Ադրբեջանում Ազգային անվտանգության նախարարության աշխատակիցներ են ձերբակալվել

Ադրբեջանում Ազգային անվտանգության նախարարության մի շարք աշխատակիցներ են ձերբակալվել։

Նրանց մեղադրանք է առաջադրվել ծառայողական լիազորությունները չարաշահելու հոդվածով:

Ինչպես տեղեկացնում է contact.az-ը, այդ մասին հաղորդել են իրավապահ մարմիններում աղբյուրները։

Ձերբակալվածների անունները դեռ չեն հրապարակվում։ Հաղորդվում է, որ նրանց թվում ԱԱՆ նախկին ղեկավար Էլդար Մահմուդովի մերձավորներն են։ Մահմուդովը պաշտոնից ազատվել էր հոկտեմբերի 17-ին:

Քննությունը վարում է Ադրբեջանի պետական պահպանության ծառայության աշխատակիցների խումբը:

Ձերբակալվածները չհիմնավորված ստուգումներ են անցկացրել գործարար կառույցներում և շանտաժ են արել։