուններ տալ, թե տարբեր մարդկանց համար ով ինչ է խնդրել ինձ։ Ես կարդացի Ձեր էջի գրառումները, և այնքան բաներ կան ասելու այդ հարցատուներին։
-Կխնդրեի հիմա ասեիք։
-Չեմ ուզում ասել։ Ես ավելի լուրջ մարդ եմ։
-Գրառումներից մեկի հեղինակը պնդում է, որ Ձեզ անձամբ Լևոն Սարգսյանն է խնդրել թեկնածուներից մեկի համար։ Բայց ես որքան գիտեմ՝ նախագահը հաճախ է ասում, որ իր եղբայրների խնդրանքը պետք չէ հիմք ընդունել և անհրաժեշտ է մնալ օրենքի սահմաններում։
-Ամոթ է, ամոթ։ Լինելու է մրցույթ։ Ով ցանկանում է, թող առաջադրվի։ Խորհուրդն ում կընտրի, նա էլ կլինի տնօրեն։ Ինչի՞ մասին է խոսքը։ Ես նշանակել եմ ժամանակավոր պաշտոնակատար՝ իմ լիազորությունների սահմաններում։ Ես խնդրում եմ՝ քննադատեք ինձ, ուժեղ քննադատեք։ Բայց մեկ հարց առաջադրելիս խոսեք հիմնավորումներով։
-Պարո՛ն նախարար, ես արձանագրում եմ այն փաստերը, որոնք այս պահին կախված են ֆեյսբուքյան իմ էջից. նրանք կոնկրետ մարդիկ են՝ կոնկրետ հարցադրումներով։
-Վարդուհի, ես խելացի մարդ եմ։ Եթե անգամ իրենց նշած անձը խնդրեր ինձ այդ մասին, ի՞նչ եք կարծում՝ ես որևէ մեկին կասեի՞ այդ մասին։
-Մի խոսքով, ասվածը համարում եք ժողովրդական ֆոլկլոր։
-Ես Ձեզ ասեմ՝ այնտեղ կան ազդեցությունների տարբեր խմբավորումներ։ Ամեն մեկն իր մարդուն է ցանկանում առաջ հրել։ Սա տարածաշրջանային քոլեջ է, և մենք պարտավոր ենք բարձր կանգնել այդ զավեշտալի շահարկումներից։ Եթե ինչ-որ մեկի սրտով չէ իմ նշանակումը, դա չի նշանակում, թե ինքը պետք է վարկաբեկի գործընթացը։ Սովորաբար, երբ հնարավոր է լինում մարդուն օգնել օրենքի շրջանակներում, ես օգնում եմ։ Հարցրեք կառավարության շենքի մոտ հավաքված մարդկանց, Ձեր կոլեգաներից սկսած, բոլորին հարցրեք։ Իսկ եթե չկա իրավական հիմք, ապա, կներեք... սկսում են Ձեր էջում բողոքել ինձնից։
-Պարո՛ն նախարար, գիտնականներին կնեղացնենք, եթե գիտության մասին գոնե մի հարցի չպատասխանեք։
-Վարդուհի, ավարտեցինք։
-Իսկ ի՞նչ եք կարծում, ի՞նչ ապագա ունի այն երկիրը, որտեղ գիտնականի աշխատավարձը միջին աշխատավարձից երկու անգամ պակաս է։ Եվ ընդհանրապես, արդյո՞ք ԳԱԱ-ն իր այս տեսքով չի սպառել իրեն։
-ԳԱԱ-ն մեր ամենախոշոր գիտական ենթակառուցվածք ունեցող կազմակերպությունն է։ Բացի այդ էլ, գիտությունն այսօր զարգանում է նաև բուհերում։ Մենք սովետից ժառանգել ենք այս հաստատությունը, և վերջնական չենք որոշել, թե ինչ պետք է անենք նրա հետ։ Մենք ժառանգել ենք ակադեմիական համակարգ, բուհական համակարգում զարգացող գիտություն, որը խորհրդային շրջանում թույլ է զարգացած եղել, որովհետև շեշտը ակադեմիայի վրա էր։ Եվ երրորդը, այսպես կոչված, ճյուղային գիտություն, որն այսօր արդեն գոյություն չունի իր դասակարգումների մեջ։ Մենք էլ ենք փորձում դրանից դուրս գալ։ Մեզ, այո՛, պետք է, որ կարողանանք պահպանել ավանդույթները. եթե ԳԱԱ-ն պետք է փակվեր, ապա դա պետք է արվեր 90-ականներին։ Եվ Ձեզ ասեմ, որ լավ են արել, որ չեն փակել, որովհետև այն երկրները, որ այն ժամանակ կայացրին նման որոշում, այսօր մեզանից հետ են ցուցանիշներով։
-Ո՞ր ցուցանիշներով, օրինակ։
-Ցիտման ինդեքս, ազգային հեղինակավոր վարկանիշային ամսագրերում հրապարակված հոդվածների քանակով։
-Զարմանալի է, որովհետև ինչպե՞ս կարող է զարգանալ չֆինանսավորվող գիտությունը։ էլ չենք խոսում ուղեղների արտահոսքի մասին։
-Ես Ձեզ ասեմ, հենց այս պահին մենք դրսում աշխատող շատ գիտնականներ ունենք, և այս պայմաններում Հայաստանում գիտության սպասարկման ռեսուրսներից մեկը հենց այդ դրսի կապերի օգտագործումն է՝ և՛ բովանդակային, և՛ ֆինանսական, և՛ անձնական, և՛ տեխնիկական։
-Բա ներսո՞ւմ ինչ բանի ենք։ Ի՞նչ ուղերձ ունենք երիտասարդ գիտնականին։
-Վերջին երեք տարում երիտասարդ գիտնականներին հատկացվող ֆինանսական ծավալները երեք անգամ ավելացել են։
-Բայց դարձյալ մնացել ծիծաղելի։
-Այո, քիչ է։
-Պարո՛ն նախարար, Վրաստանի սահմանամերձ Եֆրեմովկա գյուղից մի նամակ էլ ունեք, որ փոխանցում եմ Ձեզ։ Նամակի հեղինակը պնդում է, որ դիդակտիկ առարկաներ չունեն, որ երեխաներին տառեր սովորեցնեն։ Մեսրոպ Մաշտոցի նկարն են ուզում Ձեզնից և իհարկե՝գերբ, դրոշ։ Ինձ պատգամել են, որ Ձեր աշխատասենյակից դատարկ ձեռքերով դուրս չգամ։
-Անպայման կտանք։ Բայց ինձ համար զարմանալի է, որ նման խնդիր կա, որովհետև մենք հազարավոր կտորներով հայալեզու գրականություն ենք ուղարկել Վրաստան, մեծ քանակությամբ դիդակտիկ նյութեր։ Բայց այսօր չենք մերժի Եֆրեմովկային, անպայման կտանք։
-Շնորհակալություն, անհամբեր կսպասեմ նաև ֆեյսբուքցիների ուղարկած հարցերի պատասխանին։
-Պատասխանելու եմ անպայման։
Զրուցեց ՎԱՐԴուհի Սիմոնյանը
ՕՐՎԱ ԿԱՐԵՎՈՐ
Տեսանյութեր
Ինձ համար վարչապետի ամենաընդունելի թեկնածուն Սրբազանն է. Գառնիկ Դանիելյան
Կատարվածը մեծ հաջողություն է, ՀՀ-ն առաջին անգամ ունի պաշտոնապես դելիմիտացված սահման․ Փաշինյան
Վարչապետի թեկնածուին Բագրատ Սրբազանը պետք է որոշի, ինքն է կոնսոլիդացնող ուժը․ Սուրեն Սուրենյանց
Քոչարյանը և այլ լիդերներ փորձում են նոր դեմքով հանդես գալ և թիկունքում շարժումը ղեկավարել. Ռուստամ Բաքոյան
Շատ վիճելի է՝ Ռոբերտ Քոչարյա՞նն էր ուզում օգտագործել Բագրատ Սրբազանին, թե՞ հակառակը. Հովիկ Աղազարյան
Այսօր ԱՄՆ, Ֆրանսիայի, ՌԴ ու Իրանի դեսպանատները հանդիպում են տարբեր քաղաքական գործիչների հետ․ Կարեն Քոչարյան
«Աջակցում ենք քեզ». Գայ գյուղում Փաշինյանին ծափերով դիմավորեցին
Երեխաները նստելու տեղ չունե՞ն. Փաշինյանն Էջմիածնում դպրոցի մարզասրահ է այցելել
Վարչապետի թեկնածուի ցանկացած անուն, բացի Բագրատ Սրբազանից, հիմա կթուլացնի շարժումը․ Հայկ Նահապետյան
Հարսանիք լեռներում է՛լ, դաշտավայրում է՛լ, Շուշիում է՛լ կարող է լինել, բայց դրա համար պետք է նախ ինքնամաքրվենք. Էդուարդ Շարմազանով
Մեր երկրի հոգին և մարմինը պահանջում են՝ այս գրասենյակը զբաղեցնողը պետք է փոխվի, իրենց երդումը խախտել են. Րաֆֆի Հովհաննիսյան
Նիկոլ Փաշինյան,1 ժամ ժամանակ ունես հրաժարական ներկայացնելու․ Բագրատ Սրբազան
Փաշինյանը Հաղթանակի և խաղաղության տոնի առթիվ այցելել է «Հաղթանակ» զբոսայգի
Եթե հարթակն ու հրապարակը որակյալ լինեն, իշխանությունը կգնա կամ երկխոսության, կամ զիջումների և հեռացման․ Վահե Հովհաննիսյան
Կոնվերս Բանկը ներկայացրել է Converse Markets արտարժույթի փոխարկման առցանց հարթակը
Կաթողիկոսն առաջնորդում է քաղաքական շարժում, թիվ մեկ շահառուն Ռոբերտ Քոչարյանն է․ Նիկոլ Փաշինյան
4 գյուղ չենք տալիս, 4 գյուղ վերցնում ենք Ադրբեջանից՝ որպես փաստարկ մեր դեմ հնարավոր ագրեսիվ քաղաքականության արդարացման․ Փաշինյան
Եթե ռուսական ալիքները շարունակեն այսպես, իրենց հեռարձակումը կարգելվի. Փաշինյան
Անլուրջ է, ես հրաժարական տվել եմ արդեն, անընդհատ տալ չեմ կարող. Փաշինյան
Շարժման գծին աջակցում է նախկին բարձրաստիճան պաշտոնյա, ում ձայնագրել են, ո՞վ ասաց՝ ամբողջ ձայնագրությունն են հրապարակել, նրան հիմա օգտագործում են որպես գործակալ․ Փաշինյան
Տավուշում սահմանազատման նպատակն է՝ անիրագործելի դարձնել պшտերազմը. 90 տոկոսն արված է. Փաշինյան
Տավուշում դրվող սյուները անվտանգության երաշխիքի սյուներն են․ Փաշինյան
Արտահերթի պայման կա՝ Փաշինյանը չպետք է մնա իբրև վարչապետի պաշտոնակատար. Արթուր Խաչատրյան
Նպատակն է ունենալ ծայրագավառ՝ գավառապետով. այս շարժումն ուղղորդվում է Ռուսաստանի կողմից. Արթուր Հովհաննիսյան
Օդից վերցրած հայտարարությունն ու պնդումը մեկնաբանելու խնդիր չեմ տեսնում. ՔՊ-ականը՝ Բագրատ Սրբազանի հայտարարության մասին
Վերջում Արևմուտքն ու Ռուսաստանը ողջունելու են շարժումը, լավ պահ է իշխանափոխության համար․ Հրանտ Մելիք-Շահնազարյան
Մանդատ դրեք, արտահերթ ընտրություններ լինեն,10 ամիսը մեկ տանենք ձեզ արտահերթի՝ հաղթենք. Ալեն Սիմոնյան
Տարեվերջին կունենանք ամբողջական միասնական տոմսային համակարգ, կանգառասրահներ ու չվացուցակ․ Ավինյան
Ղարաբաղի օպերացիայի կազմակերպիչները նունը ուզում են իրականացնել ՀՀ-ում, նրանք այստեղ չեն. Ալեքսանյան
«Վեոլիային» պետք է ասենք՝ դե կներեք, պայմանագիր կա, անձրևից հետո Երևանը հեղեղվում է. Ավինյան
«Վեոլիային» պետք է ասենք՝ դե կներեք, պայմանագիր կա, անձրևից հետո Երևանը հեղեղվում է. Ավինյան
«Պարո՛ն Մինասյան, Դուք զրկվում եք ձայնի իրավունքից այսօր, մի՛ շարունակեք», «Տո դու մի՛ շարունակի»․ վեճ՝ ԱԺ-ում
Կանայք դարձել են ավելի պրոֆեսիոնալ, մեծացել է նրանց ներգրավվածությունը բիզնեսում․ Մարթա Սիմոնյան
AI-ը օգնում է բիզնեսին իր ժամանակը ավելի շատ տրամադրել հավելյալ արժեք ստեղծելու վրա․ Արմեն Ավագյան
Տարիների ընթացքում Ամերիան ձևավորել է գործատուի ուրույն բրենդ ու մշակույթ․ Աննա Վարդանյանց
CCF-ում գործատուն և աշխատակիցը ծանոթանում են միմյանց պահանջներին ու համագործակցում․ Արմեն Բալդրյան
Անազնիվ է, որ կան մանկավարժներ, ովքեր ամիսը 25-30 հազար դրամ աշխատավարձ են ստանում. Փաշինյան
Սկզբից ստեղծում ես ընկերության բրենդը, այնուհետև բրենդը պահում է ընկերությունը․ Հովնան Շահբազյան
Նկատել ենք, որ ընկերությունները սկսել են այլ կերպ վերաբերվել գործատուի իրենց բրենդին. CCF-ի տնօրեն
Այսքան ժամանակ թիրախավորել եք իմ կազմվածքը, որը որոշակիորեն փոխվել է․ Վահագն Ալեքսանյան
- 15:34 • 16.05.24 Ինձ համար վարչապետի ամենաընդունելի թեկնածուն Սրբազանն է. Գառնիկ Դանիելյան
- 11:47 • 16.05.24 Կատարվածը մեծ հաջողություն է, ՀՀ-ն առաջին անգամ ունի պաշտոնապես դելիմիտացված սահման․ Փաշինյան
- 17:37 • 15.05.24 Վարչապետի թեկնածուին Բագրատ Սրբազանը պետք է որոշի, ինքն է կոնսոլիդացնող ուժը․ Սուրեն Սուրենյանց
- 15:26 • 14.05.24 Քոչարյանը և այլ լիդերներ փորձում են նոր դեմքով հանդես գալ և թիկունքում շարժումը ղեկավարել. Ռուստամ Բաքոյան
- 17:46 • 13.05.24 Շատ վիճելի է՝ Ռոբերտ Քոչարյա՞նն էր ուզում օգտագործել Բագրատ Սրբազանին, թե՞ հակառակը. Հովիկ Աղազարյան
- 15:13 • 13.05.24 Այսօր ԱՄՆ, Ֆրանսիայի, ՌԴ ու Իրանի դեսպանատները հանդիպում են տարբեր քաղաքական գործիչների հետ․ Կարեն Քոչարյան
- 15:40 • 11.05.24 «Աջակցում ենք քեզ». Գայ գյուղում Փաշինյանին ծափերով դիմավորեցին
- 15:39 • 11.05.24 Երեխաները նստելու տեղ չունե՞ն. Փաշինյանն Էջմիածնում դպրոցի մարզասրահ է այցելել
- 15:47 • 10.05.24 Վարչապետի թեկնածուի ցանկացած անուն, բացի Բագրատ Սրբազանից, հիմա կթուլացնի շարժումը․ Հայկ Նահապետյան
- 21:28 • 09.05.24 Հարսանիք լեռներում է՛լ, դաշտավայրում է՛լ, Շուշիում է՛լ կարող է լինել, բայց դրա համար պետք է նախ ինքնամաքրվենք. Էդուարդ Շարմազանով
- 21:14 • 09.05.24 Մեր երկրի հոգին և մարմինը պահանջում են՝ այս գրասենյակը զբաղեցնողը պետք է փոխվի, իրենց երդումը խախտել են. Րաֆֆի Հովհաննիսյան
- 19:18 • 09.05.24 Նիկոլ Փաշինյան,1 ժամ ժամանակ ունես հրաժարական ներկայացնելու․ Բագրատ Սրբազան
- 10:44 • 09.05.24 Փաշինյանը Հաղթանակի և խաղաղության տոնի առթիվ այցելել է «Հաղթանակ» զբոսայգի
- 20:40 • 08.05.24 Եթե հարթակն ու հրապարակը որակյալ լինեն, իշխանությունը կգնա կամ երկխոսության, կամ զիջումների և հեռացման․ Վահե Հովհաննիսյան
- 17:19 • 08.05.24 Կոնվերս Բանկը ներկայացրել է Converse Markets արտարժույթի փոխարկման առցանց հարթակը
- 16:15 • 07.05.24 Կաթողիկոսն առաջնորդում է քաղաքական շարժում, թիվ մեկ շահառուն Ռոբերտ Քոչարյանն է․ Նիկոլ Փաշինյան
- 15:57 • 07.05.24 4 գյուղ չենք տալիս, 4 գյուղ վերցնում ենք Ադրբեջանից՝ որպես փաստարկ մեր դեմ հնարավոր ագրեսիվ քաղաքականության արդարացման․ Փաշինյան
- 14:48 • 07.05.24 Եթե ռուսական ալիքները շարունակեն այսպես, իրենց հեռարձակումը կարգելվի. Փաշինյան
- 14:24 • 07.05.24 Անլուրջ է, ես հրաժարական տվել եմ արդեն, անընդհատ տալ չեմ կարող. Փաշինյան
- 14:19 • 07.05.24 Շարժման գծին աջակցում է նախկին բարձրաստիճան պաշտոնյա, ում ձայնագրել են, ո՞վ ասաց՝ ամբողջ ձայնագրությունն են հրապարակել, նրան հիմա օգտագործում են որպես գործակալ․ Փաշինյան
- 13:14 • 07.05.24 Տավուշում սահմանազատման նպատակն է՝ անիրագործելի դարձնել պшտերազմը. 90 տոկոսն արված է. Փաշինյան
- 13:13 • 07.05.24 Տավուշում դրվող սյուները անվտանգության երաշխիքի սյուներն են․ Փաշինյան
- 13:03 • 07.05.24 Արտահերթի պայման կա՝ Փաշինյանը չպետք է մնա իբրև վարչապետի պաշտոնակատար. Արթուր Խաչատրյան
- 12:28 • 07.05.24 Նպատակն է ունենալ ծայրագավառ՝ գավառապետով. այս շարժումն ուղղորդվում է Ռուսաստանի կողմից. Արթուր Հովհաննիսյան
- 11:56 • 07.05.24 Օդից վերցրած հայտարարությունն ու պնդումը մեկնաբանելու խնդիր չեմ տեսնում. ՔՊ-ականը՝ Բագրատ Սրբազանի հայտարարության մասին
- 20:49 • 06.05.24 Վերջում Արևմուտքն ու Ռուսաստանը ողջունելու են շարժումը, լավ պահ է իշխանափոխության համար․ Հրանտ Մելիք-Շահնազարյան
- 16:14 • 06.05.24 Մանդատ դրեք, արտահերթ ընտրություններ լինեն,10 ամիսը մեկ տանենք ձեզ արտահերթի՝ հաղթենք. Ալեն Սիմոնյան
- 15:01 • 06.05.24 Տարեվերջին կունենանք ամբողջական միասնական տոմսային համակարգ, կանգառասրահներ ու չվացուցակ․ Ավինյան
- 15:01 • 06.05.24 Ղարաբաղի օպերացիայի կազմակերպիչները նունը ուզում են իրականացնել ՀՀ-ում, նրանք այստեղ չեն. Ալեքսանյան
- 11:47 • 06.05.24 «Վեոլիային» պետք է ասենք՝ դե կներեք, պայմանագիր կա, անձրևից հետո Երևանը հեղեղվում է. Ավինյան
- 11:46 • 06.05.24 «Վեոլիային» պետք է ասենք՝ դե կներեք, պայմանագիր կա, անձրևից հետո Երևանը հեղեղվում է. Ավինյան
- 13:25 • 03.05.24 «Պարո՛ն Մինասյան, Դուք զրկվում եք ձայնի իրավունքից այսօր, մի՛ շարունակեք», «Տո դու մի՛ շարունակի»․ վեճ՝ ԱԺ-ում
- 16:37 • 02.05.24 Կանայք դարձել են ավելի պրոֆեսիոնալ, մեծացել է նրանց ներգրավվածությունը բիզնեսում․ Մարթա Սիմոնյան
- 15:27 • 02.05.24 AI-ը օգնում է բիզնեսին իր ժամանակը ավելի շատ տրամադրել հավելյալ արժեք ստեղծելու վրա․ Արմեն Ավագյան
- 14:45 • 02.05.24 Տարիների ընթացքում Ամերիան ձևավորել է գործատուի ուրույն բրենդ ու մշակույթ․ Աննա Վարդանյանց
- 14:44 • 02.05.24 CCF-ում գործատուն և աշխատակիցը ծանոթանում են միմյանց պահանջներին ու համագործակցում․ Արմեն Բալդրյան
- 13:21 • 02.05.24 Անազնիվ է, որ կան մանկավարժներ, ովքեր ամիսը 25-30 հազար դրամ աշխատավարձ են ստանում. Փաշինյան
- 12:39 • 02.05.24 Սկզբից ստեղծում ես ընկերության բրենդը, այնուհետև բրենդը պահում է ընկերությունը․ Հովնան Շահբազյան
- 12:34 • 02.05.24 Նկատել ենք, որ ընկերությունները սկսել են այլ կերպ վերաբերվել գործատուի իրենց բրենդին. CCF-ի տնօրեն
- 11:55 • 02.05.24 Այսքան ժամանակ թիրախավորել եք իմ կազմվածքը, որը որոշակիորեն փոխվել է․ Վահագն Ալեքսանյան
Ամենից շատ կարդացված նյութեր Այսօր Երեկ Շաբաթվա
-
Մամուլի տեսություն 09:08 • 16/05 Ինչ կարծիք ունի Հովիկ Աբրահամյանը Սրբազան շարժման մասին. «Փաստ» Բագրատ Սրբազանն ամենօրյա հանդիպումներ է ունենում տարբեր հասարակական, քաղաքական կազմակերպությունների ներկայացուցիչների, տարբեր գործիչների հետ: Նախօրեին էլ հայտարարվեց, որ հանդիպել է Վազգեն Մանուկյանի, Հրանտ Բագրատյանի և Խոսրով Հարությունյանի հետ:
-
Քաղաքականություն 23:53 • 15/05 Նշված հատվածներում սահմանային գծի վերարտադրումը ավարտվել է, համաձայնեցվել, ստորագրվել և այդ հատվածներում սահմանը համարվում է դելիմիտացված․ վարչապետի աշխատակազմ Դա տեղի կունենա առաջիկա 8-9 օրերի ընթացքում, իսկ Կիրանցի առավել զգայուն հատվածում` ավելի ուշ, որովհետեւ այդտեղ որոշ մանրամասներ ենթակա են լրացուցիչ ճշգրտման:
-
Իրադարձային 20:12 • 16/05 Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավարելու տարիների վերաբերյալ Հատուկ օրինակների շարքին, տեղին չէ մատնանշումներ կատարել «իր վարած ինքնաշարժի արժեքին», քանի որ ինքնաշարժը պատկանում է Թեմին և ոչ թե անձնապես Առաջնորդին, որի արժեքը որոշվում և հաստատվում է թեմական օրինաչափություններով և կարգավորումներով»,-ասված է հաղորդագրության մեջ։
-
Քաղաքականություն 23:38 • 15/05 Հայաստանն ու Ադրբեջանը Արձանագրություն են ստորագրել․ այսօր տեղի է ունեցել Հայաստանի և Ադրբեջանի սահմանազատման և սահմանային անվտանգության հարցերով հանձնաժողովի 9-րդ հանդիպումը․ ՀՀ ԱԳՆ ողմերը պայմանավորվել են աշխատանքային կարգով համաձայնեցնել հաջորդ հանդիպման անցկացման ամսաթիվն ու վայրը:
-
Իրադարձային 10:23 • 16/05 Լարված իրավիճակ՝ Բյուրականի Հովհաննես Թումանյանի անվան դպրոցում․ ուսուցիչները, աշակերտներն ու ծնողները բողոքում են տնօրենի հեռացման դեմ Բյուրականի Հ․ Թումանյանի անվան միջնակարգ դպրոցի բակում են հավաքվել դպրոցի ուսուցչական ամբողջ կոլեկտիվը, դպրոցում սովորող 500-ից ավելի երեխաներ, նրանց ծնողները, ովքեր պնդում են, որ Արագածոտնի մարզպետն անհիմն որոշում է ընդունել դպրոցի տնօրենին ազատել պաշտոնից
-
Իրադարձային 15:07 • 16/05 Օդանավակայանի միջազգային գոտում մնալու որոշման ողջ պատասխանատվությունը կրում է միայն Լեո Նիկոլյանը․ Ֆրանսիայի դեսպանատուն Ավելի վաղ հայտնել էինք, որ Նիկոլյանի մուտքը Հայաստան արգելվել է, նա հացադուլ է սկսել հենց օդանավակայանում՝ պահանջելով իրեն հիմնավոր պատասխան ներկայացնել արգելքի հետ կապած։
-
Քաղաքականություն 20:00 • 16/05 Տեսա Ղարաբաղում էլ մարդ չկա, եկա ՀՀ․ իմ միակ խնդիրը՝ արցախցիների հետ վերադարձն է․ բոլոր պաշտոն զբաղեցնողները պատասխան են տալու, ընդհուպ՝ ես․ Վիտալի Բալասանյան Նիկոլ Փաշինյանին արցախցիները չեն ընտրել, նա Արցախի վարչապետը չի եղել և նրան իրավունք չի վերապահվել, որպեսի Արցախի հարցերով ինքը զբաղվի
-
Քաղաքականություն 00:02 • 16/05 Սահմանապահները հայ-ադրբեջանական սահմանին կանգնելու են 8-9 օրերի ընթացքում, Կիրանցում` ավելի ուշ, այդտեղ որոշ մանրամասներ ենթակա են լրացուցիչ ճշգրտման․ վարչապետի աշխատակազմ Ոսկեպար-Բաղանիս հատվածի ամենազգայուն հարցերից մեկը կապված էր Ոսկեպարի Սբ Աստվածածին եկեղեցու, մյուսը` Ոսկեպար-Բաղանիս ԽՍՀՄ ժամանակների ճանապարհի հետ:
-
Իրադարձային 13:43 • 16/05 Ուզում եմ հրաժարական տալ, ես ժողովրդիս հետ եմ. Կիրանցի գյուղապետ «Դու մեզ միացիր, մենք էլ քեզ հետ ենք։ Դա հարցի լուծում չի։ Կամո՛, եղիր քո ժողովրդի հետ, բայց ոչ մեկին, ոչ մի ղեկավարի քո գրասենյակում մի ընդունիր, մեզ հետ կանգնիր մինչև վերջ ու գյուղը պահիր»,–ասացին հավաքված կիրանցեցիները։
-
Իրադարձային 15:48 • 15/05 Բագրատ Սրբազան, Արման Թաթոյան, Սերժ Սարգսյան, Ռոբերտ Քոչարյան. ո՞ւմ են քաղաքացիները տեսնում անցումային կառավարության ղեկավար «Gallup International Association»-ի Հայաստանում լիիրավ անդամ՝ Էմ Փի ՋԻ ՍՊԸ տնօրեն Արամ Նավասարդյանը ներկայացրել է «Տավուշը հանուն հայրենիքի» շարժման վերաբերյալ «Առաջնորդում» խորագրով հարցման արդյունքները:
-
Իրադարձային 17:26 • 15/05 Սլովակիայում տղամարդը 4 անգամ կրшկել է երկրի վարչապետին. նրա վիճակը ծանր է (տեսանյութ) Ինչպես հայտնում է Pravda-ն, Ռոբերտ Ֆիցոն դուրս է եկել ժողովրդի մոտ, երբ չորս կրակոց է հնչել։ Վարչապետը վիրավորվել է կրծքավանդակի և որովայնի շրջանում։ Ֆիցոյին շտապօգնության մեքենայով տեղափոխել են Բրատիսլավայի հիվանդանոց։
-
Իրադարձային 13:22 • 15/05 Սպասվում է անձրև և ամպրոպ, օդի ջերմաստիճանը կբարձրանա 2-4 աստիճանով, ապա նույնքան կնվազի Մարզերում մայիսի 15-ի և 17-ի ցերեկը, 18-20-ին առանձին շրջաններում, 16-ին, 17-ի գիշերը՝ շրջանների զգալի մասում ժամանակ առ ժամանակ սպասվում է անձրև և ամպրոպ, 16-ին առանձին շրջաններում՝ ինտենսիվ, հնարավոր է նաև կարկուտ։
-
Քաղաքականություն 23:53 • 15/05 Նշված հատվածներում սահմանային գծի վերարտադրումը ավարտվել է, համաձայնեցվել, ստորագրվել և այդ հատվածներում սահմանը համարվում է դելիմիտացված․ վարչապետի աշխատակազմ Դա տեղի կունենա առաջիկա 8-9 օրերի ընթացքում, իսկ Կիրանցի առավել զգայուն հատվածում` ավելի ուշ, որովհետեւ այդտեղ որոշ մանրամասներ ենթակա են լրացուցիչ ճշգրտման:
-
Իրադարձային 12:35 • 15/05 Ինչո՞ւ է աշխատանքից ազատվել Յոլյանի անվան արյունաբանական կենտրոնի տնօրենը. Առողջապահության նախարարության պարզաբանումը Նա կենտրոնի ժամանակավոր պաշտոնակատար էր և հունիսի 7-ին իր պարտականությունների կատարման ժամկետն ավարտվելու էր, սահմանված համարժեք երաշխիքով փոխհատուցում իրականացվել է:
-
Մամուլի տեսություն 07:52 • 15/05 Բագրատ Սրբազանը Հայաստանում սեփականություն չունի. նա բնակվում է կացարանում․ «Ժողովուրդ» Տավուշի թեմի առաջնորդարանից ասացին, որ Բագրատ Սրբազանը Մայր աթոռում իր համար հատկացված կացարան ունի, որտեղ բնակվում է. իսկ այս օրերին Երեւանում վագոն-տնակում կամ հյուրանոցում է գիշերում։
-
Իրադարձային 11:13 • 15/05 Օպերայի և բալետի ազգային ակադեմիական թատրոնի հարակից մի շարք փողոցներ այսօր փակ են լինելու Մասնավորապես փակ կլինի Տերյան փողոցը՝ Սայաթ-Նովայի պողոտա-Տերյան փողոց խաչմերուկից մինչև Տերյան-Թումանյան փողոցների խաչմերուկ, Թումանյան փողոցը՝ Թումանյան-Աբովյան փողոցների խաչմերուկից մինչև Մաշտոցի պողոտա-Թումանյան փողոց խաչմերուկ։
-
Քաղաքականություն 11:38 • 15/05 Ղարաբաղում սեպտեմբերյան իրադարձություններն անհիմն տեղի չեն ունեցել. ՌԴ ԱԳ փոխնախարար «Հայաստանի իշխանությունները 2022 թվականի հոկտեմբերին Պրահայում ԵՄ հովանու ներքո կայացած գագաթնաժողովում ճանաչել են Ադրբեջանի տարածքային ամբողջականությունը, ներառյալ Ղարաբաղը դրա կազմում։ Ընդ որում, Երևանը մեզ այդ մասին չի տեղեկացրել», - ասել է Գալուզինը։
-
Քաղաքականություն 21:50 • 15/05 Հիմնական անելիքները տեղափոխվում են այն օրակարգ, որին բոլորդ սպասում եք․ վաղը նույնպես կազմակերպելու ենք ակցիաներ․ Բագրատ Սրբազան Մինչև այս շաբաթվա վերջ կշարունակենք հանդիպել տարբեր ուժերի ներկայացուցիչների հետ։ Թվով 101 գիտնական, գիտաշխատող և տարբեր ոլորտի մասնագետներ պահանջել են մարդու (վարչապետի) հրաժարականը
-
Իրավունք 12:40 • 15/05 ՌԴ ՊՆ կադրերի վարչության պետին կաշառք տալու գործով հայ գործարար է ձերբակալվել (տեսանյութ) Քննության տվյալներով՝ Մարտիրոսյանն անձամբ ծանոթ է եղել Կուզնեցովի հետ և վերջինիս կաշառք է տվել «այլ գույքի տեսքով»։ Մոսկվայի Բասմանի դատարանը Մարտիրոսյանին մինչև հուլիսի 12-ը ուղարկել է քննչական մեկուսարան։ Նա մեղադրվում է Ռուսաստանի Դաշնության Քրեական օրենսգրքի 291-րդ հոդվածի 5-րդ կետով:
-
Քաղաքականություն 13:21 • 15/05 Հայաստանում զանգվածային ձերբակալությունների ֆոնին քար լռություն է, իսկ Վրաստանի դեպքում ԱՄՆ-ն և ԵՄ-ն ամեն օր հարձակվnւմ են իշխանությունների վրա՝ ցուցարարների պատճառով. Զախարովա «Ինչ վերաբերում է Հայաստանում բազմահազարանոց բողոքի ակցիաներին, ապա արևմտյան առաջատար ԶԼՄ-ները կարծես թե դրանք ստվերում են թողնում՝ ձևացնելով, թե այնտեղ ոչինչ տեղի չի ունենում: Կամ էլ Հայաստանում տեղի ունեցող այս զարգացումներն արևմտյան ԶԼՄ-ները մատուցում են որպես հայ ժողովրդի...
-
Իրադարձային 19:45 • 15/05 Պարզվել է Սլովակիայի վարչապետի դեմ մшհափnրձ կատարած անձի ինքնությունը (տեսանյութ) Նշվում է, որ 71-ամյա գրողը ընդդիմՀիշեցնենք, որ ավելի վաղ հայտնել էինք Սլովակիայի վարչապետ Ռոբերտ Ֆիցոյին մի քանի անգամ կրակել են Հանդլով քաղաքում կառավարության նիստից հետո:ադիր Առաջադիմական Սլովակիա կուսակցության կողմնակիցն է։
-
Իրադարձային 21:32 • 14/05 Պարզվել է եկեղեցու բակում հայտնաբերված նորածին երեխայի մոր ինքնությունը. ոստիկանություն Ավելի վաղ հայտնել էինք, որ փոքրիկին նկատել է եկեղեցու այգեպանը, այդ մասին հայտնել է իր ծանոթին` Երևանի բնակիչ 68-ամյա Մարիամ Հ.-ին։ Նա երեխային տարել է իր տուն, խնամել, որից հետո ահազանգել է ոստիկանություն, որոնք էլ երեխային տեղափոխել են հիվանդանոց։
-
Իրադարձային 15:48 • 15/05 Բագրատ Սրբազան, Արման Թաթոյան, Սերժ Սարգսյան, Ռոբերտ Քոչարյան. ո՞ւմ են քաղաքացիները տեսնում անցումային կառավարության ղեկավար «Gallup International Association»-ի Հայաստանում լիիրավ անդամ՝ Էմ Փի ՋԻ ՍՊԸ տնօրեն Արամ Նավասարդյանը ներկայացրել է «Տավուշը հանուն հայրենիքի» շարժման վերաբերյալ «Առաջնորդում» խորագրով հարցման արդյունքները:
-
Գիտություն/տեխնիկա 15:50 • 12/05 ԱՄՆ-ում կյանքից հեռացել է տղամարդը, որին աշխարհում առաջին անգամ բարեհաջող խոզի երիկամ էր փոխպատվաստվել Տղամարդը, որն աշխարհում առաջինն էր ենթարկվել գենետիկորեն ձևափոխված խոզի երիկամի փոխպատվաստման բարեհաջող վիրահատությանը, մահացել է: Դա տեղի է ունեցել ԱՄՆ-ում՝ վիրահատությունից մոտ երկու ամիս անց, հայտնում է CBS News-ը՝ վկայակոչելով Մասաչուսեթսի հիվանդանոցը։
-
Իրադարձային 17:26 • 15/05 Սլովակիայում տղամարդը 4 անգամ կրшկել է երկրի վարչապետին. նրա վիճակը ծանր է (տեսանյութ) Ինչպես հայտնում է Pravda-ն, Ռոբերտ Ֆիցոն դուրս է եկել ժողովրդի մոտ, երբ չորս կրակոց է հնչել։ Վարչապետը վիրավորվել է կրծքավանդակի և որովայնի շրջանում։ Ֆիցոյին շտապօգնության մեքենայով տեղափոխել են Բրատիսլավայի հիվանդանոց։
-
Իրադարձային 11:11 • 14/05 Եթե չէիք հավատում, ուրեմն պետք է չասեիք, շատ բարկացած եմ․ ԵՊՀ պրոռեկտորն իջավ Սրբազանի մոտ ու հայտարարեց, որ ինքը ուսանողներին չի սպառնացել Լրագրողի դիտարկմանը, թե լուրեր կան այն մասին, որ Նիկոլ Փաշինյանը տարբեր ուղղություններով անվտանգության երաշխիքներ է փնտրում, Բագրատ Սրբազանն ասաց․ «Մենք իր տերը չենք, մենք իրեն հնարավորություն տվողն ենք»։
-
Իրադարձային 16:10 • 13/05 Դա հանցանք է, Հովիկ Աղազարյանին պետք է կանչեն ԱԱԾ․ Բագրատ Սրբազանը՝ Աղազարյանի՝ 70 տոկոս ցուցարարները փողով են գնում հանրահավաք հայտարարության մասին Անկեղծ ասում եմ՝ ունե՞ն փաստեր, որևէ տեսակի արձանագրումներ, հանցանք է դա, թող փաստեն որ կա։ Ես հենց հիմա հորդորում եմ ԱԱԾ-ին հրապարակեն այդ բոլոր նյութերը, չունե՞ն ուրեմն այդ մարդկանց պետք է կանչեն
-
Քաղաքականություն 18:37 • 10/05 Սահմանազատումն իրականացվում է մեր պայմանների հիման վրա, և սա մեր հաջորդ հաղթանակն է․ այդպես էլ շարունակվելու է․ Ալիև Այստեղ խոսելու իրավունքը մեզ է պատկանում, մենք առաջատար պետությունն ենք Կովկասում, մենք առաջատար պետություն ենք տնտեսական, քաղաքական, ռազմական առումներով, բոլոր առումներով, բոլորը պետք է հաշվի նստեն մեզ հետ։
-
Քաղաքականություն 15:06 • 11/05 Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա․ Սամվել Բաբայան Այո վարչապետը պետք է հեռանա, տա հրաժարական, գնանք նոր ընտրությունների, այդ մասին ես դեռ ասել եմ նոյեմբեր-դեկտեմբերին։ Թե ես ում եմ տեսնում որպես թեկնածու՝ շատ քիչ է, հասարակությունը պետք է ձևավորի։
-
Իրադարձային 13:22 • 15/05 Սպասվում է անձրև և ամպրոպ, օդի ջերմաստիճանը կբարձրանա 2-4 աստիճանով, ապա նույնքան կնվազի Մարզերում մայիսի 15-ի և 17-ի ցերեկը, 18-20-ին առանձին շրջաններում, 16-ին, 17-ի գիշերը՝ շրջանների զգալի մասում ժամանակ առ ժամանակ սպասվում է անձրև և ամպրոպ, 16-ին առանձին շրջաններում՝ ինտենսիվ, հնարավոր է նաև կարկուտ։
-
Իրադարձային 12:17 • 14/05 Ես եղել եմ Եվրոպայում, մեկուկես օր էլ` Ռուսաստանում, բայց խնդրում եմ այս ամենը չդիտարկել «դաբրոներ» ստանալու համատեքստում․ Սուրեն Պետրոսյան Չեմ ուզում շատ մեծամիտ հնչի, բայց ինձ չի հետաքրքրում՝ ով ինչ ազդակ կտա, որևէ մեկը ազդակ չի էլ կարող տալ, որովհետև սա մեր «տան հարցն» է։
-
Մամուլի տեսություն 09:08 • 16/05 Ինչ կարծիք ունի Հովիկ Աբրահամյանը Սրբազան շարժման մասին. «Փաստ» Բագրատ Սրբազանն ամենօրյա հանդիպումներ է ունենում տարբեր հասարակական, քաղաքական կազմակերպությունների ներկայացուցիչների, տարբեր գործիչների հետ: Նախօրեին էլ հայտարարվեց, որ հանդիպել է Վազգեն Մանուկյանի, Հրանտ Բագրատյանի և Խոսրով Հարությունյանի հետ:
Քաղաքականություն
-
22:22 • 16.05.24 Մոլդովայում նշանակվել է նախագահական ընտրությունների օրը
-
21:03 • 16.05.24 Միրզոյանը ԵԽԽՎ նախագահի հետ քննարկել է տարածաշրջանային հարցեր
Իրավունք
-
13:19 • 16.05.24 Ադրբեջանը 5 ամսով երկարաձգել է Ռուբեն Վարդանյանի կալանքի ժամկետը
Սպորտ
-
15:42 • 16.05.24 Գերմանիայի հավաքականը հրապարակել է թիմի կազմը Եվրո-2024-ի համար
-
08:23 • 16.05.24 «Յուվենտուսը» հաղթեց «Ատալանտային» ու նվաճեց Իտալիայի գավաթը
Մամուլի տեսություն
-
09:08 • 16.05.24 Ինչ կարծիք ունի Հովիկ Աբրահամյանը Սրբազան շարժման մասին. «Փաստ»
-
08:56 • 16.05.24 Հանձնարարված է աջուձախ «չնայել». տնից՝ գործի, գործից՝ տուն. «Փաստ»