Գյումրիում ձերբակալված ռուսական ռազմաբազայի զինծառայողը խոստովանել է զինակցի սպանության մասին

15:18 • 15.06.15

Հայաստանի Գյումրի քաղաքում տեղակայված ռուսական 102-րդ ռազմաբազայի զինծառայողի սպանության պատճառը եղել է կենցաղային խնդիրը, հայտնում է Интерфакс-ը՝ հղում անելով Հարավային ռազմական շրջանի մամուլի ծառայությանը։

 

«Նախնական տվյալներով՝ զինծառայողի մահվան պատճառը դարձել է վիճաբանությունը զինակցի հետ, ով այս պահին ձերբակալված է և խոստովանական ցուցմունքներ է տալիս»,- նշել է աղբյուրը։

 

Դեպքի վայրում աշխատում է Հարավային ռազմական շրջանի հանձնաժողովը։

 

Մամուլի ծառայության տվյալներով՝ հունիսի 15-ի առավոտյան ժամը մոտ 08։00-ին Գյումրիում զորամասի սահմաններից դուրս հայտնաբերվել է ռազմաբազայի զինծառայողի դի։

 

Ռուսաստանի նախագահ Վլադիմիր Պուտինի մամուլի խոսնակ Դմիտրի Պեսկովը նշել է, որ դեպքի առթիվ կզեկուցվի նախագահին։ 

 

«Դեռևս չեմ կարող պատասխանել՝ եղել են արդյոք զեկուցումներ նախագահին։ Անկասկած, դա ԶԼՄ-ների հաղորդագրություն է, և կներառվի համապատասխան ցանկում»,- ասել է Պեսկովը։