Ձեռքի վրա դաջվածքները խանգարում են Apple Watch-ի աշխատանքին. լրատվամիջոցներ (տեսանյութ)

Apple Watch «խելացի» ժամացույցների վաճառքի մեկնարկից հետո դաստակի վրա դաջվածք ունեցող գնորդները բախվել են խնդրի, գրում է korrespondent.net-ը:

Պատճառն այն է, որ սրտի աշխատանքի սենսորը չափում է սրտի ռիթմերը՝ մաշկի և մազանոթների միջոցով: Դաջվածքի դեպքում ցուցանիշները հաճախ սխալ են լինում կամ ընդհանրապես բացակայում են:

Ներկերը, որոնք օգտագործում են դաջվածք անելու համար, խանգարում են սենսորներին չափել մարդու զարկերակը և հանգեցնում են սարքի արգելափակման:

Դաջվածքների հետ համատեղելի չեն ոչ միայն Apple-ի ժամացույցները, նույն պատճառներով խափանվում է նաև FitBit Charge HR և Microsoft Band թևնոցների աշխատանքը:

Պաշտոնական մեկնաբանություն Apple Watch-ի աշխատանքի մասին դեռ չի եղել: Դեռևս ժամացույցների սեփականատերերին խորհուրդ է տրվում անջատել Wrist Detection գործառույթը՝ ավտոմատ արգելափակումից խուսափելու համար: