Ֆինլանդիայի վարչապետը փախստականներին հրավիրել է իր ամառանոց

19:07 • 05.09.15

Լուսանկարը՝ rtvi.com-ի

Ֆինլանդիայի կառավարության ղեկավար Յուխա Սիպիլյան որոշ ժամանակով պատրաստ է իր ամառանոցը տրամադրել փախստականներին։ Նա նաև հույս է հայտնել, որ իր օրինակին կհետևեն երկրի բոլոր գիտակից քաղաքացիները, գրում է Вести-ն։


Վարչապետը բացատրել է, որ տունը, որը գտնվում է Հելսինկիից 500 կմ հեռավորության վրա, մեծավմասամբ դատարկ է։ Սիպիլյան հույս ունի, որ իր բարի կամքի ժեստը կդառնա  համաժողովրդական ինչ-որ շարժման սկիզբ, և որ շատ մարդիկ կցանկանան իրենց ներդրումն ունենալ համաեվրոպական ճգնաժամի լուծման հարցում։


«Ես ցանկանում եմ ցույց տալ, որ Ֆինլանդիան բազմամշակութային երկիր է»,- ասել է նա։


Ինչպես ԵՄ բոլոր երկրները, Ֆինլանդիան նույնպես փորձում է լուծել փախստականների տեղավորման հարցը։ Միայն ընթացիկ տարում ֆինները ստացել են կացարան տրամադրելու վերաբերյալ մոտ 30.000 հայտ։