Եղանակն՝ այսօր
Քիմ Քարդաշյանն ու Քանյե Ուեսթը Երուսաղեմի հայկական եկեղեցում մկրտել են դստերը
Ամերիկյան ռեալիթի շոուի հեռուստաաստղ Քիմ Քարդաշյանն ու ռեփեր Քանյե Ուեսթը Երուսաղեմի հայկական եկեղեցում մկրտել են իրենց դստերը` Նորթին:
Ինչպես հաղորդում է Associated Press-ը` մկրտությունը տեղի է ունեցել Երուսաղեմի հին քաղաքում գտնվող Սուրբ Հակոբ տաճարում: Արիս Արքեպիսկոպոս Շիրվանյանը Քիմի և Քանյեի դստերը պաշտոնապես հայտարարել է Հայ առաքելական եկեղեցու անդամ:
«Քիմ Քարդաշյանի դուստրը կկնքվի, կդառնա քրիստոնյա և Հայ եկեղեցու անդամ: Ես անձամբ չեմ ճանաչում նրան, գիտեմ, որ հայտնի անձնավորություն է: Ամեն դեպքում նրա այցը ընտանիքի հետ ողջունելի է», - աղբյուրը մեջբերում է արքեպիսկոպոս Շիրվանյանի խոսքը:
Արարողության մասին այլ մանրամասներ չեն հաղորդվում, մկտությունից հետո ընտանիքը հեռացել է եկեղեցուց` առանց լրագրողների հետ խոսելու:
Հիշեցնենք, որ Քիմն ամուսնու, քրոջ և դստեր հետ երկօրյա այցով Երուսաղեմ է ժամանել այսօր:
Աղբյուրն ընդգծել է, որ Քարդաշյանն ընտանիքի հետ Երուսաղեմ է մեկնել Հայաստան կատարած հնչեղ այցելությունից հետո, որտեղ ընտանիքը փորձել է վերագտնել իր արմատները:
Studio One