Փարիզում տեղի է ունեցել զանգվածային երթ` ի նշան ազգային միասնության (լուսանկարներ)

18:29 • 11.01.15

Ֆրանսիայում  հազարավոր մարդիկ դուրս են եկել փողոցներ` ի նշան ազգային միասնության: Ինչպես տեղեկացնում է  France24.com պարբերականը` շուրջ 40 համաշխարհային առաջնորդ կմիանա ռեկորդային քանակությամբ մարդկանց, ովքեր զանգվածային  երթ են կազմակերպել Փարիզում` ի հիշատակ  ֆրանսիական մայրաքաղաքում տեղի ունեցած բռնության զոհերի: 

Հաղորդվում է նաև, որ անվտանգության ուժերը բարձր զգոնության հրահանգ են ստացել: 

Հիշեցնենք, որ Փարիզում տեղի ունեցած մի քանի ահաբեկչական գործողությունների հետևանքով հունվարի 7-ից մինչ այսօր 17 մարդ է զոհվել: Այդ գործողությունները սկիզբ առան հունվարի 7-ին, երբ մի քանի զինված մարդիկ ներխուժել էին Charlie Hebdo երգիծական շաբաթահանդեսի խմբագրություն և սպանել 12 մարդու: