Հունգարիայի ոստիկանությունը փախստականների պատճառով հսկողության տակ է առել Սերբիայի հետ սահմանին երկաթգիծը
Լուսանկարը՝ РИА Новости. Դմիտրի Վինոգրադովի
Հունգարիայի ոստիկանությունը հսկողության տակ է առել Ռեսկե քաղաքի մոտակայքում գտնվող երկաթուղին, որը հիմնական ուղին է, որով փախստականները Սերբիայից ժամանում են Հունգարիա, գրում է Интерфакс-ը։
Այդ շրջան են ուղարկվել տասնյակ իրավապահներ։ Ինժեներները ճանապարհներին փշալարերից պարիսպներ են կառուցել։ Արդյունքում՝ հարյուրավոր ներգաղթյալներ չեն կարողացել Հունգարիա մտնել։
Ոստիկանները փախստականներին հայտնել են, որ նրանք պետք է անցնեն պաշտոնական սահմանային անցակետով, որը գտնվում է երկաթուղուց 2 կմ հեռավորության վրա։
Հաղորդվում է, որ ռեկորդային թվով փախստականներ՝ 5.800 մարդ, Հունգարիա են ժամանել կիրակի։










