Մայիսյան գյուղից անհետացած երկու աղջիկների որոնումները շարունակվում են

15:45 • 11.04.15

Արմավիր մարզի Մայիսյան գյուղի բնակչությունը ոստիկանության հետ համատեղ փնտրում է գյուղից անհետացած երկու 21 –ամյա աղջիկներին: Նրանցից մեկն անհետացել էր երեք օր առաջ, մյուսը` ապրիլի 6-ին:


Tert.am-ի հետ զրույցում  գյուղապետ Եսայի Մովսիսյանը մանրամասնեց. «Գիշեր-ցերեկ  ման ենք գալիս, ոչ մի խաբար, տեղեկություն չունենք:  Ժամը ութին տանից դուրս է գնացել ու ոչ մի  տեղեկություն չկա: Ոչ տանեցիք տեղեկություն ունեն ոչ մի բան, ոչ էլ անախորժություն է եղել տանը, որ թողել ,գնացել են»:


Աղջիկների անուն-ազգանուններն են  Խանախանյան Ռուզաննա և Տոնոյան Մարիամ:


Գյուղապետի հաղորդմամբ` երկու աղջիկները համադասարանցիներ են եղել, սակայն դպրոցն ավարտելուց հետո առանձնապես շփում իրար հետ չեն ունեցել:


Եսայի  Մովսիսյանը նկատեց, որ բացառվում է նրանց ինչ-որ երիտասարդների հետ փախած լինելը և հավելեց, որ աղջիկներից մեկի մոտ նկատվում են հոգեկանն առողջության հետ կապված խնդիրներ: