Հունգարիայի ոստիկանությունը արցունքաբեր գազ և ջրցաններ է կիրառել ներգաղթյալների դեմ (տեսանյութ)

Հունգարիայի ոստիկանությունը արցունքաբեր գազ և ջրցան մեքենաներ է կիրառել ներգաղթյալների դեմ, երբ վերջիններս Սերբիայի հետ սահմանով հատել են երկրի տարածքը:
Ինչպես հաղորդում է The Telegraph-ը` ոստիկանության ներկայացուցիչների խոսքով` ներգաղթյալները ագրեսիվ են դարձել ու սկսել քարեր և շշեր նետել, երբ երկրի սահմանը փակվել է:
Հիշեցնենք, որ այսօր ավելի վաղ ստացված լուրերի համաձայն` Հունգարիայի դատարանն առաջին անգամ դատապարտել էր ներգաղթյալներից մեկին Հունգարիայի սահմանը հատելու համար:









